For Quick Alerts
ALLOW NOTIFICATIONS  
For Daily Alerts

ಇದು ರುಪಾಯಿ ಕುಸಿತ ಅಲ್ಲ, ಡಾಲರ್ ಬಲವರ್ಧನೆ ಅಷ್ಟೇ: ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್

|

ನವದೆಹಲಿ, ಅ. 16: ಡಾಲರ್ ಎದುರು ರೂಪಾಯಿ ದಾಖಲೆಯ ಮಟ್ಟಕ್ಕೆ ಕುಸಿಯುತ್ತಲೇ ಇದೆ. ಮೊನ್ನೆ ಮೊನ್ನೆ ರೂಪಾಯಿ ಬೆಲೆ 82.69ಕ್ಕೆ ಕುಸಿದಿತ್ತು. ಇದು ಸಾರ್ವಕಾಲಿಕ ಮಟ್ಟದ ಕುಸಿತವೆನಿಸಿದೆ. ರೂಪಾಯಿ ಕುಸಿತ ಭಾರತದ ಆರ್ಥಿಕ ಅಧಃಪತನದ ಸಂಕೇತವಾಗಿದೆ ಎಂದು ಕೆಲವರು ಹೇಳುತ್ತಾರೆ. ಆದರೆ, ಈ ಅಭಿಪ್ರಾಯವನ್ನು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮತ್ತೊಮ್ಮೆ ತಳ್ಳಿಹಾಕಿದ್ದಾರೆ.

 

ಅಭಿವೃದ್ಧಿಶೀಲ ದೇಶಗಳ ಕರೆನ್ಸಿಗಳಿಗೆ ಹೋಲಿಸಿದರೆ ಭಾರತೀಯ ರೂಪಾಯಿ ಬಹಳ ಉತ್ತಮ ಪ್ರದರ್ಶನ ತೋರಿದೆ. ಈಗ ಆಗುತ್ತಿರುವುದು ರೂಪಾಯಿ ಕುಸಿತ ಅಲ್ಲ ಎಂದಿರುವ ವಿತ್ತ ಸಚಿವೆ, ಡಾಲರ್ ಎಡಬಿಡದೆ ಬಲವರ್ಧನೆ ಆಗುತ್ತಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಭಾರತೀಯ ಕರೆನ್ಸಿಯ ಮೌಲ್ಯ ನಿಗದಿ ಮಾಡಲು ಆರ್‌ಬಿಐ ಪ್ರಯತ್ನಿಸುತ್ತಿದೆ ಎಂಬ ಆರೋಪವನ್ನೂ ವಿತ್ತ ಸಚಿವೆ ಇದೇ ವೇಳೆ ತಳ್ಳಿಹಾಕಿದ್ದಾರೆ.

ಇದು ರುಪಾಯಿ ಕುಸಿತ ಅಲ್ಲ, ಡಾಲರ್ ಬಲವರ್ಧನೆ ಅಷ್ಟೇ: ವಿತ್ತ ಸಚಿವೆ

"ಮಾರುಕಟ್ಟೆ ತೀರಾ ಅನಿಶ್ಚಿತ ಸ್ಥಿತಿಗೆ ಹೋಗದ ಹಾಗೆ ನೋಡಿಕೊಳ್ಳುವತ್ತ ಆರ್‌ಬಿಐ ಗಮನ ಹರಿಸುತ್ತಿದೆಯೇ ಹೊರತು ರೂಪಾಯಿಯ ಮೌಲ್ಯ ನಿಗದಿ ಮಾಡಲು ಮಧ್ಯಪ್ರವೇಶಿಸುತ್ತಿಲ್ಲ. ಅನಿಶ್ಚಿತತೆಯನ್ನು ಕಡಿಮೆ ಮಾಡುವುದರತ್ತ ಮಾತ್ರ ಆರ್‌ಬಿಐ ಕೆಲಸ ಮಾಡುತ್ತಿದೆ. ರೂಪಾಯಿ ತನ್ನ ಸಹಜ ಬೆಲೆ ತಲುಪುತ್ತದೆ ಎಂದು ನಾನು ಈ ಮುಂಚೆಯೇ ಹೇಳಿದ್ದೇನೆ," ಎಂದು ನಿರ್ಮಲಾ ಸೀತಾರಾಮನ್ ತಿಳಿಸಿದ್ದಾರೆ.

ಈಗಿನ ರೂಪಾಯಿ ಕುಸಿತಕ್ಕೆ ಕಾರಣವೇನು?

ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧದಿಂದ ಆರಂಭಗೊಂಡು ನಡೆಯುತ್ತಿರುವ ಜಾಗತಿಕ ರಾಜಕೀಯ ಪ್ರಕ್ಷುಬ್ದ ಸ್ಥಿತಿ, ಹಾಗೂ ಇತರ ಬೆಳವಣಿಗೆಗಳ ಕಾರಣದಿಂದ ರೂಪಾಯಿ ಮೌಲ್ಯ ಕುಸಿಯುತ್ತಿರಬಹುದು ಎಂಬುದು ತಜ್ಞರ ಅನಿಸಿಕೆ.

ಇದು ರುಪಾಯಿ ಕುಸಿತ ಅಲ್ಲ, ಡಾಲರ್ ಬಲವರ್ಧನೆ ಅಷ್ಟೇ: ವಿತ್ತ ಸಚಿವೆ

ಯುದ್ಧದಿಂದ ವಿವಿಧ ಸರಕುಗಳ ಬೆಲೆ ಹೆಚ್ಚಳವಾಗಿ ಜಾಗತಿಕವಾಗಿ ವಿವಿಧ ದೇಶಗಳ, ಅದರಲ್ಲೂ ಅಭಿವೃದ್ಧಿ ಹೊಂದಿದ ದೇಶಗಳ ಹಣದುಬ್ಬರ ಬಹಳ ದೊಡ್ಡ ಮಟ್ಟಕ್ಕೆ ಏರಲು ಕಾರಣವಾಗಿದೆ. ಅಮೆರಿಕದಲ್ಲೂ ಹಣದುಬ್ಬರ ಶೇ. 8ಕ್ಕಿಂತ ಹೆಚ್ಚಾಗಿ ಹೋಗಿದೆ. ಇದೇ ಕಾರಣಕ್ಕೆ ಅಮೆರಿಕದ ಫೆಡರಲ್ ಬ್ಯಾಂಕ್‌ನ ಬಡ್ಡಿ ದರಗಳು ಸತತವಾಗಿ ಏರುತ್ತಿವೆ. ತತ್‌ಪರಿಣಾಮವಾಗಿ ಭಾರತದಿಂದ ವಿದೇಶೀ ಹೂಡಿಕೆಗಳು ಅಮೆರಿಕಕ್ಕೆ ವಾಪಸ್ ಹೋಗುತ್ತಿವೆ. ಇದು ರೂಪಾಯಿ ಮೌಲ್ಯ ಕುಸಿಯಲು ಕಾರಣ ಎನ್ನಲಾಗುತ್ತಿದೆ.

English summary

Finance Minister Answers Why Rupee Depreciated Against Dollar

Value of rupee has gone down drastically against dollar raising doubts on Indian economic collapse. But finance minister denies any weakening of rupee.
Story first published: Sunday, October 16, 2022, 16:52 [IST]
Company Search
COVID-19
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X