Gold Rate: ಕೊನೆಗೂ ಇಳಿಕೆ ಹಾದಿ ಹಿಡಿದ ಚಿನ್ನದ ಬೆಲೆ...ಬೆಂಗಳೂರಿನಲ್ಲಿ ಎಷ್ಟಿದೆ ಇಂದಿನ ಬಂಗಾರದ ರೇಟ್?

ಬೆಂಗಳೂರಿನಲ್ಲಿ ಚಿನ್ನದ ಬೆಲೆ ಇಂದು ಕೊನೆಗೂ ಇಳಿಕೆ ಹಾದಿ ಹಿಡಿದಿದೆ. ಕಳೆದ ಕೆಲವು ದಿನಗಳಿಂದ ಏರಿಕೆಯನ್ನೇ ನೋಡಿದ್ದ ಬಂಗಾರ ಕೊನೆಗೂ ಹೂಡಿಕೆದಾರರ ಮನಸ್ಸು ಕದ್ದಿದೆ. ಮಾರುಕಟ್ಟೆಯಲ್ಲಿ ಡಾಲರ್‌ ಬಲಹೀನತೆ, ಅಂತರರಾಷ್ಟ್ರೀಯ ಬಂಗಾರದ ಬೇಡಿಕೆಯ ಕುಸಿತ ಮತ್ತು ದೇಶೀಯ ಮಾರುಕಟ್ಟೆಯಲ್ಲಿ ಇರುವ ಸ್ಥಿತಿಗತಿಗಳು...ಈ ಅಂಶಗಳು ಇಂದು ನಗರದ ಚಿನ್ನದ ದರದಲ್ಲಿ ನೇರ ಪರಿಣಾಮ ಬೀರಿವೆ. ಚಿನ್ನವು ಯಾವಾಗಲೂ ಸುರಕ್ಷಿತ ಹೂಡಿಕೆ ಎಂಬ ವಿಶ್ವಾಸದಿಂದ ಗ್ರಾಹಕರು ನಿರಂತರವಾಗಿ ಬೆಲೆಾವಲೋಕನ ಮಾಡುತ್ತಿದ್ದರುರೂ, ಇಂದಿನ ದರಗಳು ಆಭರಣ ಖರೀದಿಗೆ ತಯಾರಾಗಿರುವವರಿಗೆ ಸ್ವಲ್ಪ ಮಟ್ಟಿನ ನೆಮ್ಮದಿಯನ್ನು ತಂದಿವೆ.

ಇಂದು ಬೆಂಗಳೂರಿನ 24K, 22K ಮತ್ತು 18K ಚಿನ್ನದ ದರಗಳು ನಿನ್ನೆಗಿಂತ ನಿಧಾನವಾಗಿ ಇಳಿಕೆಯಾಗಿದೆ. ಪ್ರತಿಯೊಂದು ಕ್ಯಾರೆಟ್‌ನಲ್ಲಿ 1 ಗ್ರಾಂದಿಂದ 100 ಗ್ರಾಂವರೆಗೆ ಕಂಡಿರುವ ಇಂದಿನ ದರ ಮತ್ತು ನಿನ್ನೆಗಿನ ದರಗಳ ನಡುವಿನ ವ್ಯತ್ಯಾಸವನ್ನು ತಿಳಿದುಕೊಳ್ಳುವುದು ಖರೀದಿದಾರರಿಗೆ ಅತ್ಯಂತ ಅಗತ್ಯ. ಈ ಹಿನ್ನೆಲೆಯಲ್ಲಿ, ಇಂದು ಯಾವ ಕ್ಯಾರೆಟ್‌ ಚಿನ್ನ ಎಷ್ಟು ಇದೆ, ನಿನ್ನೆ ಎಷ್ಟು ಇತ್ತು ಮತ್ತು ಎಷ್ಟು ಇಳಿಕೆಯಾಗಿದೆ ಎಂಬುದನ್ನು ಪ್ರತ್ಯೇಕವಾಗಿ ವಿವರಿಸಲಾಗಿದೆ.

24K ಚಿನ್ನ - ಬೆಂಗಳೂರಿನಲ್ಲಿ:

ಬೆಂಗಳೂರು ಮಾರುಕಟ್ಟೆಯಲ್ಲಿ ಇಂದು 24 ಕ್ಯಾರೆಟ್ ಚಿನ್ನದ ದರ ರೂ.13,020 ಆಗಿದ್ದು, ನಿನ್ನೆ ಇದ್ದ ರೂ.13,048ಕ್ಕಿಂತ ರೂ.28 ಇಳಿಕೆಯಾಗಿದೆ. 10 ಗ್ರಾಂ ಬೆಲೆ ಇಂದು ರೂ.1,30,200 ಆಗಿದ್ದು, ನಿನ್ನೆಗಿಂತ ರೂ.280 ಕಡಿಮೆಯಾಗಿದೆ. ಅಲ್ಲದೇ 100 ಗ್ರಾಂ ಚಿನ್ನ ಇಂದು ರೂ.13,02,000ಕ್ಕೆ ಸಿಗುತ್ತಿದ್ದು, ಇದು ನಿನ್ನೆಗಿಂತ ರೂ.2,800 ಇಳಿಕೆಯಾಗಿದೆ.

