ಚಿನ್ನದ ಬೆಲೆ ಸತತ 2ನೇ ದಿನ ಇಳಿಕೆ: ಗರಿಷ್ಠ ಮಟ್ಟಕ್ಕಿಂತ 10,000 ರೂ. ಕಡಿಮೆ

ಭಾರತೀಯ ಮಾರುಕಟ್ಟೆಯಲ್ಲಿ ಹಳದಿ ಲೋಹದ ಬೆಲೆ ಸೋಮವಾರ (ಏಪ್ರಿಲ್ 12) ಕುಸಿತಕ್ಕೆ ಸಾಕ್ಷಿಯಾಗಿದೆ. ಎಂಸಿಎಕ್ಸ್‌ನಲ್ಲಿ ಚಿನ್ನದ ಭವಿಷ್ಯವು 10 ಗ್ರಾಂಗೆ ಶೇಕಡಾ 0.03ರಷ್ಟು ಕುಸಿದು, 46,580 ರೂಪಾಯಿಗೆ ತಲುಪಿದೆ. ಈ ಮೂಲಕ ಸತತ ಎರಡನೇ ದಿನ ಇಳಿಕೆಗೆ ಸಾಕ್ಷಿಯಾಗಿದೆ.

2020-21ರಲ್ಲಿ ಚಿನ್ನದ ಇಟಿಎಫ್‌ನಲ್ಲಿ 6,919 ಕೋಟಿ ರೂಪಾಯಿ ಹೂಡಿಕೆ

ಬೆಳ್ಳಿ ಬೆಲೆಯು ಶೇಕಡಾ 0.15ರಷ್ಟು ಕುಸಿದು ಪ್ರತಿ ಕೆಜಿಗೆ 66,884 ರೂಪಾಯಿಗೆ ತಲುಪಿದೆ. ಕಳೆದ ವಹಿವಾಟಿನಲ್ಲಿ ಚಿನ್ನವು ಶೇಕಡಾ 0.5ರಷ್ಟು ಕುಸಿದಿದ್ದು, ಹಿಂದಿನ ವಹಿವಾಟಿನ ಲಾಭವನ್ನು ಕಸಿದುಕೊಂಡಿತು.

ಸ್ಪಾಟ್ ಚಿನ್ನವು ಶೇಕಡಾ 0.3ರಷ್ಟು ಕುಸಿದು ಔನ್ಸ್‌ಗೆ 1,737.07 ಡಾಲರ್‌ಗೆ ತಲುಪಿದೆ. ಇತರ ಅಮೂಲ್ಯ ಲೋಹಗಳ ಪೈಕಿ ಬೆಳ್ಳಿ ಶೇಕಡಾ 0.2ರಷ್ಟು ಕುಸಿದು 25.20 ಡಾಲರ್‌ಗೆ ತಲುಪಿದ್ದರೆ, ಪ್ಲಾಟಿನಂ 1,197 ಡಾಲರ್‌ನಷ್ಟಿದೆ.