ತೀವ್ರ ಹೆಚ್ಚಳದ ಬಳಿಕ, ಚಿನ್ನದ ಬೆಲೆ ಮತ್ತೆ ಏರಿಳಿತ
ಭಾರತೀಯ ಮಾರುಕಟ್ಟೆಯಲ್ಲಿ ಕಳೆದ ವಾರದಲ್ಲಿ ಚಿನ್ನದ ಬೆಲೆ ತೀವ್ರ ಏರಿಕೆ ನಡುವೆ ಇಂದು ಹಳದಿ ಲೋಹವು ಮತ್ತೆ ಏರಿಳಿತಗೊಂಡಿದೆ. ಎಂಸಿಎಕ್ಸ್ನಲ್ಲಿ ಕಳೆದ ವಹಿವಾಟಿನಲ್ಲಿ ಸುಮಾರು 700 ರೂಪಾಯಿ ಏರಿಕೆ ನಂತರ ಚಿನ್ನದ ಭವಿಷ್ಯವು 46,947 ರೂಪಾಯಿಗೆ ಸಮತಟ್ಟಾಗಿದೆ.
ಚಿನ್ನದ ಬೆಲೆ ಮತ್ತೆ ಏರಿಳಿತ: ಫೆಬ್ರವರಿ 22ರ ಬೆಲೆ ಹೀಗಿದೆ
ಇದರ ಜೊತೆಗೆ ಬೆಳ್ಳಿ ಭವಿಷ್ಯವು ಪ್ರತಿ ಕೆಜಿಗೆ ಶೇಕಡಾ 0.24ರಷ್ಟು ಹೆಚ್ಚಾಗಿ 70,598 ರೂಪಾಯಿಗೆ ತಲುಪಿದ್ದು, ಹಿಂದಿನ ವಹಿವಾಟಿನಲ್ಲಿ 1,500 ಲಾಭವನ್ನು ವಿಸ್ತರಿಸಿದೆ. ಕಳೆದ ವಾರ ಶೇಕಡಾ 2 ಕ್ಕಿಂತಲೂ ಹೆಚ್ಚು ಕುಸಿತದ ನಂತರ ಹೆಚ್ಚುತ್ತಿರುವ ಹಣದುಬ್ಬರ ಮತ್ತು ಅಮೆರಿಕಾದ ಬೃಹತ್ ಆರ್ಥಿಕ ಪ್ರಚೋದನೆಯ ಮೇಲೆ ಕೇಂದ್ರೀಕರಿಸಿದ ಕಾರಣ ಈ ವಾರ ಚಿನ್ನದ ಬೆಲೆ ಏರಿಳಿತ ಸಾಧಿಸಿದೆ.
ಸ್ಪಾಟ್ ಚಿನ್ನವು ಔನ್ಸ್ಗೆ ಶೇಕಡಾ 0.1ರಷ್ಟು ಏರಿಕೆಯಾಗಿ 1,809.57 ಡಾಲರ್ಗೆ ತಲುಪಿದೆ. ಇತರ ಅಮೂಲ್ಯ ಲೋಹಗಳ ಪೈಕಿ, ಬೆಳ್ಳಿ ಔನ್ಸ್ಗೆ ಶೇಕಡಾ 0.4ರಷ್ಟು ತಗ್ಗಿದ್ದು, 28.04 ಡಾಲರ್ಗೆ ಇಳಿದಿದೆ. ಪ್ಲ್ಯಾಟಿನಂ ಶೇಕಡಾ 0.4ರಷ್ಟು ಇಳಿಕೆಯಾಗಿ 1,267.46 ಡಾಲರ್ಗೆ ತಲುಪಿದರೆ, ಪಲ್ಲಾಡಿಯಮ್ ಶೇಕಡಾ 0.3ರಷ್ಟು ಏರಿಕೆ ಕಂಡು 2,401.52 ಡಾಲರ್ಗೆ ತಲುಪಿದೆ.