7 ಲಕ್ಷ ರುಪಾಯಿ ಮೌಲ್ಯದ ಚಿನ್ನದ ಪೇಸ್ಟ್ ವಶಕ್ಕೆ ಪಡೆದ ಚೆನ್ನೈ ಕಸ್ಟಮ್ಸ್

ದುಬೈನಿಂದ ಬಂದ ಪ್ರಯಾಣಿಕರಿಂದ ಚೆನ್ನೈ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಚೆನ್ನೈ ಏರ್ ಕಸ್ಟಮ್ಸ್ ಶನಿವಾರ 6.93 ಲಕ್ಷ ರುಪಾಯಿ ಮೌಲ್ಯದ 133 ಗ್ರಾಮ್ ಚಿನ್ನದ ಪೇಸ್ಟ್ ವಶಪಡಿಸಿಕೊಂಡಿದೆ. ತಪಾಸಣೆ ನಡೆಸುವ ವೇಳೆ ಪ್ರಯಾಣಿಕರಿಂದ 133 ಗ್ರಾಮ್ ಚಿನ್ನದ ಪೇಸ್ಟ್ ಅನ್ನು ಕಸ್ಟಮ್ಸ್ ಕಾಯ್ದೆ 1962ರ ಅಡಿಯಲ್ಲಿ ವಶಕ್ಕೆ ಪಡೆದುಕೊಳ್ಳಲಾಗಿದೆ.

ಕಳೆದ ಆಗಸ್ಟ್ ನಲ್ಲಿ ಡಮ್ಮಂನಿಂದ ಬಂದ ಪ್ರಯಾಣಿಕರಿಂದ ಹೈದರಾಬಾದ್ ಕಸ್ಟಮ್ಸ್ ನವರು 3.11 ಕೇಜಿ ಚಿನ್ನವನ್ನು ವಶಪಡಿಸಿಕೊಂಡಿದ್ದರು. ವಂದೇಭಾರತ್ ಮಿಷನ್ ನಲ್ಲಿ ಏರ್ ಇಂಡಿಯಾ ವಿಮಾನದಲ್ಲಿ ಆ ಪ್ರಯಾಣಿಕರು ಬಂದಿದ್ದರು. "ಜುಲೈ 30ನೇ ತಾರೀಕಿನಂದು ಚಿನ್ನದ ಕಳ್ಳಸಾಗಣೆ ಆರೋಪದಲ್ಲಿ 11 ಪ್ರಯಾಣಿಕರನ್ನು ಬಂಧಿಸಲಾಹಿತ್ತು. ವಂದೇಭಾರತ್ ಅಡಿಯಲ್ಲಿ ಡಮ್ಮಂನಿಂದ ಹೈದರಾಬಾದ್ ಗೆ ಆ ಪ್ರಯಾಣಿಕರು ಬಂದಿದ್ದರು," ಎಂದು ಕಸ್ಟಮ್ಸ್ ಅಧಿಕಾರಿಗಳು ಎಎನ್ ಐಗೆ ತಿಳಿಸಿದ್ದರು.

ಈ ಎಲ್ಲರನ್ನೂ ಕಳ್ಳಸಾಗಣೆ ಕಾಯ್ದೆ ಅಡಿಯಲ್ಲಿ ಬಂಧಿಸಲಾಗಿದೆ. ಒಬ್ಬೊಬ್ಬರು ಒಂದೊಂದು ಬಗೆಯಲ್ಲಿ ಚಿನ್ನದ ಕಳ್ಳಸಾಗಣೆಗೆ ಪ್ರಯತ್ನಿಸಿದ್ದರು. ಎಲ್ಲರಿಂದ ಸೇರಿ 1.66 ಕೋಟಿ ಮೌಲ್ಯದ 3.11 ಕೇಜಿ ಚಿನ್ನವನ್ನು ವಶಪಡಿಸಿಕೊಂಡಿರುವುದಾಗಿ ಕಸ್ಟಮ್ಸ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಸಾಂದರ್ಭಿಕ ಚಿತ್ರ

ಆರಂಭದಲ್ಲಿ ಕಸ್ಟಮ್ಸ್ ಇಲಾಖೆಯ ವಿಚಾರಣೆಯು ಕಳ್ಳಸಾಗಣೆಯ ಎಲ್ಲ ಆರೋಪಿಗಳನ್ನು ಬಹಿರಂಗ ಮಾಡಿದರೆ, ಏರ್ ಪೋರ್ಟ್ ಗುಪ್ತಚರ ಘಟಕವು (ಎಐಯು) ಮುಖ್ಯ ಆರೋಪಿಗಳು/ಚಿನ್ನದ ಆಪರೇಟರ್ ಗಳ ಪತ್ತೆಗೆ ತನಿಖೆ ಆರಂಭಿಸುತ್ತದೆ.