ರಿಲಯನ್ಸ್ ಜಿಯೋ ಮೇಲೆ ಫೇಸ್‌ಬುಕ್‌ ಕಣ್ಣು, ಪಾಲು ಖರೀದಿಗೆ ಪ್ಲಾನ್

ರಿಲಯನ್ಸ್ ಜಿಯೋ ಭಾರತದ ಅಗ್ರಮಾನ್ಯ ಟೆಲಿಕಾಂ ಸಂಸ್ಥೆಗಳಲ್ಲಿ ಒಂದು. ಕೋಟಿಗಟ್ಟಲೇ ಗ್ರಾಹಕರನ್ನು ಒಳಗೊಂಡಿರುವ ಜಿಯೋ ಏಷ್ಯಾದ ಎರಡನೇ ಶ್ರೀಮಂತ ವ್ಯಕ್ತಿ ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಕೇಶ್ ಅಂಬಾನಿ ಒಡೆತನದಲ್ಲಿದೆ. ಆದರೆ ಸಾಮಾಜಿಕ ಜಾಲತಾಣಗಳ ದೈತ್ಯ ಫೇಸ್‌ ಬುಕ್ ಇದನ್ನು ಖರೀದಿಗೆ ಮನಸ್ಸು ಮಾಡಿದೆ ಎಂದು ಎಕನಾಮಿಕ್‌ ಟೈಮ್ಸ್ ವರದಿ ಮಾಡಿದೆ.

ಫೇಸ್‌ಬುಕ್‌ ಸಾವಿರಾರು ಕೋಟಿ ರುಪಾಯಿ ಮೌಲ್ಯದ ರಿಲಯನ್ಸ್ ಇಂಡಸ್ಟ್ರೀಸ್‌ ಪಾಲನ್ನು ಖರೀದಿಸಲು ಯೋಜಿಸುತ್ತಿದೆ. ರಿಲಯನ್ಸ್ ಇಂಡಸ್ಟ್ರೀಸ್‌ನ ಎನ್‌ಎಸ್‌ಐ (ನಿಫ್ಟಿ) 6.51 ಪರ್ಸೆಂಟ್ ಷೇರುಗಳು ಬಹು ಬಿಲಿಯನ್ ಪಾಲನ್ನು ಖರೀದಿಸಲು ಮಾತುಕತೆ ನಡೆಸುತ್ತಿದೆ ಎಂದು ಫೈನಾನ್ಷಿಯಲ್ ಟೈಮ್ಸ್ ಮಂಗಳವಾರ ವರದಿ ಮಾಡಿದೆ.

ರಿಲಯನ್ಸ್ ಇಂಡಸ್ಟ್ರೀಸ್ ಪಾಲಿನ ಜೊತೆಗೆ ಭಾರತದ ಶ್ರೀಮಂತ ವ್ಯಕ್ತಿ ಮುಖೇಶ್ ಅಂಬಾನಿಯವರ ನಿಯಂತ್ರಣದಲ್ಲಿರುವ ಜಿಯೋದಲ್ಲಿ 10 ಪರ್ಸೆಂಟ್ ಪಾಲನ್ನು ಪಡೆಯಲು ಫೇಸ್‌ಬುಕ್ ಪ್ರಯತ್ನಿಸುತ್ತಿದೆ ಎಂದು ttps://on.ft.com/2wyFwc1 ಹೇಳಿದೆ. ಆದರೆ ಕೊರೊನಾವೈರಸ್ ಜಾಗತಿಕವಾಗಿ ಹರಡಿರುವುದರಿಂದ , ಹಾಗೂ ಜಾಗತಿಕ ಪ್ರಯಾಣವೂ ನಿಷೇಧದಿಂದಾಗಿ ಮಾತುಕತೆ ಏಕಾಏಕಿ ಸ್ಥಗಿತಗೊಂಡಿದೆ ಎಂದು ವರದಿಯಾಗಿದೆ.

ಫೇಸ್‌ಬುಕ್ ಸಂಸ್ಥಾಪಕ ಮಾರ್ಕ್ ಜುಕರ್‌ಬರ್ಗ್‌ ಲಕ್ಷಾಂತರ ಕೋಟಿ ರುಪಾಯಿ ಕೊಟ್ಟು ವಾಟ್ಸಾಪ್ ಖರೀದಿ ಮಾಡಿದ್ದರು. ತನ್ನ ಬಿಜಿನೆಸ್ ಪಾಲನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳುವತ್ತ ಎದುರು ನೋಡುತ್ತಿರುವ ಫೇಸ್‌ಬುಕ್ ಇದೀಗ ಜಿಯೋ ಮೇಲೂ ಕಣ್ಣಿಟ್ಟಿದೆ.