ಚಿನ್ನದ ಬೆಲೆ ಇಳಿಕೆ: ಗರಿಷ್ಠ ಮಟ್ಟಕ್ಕಿಂತ ಇನ್ನೂ 9,000 ರೂ. ಕಡಿಮೆ

ಜಾಗತಿಕವಾಗಿ ನಕಾರಾತ್ಮಕ ಸೂಚನೆಗಳ ನಡುವೆ ಭಾರತೀಯ ಮಾರುಕಟ್ಟೆಯಲ್ಲಿ ಹಳದಿ ಲೋಹದ ಬೆಲೆ ಕೊಂಚ ಇಳಿಕೆಯಾಗಿದೆ. ಆದರೆ ಚಿನ್ನದ ಭವಿಷ್ಯವು 10 ಗ್ರಾಂಗೆ 47,309 ರೂಪಾಯಿಗೆ ತಲುಪಿದೆ. ಬೆಳ್ಳಿ ಬೆಲೆಯು ಕೆಜಿಗೆ ಶೇಕಡಾ 0.35ರಷ್ಟು ಹೆಚ್ಚಾಗಿ 70,425 ರೂಪಾಯಿಗೆ ತಲುಪಿದೆ.

ಜಾಗತಿಕ ಮಾರುಕಟ್ಟೆಗಳಲ್ಲಿ, ಚಿನ್ನದ ದರಗಳು ಸ್ವಲ್ಪ ಕಡಿಮೆಯಾಗಿದ್ದು, ಅಮೆರಿಕಾ ಡಾಲರ್‌ ಎದುರು ಹೆಣಗಾಡುತ್ತಿದೆ. ಸ್ಪಾಟ್ ಚಿನ್ನವು ಔನ್ಸ್‌ಗೆ ಶೇಕಡಾ 0.1ರಷ್ಟು ಇಳಿಕೆಯಾಗಿ 1,785.41 ಡಾಲರ್‌ಗೆ ತಲುಪಿದ್ದು, ಕಳೆದ ವಹಿವಾಟಿನಲ್ಲಿ ಎರಡು ವಾರಗಳ ಗರಿಷ್ಠ ಮಟ್ಟದಿಂದ ಕುಸಿಯಿತು. ಇತರ ಅಮೂಲ್ಯ ಲೋಹಗಳ ಪೈಕಿ ಬೆಳ್ಳಿ ಔನ್ಸ್‌ಗೆ ಶೇಕಡಾ 0.2ರಷ್ಟು ಕುಸಿದು 26.40 ಡಾಲರ್‌ಗೆ ತಲುಪಿದ್ದರೆ, ಪ್ಲಾಟಿನಂ ಶೇಕಡಾ 0.3ರಷ್ಟು ಇಳಿಕೆಯಾಗಿ 1,086.49 ಡಾಲರ್‌ಗೆ ತಲುಪಿದೆ.

ಚಿನ್ನಕ್ಕೆ ಇಟಿಎಫ್ ಹರಿವು ದುರ್ಬಲವಾಗಿದ್ದು, ವಿಶ್ವದ ಅತಿದೊಡ್ಡ ಚಿನ್ನ ಬೆಂಬಲಿತ ವಿನಿಮಯ-ವಹಿವಾಟು ನಿಧಿಯಾದ ಎಸ್‌ಪಿಡಿಆರ್ ಗೋಲ್ಡ್ ಟ್ರಸ್ಟ್‌ನ ಗುರುವಾರ 1,043.16 ಟನ್‌ಗಳಿಂದ ಶುಕ್ರವಾರ 1,042.58 ಟನ್‌ಗಳಿಗೆ ಇಳಿದವು.

ಭಾರತದಲ್ಲಿ ಅನೇಕ ರಾಜ್ಯಗಳಲ್ಲಿ ಕೋವಿಡ್-19 ನಿರ್ಬಂಧಗಳು ಸಡಿಲಗೊಂಡಿರುವುದರ ಪರಿಣಾಮ ಆರ್ಥಿಕತೆಯು ಚೇತರಿಕೆ ಕಾಣುತ್ತಿದೆ. ಕಳೆದ ವಾರ ಭಾರತದಲ್ಲಿ ಚಿನ್ನವನ್ನು ಎರಡು ತಿಂಗಳಿಗಿಂತ ಹೆಚ್ಚು ಅವಧಿಯಲ್ಲಿ ಮೊದಲ ಬಾರಿಗೆ ಪ್ರೀಮಿಯಂಗೆ ಮಾರಾಟ ಮಾಡಲಾಗುತ್ತಿತ್ತು.