ಜಿಯೋದಲ್ಲಿ ಫೇಸ್‌ಬುಕ್ 43,574 ಕೋಟಿ ಹೂಡಿಕೆಯಿಂದ 2021ರ ವೇಳೆಗೆ ರಿಲಯನ್ಸ್ ಇಂಡಸ್ಟ್ರೀಸ್ ಸಾಲ ಶೂನ್ಯ

ಸಾಮಾಜಿಕ ಜಾಲತಾಣ ದಿಗ್ಗಜ ಫೇಸ್‌ಬುಕ್ ರಿಲಯನ್ಸ್‌ ಜಿಯೋದಲ್ಲಿ 43,574 ಕೋಟಿ ರುಪಾಯಿ ಹೂಡಿಕೆಯಿಂದ ರಿಲಯನ್ಸ್ ಇಂಡಸ್ಟ್ರೀಸ್ (ಆರ್‌ಐಎಲ್) ಮಾರ್ಚ್ 2021ರ ವೇಳೆಗೆ ಶೂನ್ಯ ನಿವ್ವಳ ಸಾಲ ಕಂಪನಿಯಾಗುತ್ತದೆ ಎಂದು ಕ್ರೆಡಿಟ್ ನ್ಯೂಸ್ ವರದಿ ಸೋಮವಾರ ತಿಳಿಸಿದೆ.

"ಒಪ್ಪಂದದ ನಗದು ಹರಿವು ಆರ್ಐಎಲ್ ಒಟ್ಟಾರೆ ನಿವ್ವಳ ಸಾಲವನ್ನು ತಗ್ಗಿಸಲು ಸಹಾಯ ಮಾಡುತ್ತದೆ ಮತ್ತು ಮಾರ್ಚ್ 2021 ರ ವೇಳೆಗೆ ಶೂನ್ಯ ನಿವ್ವಳ ಸಾಲವನ್ನು ಸಾಧಿಸುವ ಗುರಿಯತ್ತ ಸಾಗಲು ಸಹಾಯ ಮಾಡುತ್ತದೆ" ಎಂದು ವರದಿ ತಿಳಿಸಿದೆ.

43,574 ಕೋಟಿ ರುಪಾಯಿಗಳ ಹೂಡಿಕೆಯೊಂದಿಗೆ ಜಿಯೋ ಪ್ಲಾಟ್‌ಫಾರ್ಮ್‌ಗಳಲ್ಲಿ ಫೇಸ್‌ಬುಕ್ 9.99 ಪರ್ಸೆಂಟ್‌ರಷ್ಟು ಪಾಲನ್ನು ಪಡೆದುಕೊಳ್ಳಲಿದೆ. ಸಾಲದ ಕಡಿತವನ್ನು ಹೊರತುಪಡಿಸಿ, ರಿಲಯನ್ಸ್ ಇಂಡಸ್ಟ್ರೀಸ್ ತಾಂತ್ರಿಕ ದೃಷ್ಟಿಯಿಂದ ಲಾಭ ಪಡೆಯುತ್ತದೆ. ವಾಟ್ಸಾಪ್‌ನ ದೊಡ್ಡ ಬಳಕೆದಾರರ ಸಂಖ್ಯೆ ಜಿಯೋಮಾರ್ಟ್ ಅಪ್ಲಿಕೇಶನ್ ಅನ್ನು ಅಳವಡಿಸಿಕೊಳ್ಳುವುದನ್ನು ಗಮನಾರ್ಹವಾಗಿ ವೇಗಗೊಳಿಸುತ್ತದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಫೇಸ್‌ಬುಕ್ ಅನೇಕ ವಿಆರ್ ಸಾಧನಗಳನ್ನು ವಾಣಿಜ್ಯೀಕರಿಸಿದೆ ಮತ್ತು ಪೋರ್ಟಲ್ ನಂತಹ ವೀಡಿಯೊ ಕರೆ ಮಾಡುವ ಸಾಧನವನ್ನು ಹೊಂದಿದೆ ಎಂದು ಅದು ಹೇಳಿದೆ. ಜಿಯೋ ಬ್ರಾಡ್‌ಬ್ಯಾಂಡ್ ಕೊಡುಗೆಯೊಂದಿಗೆ ಎರಡೂ ಉತ್ತಮವಾಗಿ ಕಾರ್ಯನಿರ್ವಹಿಸಬಹುದು . ಈ ಒಪ್ಪಂದದಿಂದ ಫೇಸ್‌ಬುಕ್‌ಗೆ ಆಗುವ ಲಾಭಗಳ ಕುರಿತು ವರದಿ ಮಾಡಿರುವ ಕ್ರೆಡಿಟ್ ಸ್ಯೂಸ್, ಭಾರತದ ಅತಿದೊಡ್ಡ ಚಿಲ್ಲರೆ ವ್ಯಾಪಾರಿಯೊಂದಿಗಿನ ಸಹಭಾಗಿತ್ವವು ತನ್ನ ವಾಣಿಜ್ಯ ಕೊಡುಗೆಯನ್ನು ಬಲಪಡಿಸುತ್ತದೆ ಎಂದು ಹೇಳಿದೆ.