22K ಚಿನ್ನ - ಬೆಂಗಳೂರಿನಲ್ಲಿ:

ಇಂದು 22 ಕ್ಯಾರೆಟ್ ಚಿನ್ನದ ದರ ರೂ.11,935 ಆಗಿದ್ದು, ನಿನ್ನೆ ರೂ.11,960 ಇದ್ದ ದರದಿಂದ ರೂ.25 ಇಳಿಕೆಯಾಗಿದೆ. 10 ಗ್ರಾಂ ಚಿನ್ನದ ಬೆಲೆ ಇಂದು ರೂ.1,19,350 ಆಗಿದ್ದು, ನಿನ್ನೆಗಿಂತ ರೂ.250 ಇಳಿಕೆಯಾಗಿದೆ. 100 ಗ್ರಾಂ ಚಿನ್ನ ಇಂದು ರೂ.11,93,500 ಆಗಿದ್ದು, ನಿನ್ನೆಗಿನ ರೂ.11,96,000ರಿಂದ ರೂ.2,500 ಇಳಿಕೆಯಾಗಿದೆ.

18K ಚಿನ್ನ - ಬೆಂಗಳೂರಿನಲ್ಲಿ:

18 ಕ್ಯಾರೆಟ್ ಚಿನ್ನದ ದರ ಇಂದು ರೂ.9,765 ಆಗಿದ್ದು, ನಿನ್ನೆ ಇದ್ದ ರೂ.9,786ಕ್ಕಿಂತ ರೂ.21 ಇಳಿಕೆಯಾಗಿದೆ. 10 ಗ್ರಾಂ ಬೆಲೆ ರೂ.97,650 ಆಗಿದ್ದು, ನಿನ್ನೆಗಿಂತ ರೂ.210 ಕಡಿಮೆಯಾಗಿದೆ. 100 ಗ್ರಾಂ ಚಿನ್ನ ಇಂದು ರೂ.9,76,500 ಆಗಿದ್ದು, ನಿನ್ನೆ ರೂ.9,78,600 ಇದ್ದ ದರದಿಂದ ರೂ.2,100 ಇಳಿಕೆಯಾಗಿದೆ.

ಭಾರತದಲ್ಲಿ ಇಂದು ಬೆಳ್ಳಿ ಬೆಲೆ:

ಇಂದು ಭಾರತದಲ್ಲಿ ಬೆಳ್ಳಿಯ ದರದಲ್ಲಿ ಯಾವುದೇ ಬದಲಾವಣೆ ಕಂಡಿಲ್ಲ. 1 ಗ್ರಾಂ ಬೆಳ್ಳಿ ಇಂದು ರೂ.188 ಆಗಿದ್ದು, ನಿನ್ನೆಗೂ ಇದೇ ದರ ದಾಖಲಾಗಿತ್ತು. 8 ಗ್ರಾಂ ಹಾಗೂ 10 ಗ್ರಾಂಗಳ ಬೆಲೆ ಕ್ರಮವಾಗಿ ರೂ.1,504 ಮತ್ತು ರೂ.1,880 ಆಗಿದ್ದು, ಎರಡೂ ನಿನ್ನೆ ಇದ್ದ ದರದಂತೆಯೇ ಮುಂದುವರಿದಿವೆ. ಹೆಚ್ಚಿನ ಪ್ರಮಾಣದಲ್ಲಿ ನೋಡಿದರೆ, 100 ಗ್ರಾಂ ಬೆಳ್ಳಿ ಇಂದು ರೂ.18,800 ಆಗಿದ್ದು, ನಿನ್ನೆಗೂ ಇದೇ ದರ ಉಳಿದಿದೆ. 1 ಕೆ.ಜಿ ಬೆಳ್ಳಿಯ ದರದಲ್ಲೂ ಯಾವುದೇ ಬದಲಾವಣೆ ಇರದೇ ರೂ.1,88,000 ಎಂದೇ ದಾಖಲೆಯಾಗಿದೆ.

