ಚಿನ್ನದ ಬೆಲೆ ಕುಸಿತ: ಗರಿಷ್ಠ ಮಟ್ಟಕ್ಕಿಂತ 11,000 ರೂ. ಕಡಿಮೆ
ಭಾರತೀಯ ಮಾರುಕಟ್ಟೆಗಳಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯು ಇಂದು ಕಡಿಮೆಯಾಗಿದೆ. ಎಂಸಿಎಕ್ಸ್ನಲ್ಲಿ ಜೂನ್ ಚಿನ್ನದ ಭವಿಷ್ಯವು 10 ಗ್ರಾಂಗೆ ಶೇ. 0.14ರಷ್ಟು ಇಳಿಕೆಯಾಗಿ, 45,355 ರೂಪಾಯಿಗೆ ತಲುಪಿದ್ದರೆ, ಬೆಳ್ಳಿ ಭವಿಷ್ಯವು ಪ್ರತಿ ಕೆಜಿಗೆ, 65,070 ರೂಪಾಯಿಗೆ ಇಳಿದಿದೆ.
ಕೋವಿಡ್-19 ಸಾಂಕ್ರಾಮಿಕದ ಎರಡನೇ ಅಲೆ ಜೊತೆಗೆ ಚೇತರಿಸಿಕೊಳ್ಳುವ ಆಶಾವಾದದಿಂದಾಗಿ ಚಿನ್ನದ ಬೆಲೆಗಳು 2018ರ ಮೊದಲ ತ್ರೈಮಾಸಿಕ ಕುಸಿತವನ್ನು ದಾಖಲಿಸಿದೆ. ಭಾರತದಲ್ಲಿ ಕಳೆದ ವರ್ಷ ಆಗಸ್ಟ್ನಲ್ಲಿ, 56,200 ರೂಪಾಯಿಗೆ ತಲುಪಿದಾಗಿನಿಂದ ಚಿನ್ನದ ಬೆಲೆಗಳು ಇಳಿಮುಖವಾಗಿವೆ. ವರ್ಷದ ಮೊದಲ ಮೂರು ತಿಂಗಳು, ಚಿನ್ನವು 10 ಗ್ರಾಂಗೆ ಸುಮಾರು 5,000 ರೂಪಾಯಿ ಕುಸಿಯಿತು.
ಸ್ಪಾಟ್ ಚಿನ್ನವು ಔನ್ಸ್ಗೆ 1,728.60 ಡಾಲರ್ನಷ್ಟಿದೆ. ಶುಕ್ರವಾರ ಬಿಡುಗಡೆಯಾದ ಅಂಕಿ-ಅಂಶಗಳ ಪ್ರಕಾರ ಅಮೆರಿಕಾದಲ್ಲಿ ಕೋವಿಡ್-19 ಸಾಂಕ್ರಾಮಿಕದ ಜೊತೆಗೆ ಮಾರ್ಚ್ ತಿಂಗಳಿನಲ್ಲಿ ಅತಿ ಹೆಚ್ಚು ಉದ್ಯೋಗಗಳನ್ನು ಸೃಷ್ಟಿಸಿದೆ ಎಂದು ತೋರಿಸಿದೆ. ಇತರ ಅಮೂಲ್ಯ ಲೋಹಗಳ ಪೈಕಿ ಬೆಳ್ಳಿ ಶೇಕಡಾ 0.2ರಷ್ಟು ಏರಿಕೆ ಕಂಡು 25.01 ಡಾಲರ್ಗೆ ತಲುಪಿದರೆ, ಪ್ಲಾಟಿನಂ ಶೇಕಡ 0.4ರಷ್ಟು ಏರಿಕೆ ಕಂಡು 1,214.03 ಡಾಲರ್ಗೆ ತಲುಪಿದೆ.