MCX ಫ್ಯೂಚರ್ಸ್ ನಲ್ಲಿ ಇಳಿದ ಚಿನ್ನ; ಅಂತಾರಾಷ್ಟ್ರೀಯ ಮಾರ್ಕೆಟ್ ನಲ್ಲಿ ಸ್ಥಿರ

ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆರೋಗ್ಯದ ಬಗ್ಗೆ ಪ್ರತಿಸ್ಪಂದನೆ ಎದುರು ನೋಡುತ್ತಿದ್ದರೂ ಸೋಮವಾರದಂದು (ಅಕ್ಟೋಬರ್ 5, 2020) ಅಂತರರಾಷ್ಟ್ರೀಯ ಚಿನ್ನದ ದರದಲ್ಲಿ ಸ್ಥಿರತೆ ಕಂಡುಬಂದಿದೆ. ಆದರೂ ಭಾರತದಲ್ಲಿ ಮಾತ್ರ ದುರ್ಬಲವಾಗಿದೆ. ಫ್ಯೂಚರ್ಸ್ ಮಾರ್ಕೆಟ್ ನಲ್ಲಿ ಎಂಸಿಎಕ್ಸ್ ಚಿನ್ನದ ದರವು ದಿನದ ಕನಿಷ್ಠ ಮಟ್ಟವಾದ 50,030 ತಲುಪಿತ್ತು. ಪ್ರತಿ 10 ಗ್ರಾಮ್ ಗೆ 50,000 ರುಪಾಯಿ ದರವನ್ನು ಹಿಡಿದಿರಿಸಿಕೊಂಡಿತ್ತು.

ಟ್ರಂಪ್ ಆರೋಗ್ಯದ ಬಗ್ಗೆ ಹೂಡಿಕೆದಾರರಲ್ಲಿ ಆತಂಕ ಇದ್ದೇ ಇದೆ. ಇದರಿಂದ ವ್ಯವಸ್ಥೆಯಲ್ಲಿ ಅನಿಶ್ಚಿತತೆ ತಲೆದೋರಬಹುದು ಎಂಬ ಚಿಂತೆ ಅದು. ಆದ್ದರಿಂದ ದೇಶೀಯ ಹೂಡಿಕೆದಾರರು ಫೂಚರ್ಸ್ ಟ್ರೇಡ್ ನಿಂದ ಹಿಂದಕ್ಕೆ ಸರಿದಿದ್ದಾರೆ. ಇದರ ಜತೆಗೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಕಳೆದ ಗುರುವಾರ ಟ್ರಂಪ್ ಆರೋಗ್ಯ ಸ್ಥಿತಿ ಬಗ್ಗೆ ಸುದ್ದಿ ಬಂದ ಕೂಡಲೇ ಚಿನ್ನದ ದರವು ಔನ್ಸ್ ಗೆ (28.3495) $ 1900ರ ಮಟ್ಟದ ಮೇಲೇರಿತು.

ಸೋಮವಾರದ ಸೆಷನ್ ನಲ್ಲಿ ಪ್ರತಿ ಔನ್ಸ್ ಗೆ $ 1900ರ ಮಟ್ಟ ಮುಂದುವರಿದಿದೆ. ಹೂಡಿಕೆದಾರರು ಟ್ರಂಪ್ ಆರೋಗ್ಯದ ಸ್ಥಿತಿ ಬಗ್ಗೆ ಸುದ್ದಿ ನಿರೀಕ್ಷೆಯಲ್ಲಿ ಇದ್ದಾರೆ. ಯುಎಸ್ ನಲ್ಲಿನ ಉದ್ಯೋಗ ಪ್ರಮಾಣದ ಬಾಹ್ಯ ನೋಟ, ಯು.ಕೆ. ಆರ್ಥಿಕತೆ ಬಗ್ಗೆ ಬ್ರಿಟಿಷ್ ಹಣಕಾಸು ಸಚಿವರಾದ ರಿಶಿ ಸುನಕ್ ಅವರು ಆರ್ಥಿಕತೆ ಬಗ್ಗೆ ನೀಡಿರುವ ಎಚ್ಚರಿಯಿಂದಾಗಿ ಚಿನ್ನದ ಬೆಲೆಯಲ್ಲಿ ಅಷ್ಟಾಗಿ ಇಳಿಕೆ ಕಾಣದಿರಲು ನೆರವಾಗಿವೆ.

ಆದರೆ, ಇತರ ಕೆಲವು ಅಂಶಗಳ ಬಗ್ಗೆ ಸ್ಪಷ್ಟತೆ ಇಲ್ಲ. ಆದ್ದರಿಂದ ಹೂಡಿಕೆದಾರರು ಮುಂದಿನ ಕೆಲ ದಿನಗಳ ಕಾಲ ಭಾರೀ ಏರಿಳಿತಕ್ಕೆ ಸಿದ್ಧವಾಗಬೇಕಾಗುತ್ತದೆ.