ಸ್ಪಾಟ್ ಗೋಲ್ಡ್‌ ಬೆಲೆ:

ರಾಯೊಟರ್ಸ್‌ ನೀಡಿರುವ ವರದಿ ಪ್ರಕಾರ ಸ್ಪಾಟ್‌ ಚಿನ್ನದ ಬೆಲೆ ಮಂಗಳವಾರ ಬೆಳಗಿನ ವಹಿವಾಟಿನಲ್ಲಿ ಸ್ವಲ್ಪ ಕುಸಿತ ಅನುಭವಿಸಿದೆ. 0228 GMT ವೇಳೆಗೆ ಪ್ರತಿ ಔನ್ಸ್‌ಗೆ ಚಿನ್ನ 0.4% ಇಳಿದು ಸುಮಾರು $4,215.48 ಕ್ಕೆ ತಲುಪಿದೆ. ಕಳೆದ ಅಕ್ಟೋಬರ್‌ 21ರಿಂದ ಕಾಣದ ಮಟ್ಟಕ್ಕೆ ಸೋಮವಾರ ಏರಿಕೆಯಾದ ನಂತರ ಇದೀಗ ಸ್ವಲ್ಪ ಲಾಭ ಬುಕ್ಕಿಂಗ್‌ ಕಂಡುಬಂದಿದೆ. ಇದೇ ವೇಳೆ, ಡಿಸೆಂಬರ್ ವಿತರಣೆಯ ಅಮೆರಿಕದ ಚಿನ್ನದ ಭವಿಷ್ಯದ ಒಪ್ಪಂದಗಳು 0.6% ಇಳಿದು $4,247.10 ಪ್ರತಿ ಔನ್ಸ್‌ಗೆ ದಾಖಲಾಗಿವೆ.

ಒಟ್ಟಾರೆಯಾಗಿ ನೋಡಿದರೆ, ಇಂದು ಬೆಂಗಳೂರಿನ ಚಿನ್ನ ಮಾರುಕಟ್ಟೆಯಲ್ಲಿ ಎಲ್ಲಾ ಕ್ಯಾರೆಟ್‌ಗಳಲ್ಲೂ ಸಣ್ಣ ಮಟ್ಟಿನ ಇಳಿಕೆ ದಾಖಲಾಗಿದೆ. ವಿಶೇಷವಾಗಿ ಹೆಚ್ಚುವರಿ ಗ್ರಾಂಗಳಲ್ಲಿ ಖರೀದಿ ಮಾಡುವವರು ಇಂದು ಸ್ವಲ್ಪ ಮಟ್ಟಿನ ಲಾಭ ಪಡೆಯಲು ಸಾಧ್ಯವಿದೆ. ಆದರೆ ಚಿನ್ನದ ದರವು ದಿನನಿತ್ಯ ಜಾಗತಿಕ ಆರ್ಥಿಕತೆ, ಯುದ್ಧ-ರಾಜಕೀಯ ಪರಿಸ್ಥಿತಿ, ಡಾಲರ್‌ ಚಲನೆ ಹಾಗೂ ಕೇಂದ್ರ ಬ್ಯಾಂಕುಗಳ ಬಡ್ಡಿದರ ನೀತಿ...ಇವುಗಳ ಆಧಾರದ ಮೇಲೆ ಶೀಘ್ರವಾಗಿ ಬದಲಾಗುತ್ತದೆ.

ಆದ್ದರಿಂದ ಹೂಡಿಕೆ ಮಾಡಲು ಬಯಸುವವರು ಪ್ರತಿದಿನದ ದರಗಳನ್ನು ಗಮನಿಸಿ, ಮಾರುಕಟ್ಟೆಯ ಚಲನೆ ಸಹ ಸೇರಿಸಿ ಅವಲೋಕನ ಮಾಡುವುದು ಉತ್ತಮ. ಆಭರಣ ಖರೀದಿಗೆ ನಿರ್ಧಾರ ಮಾಡುವವರು ಕೂಡ ಇಂದಿನ ಬೆಲೆ ಇಳಿಕೆಯಿಂದ ಸ್ವಲ್ಪ ಅವಕಾಶ ಸಿಕ್ಕಂತೆಯೇ ಇದ್ದರೂ, ಮುಂದಿನ ದಿನಗಳಲ್ಲಿ ದರ ಏರಿಕೆಯಾಗುವ ಅಥವಾ ಇಳಿಕೆಯಾಗುವ ಸಾಧ್ಯತೆಗಳನ್ನೂ ಮನೆಯಲ್ಲಿ ಇಟ್ಟುಕೊಳ್ಳುವುದು ಅಗತ್ಯ. ಬೆಂಗಳೂರಿನ ಚಿನ್ನದ ದರಗಳು ಇನ್ನೂ ಯಾವ ದಿಕ್ಕಿನಲ್ಲಿ ಸಾಗುತ್ತವೆ ಎಂಬುದು ಮಾರುಕಟ್ಟೆಯ ಮುಂದಿನ ಚಲನೆ ಮೇಲೆಯೇ ಅವಲಂಬಿತವಾಗಿದೆ.