ಗೂಗಲ್ ಪೇ ಮೂಲಕ ಸದ್ಯದಲ್ಲೇ ಚಿನ್ನ ಖರೀದಿ- ಮಾರಾಟ ಮಾಡಬಹುದು

ನಿಮ್ಮ ಸ್ನೇಹಿತರು, ಕುಟುಂಬದವರು ಅಥವಾ ಇನ್ಯಾರಿಗೇ ಆದರೂ ಇನ್ನೇನು ಕೆಲವೇ ದಿನಗಳಲ್ಲಿ ಗೂಗಲ್ ಪೇ ಮೂಲಕ ಚಿನ್ನವನ್ನು ಉಡುಗೊರೆಯಾಗಿ ನೀಡಬಹುದು. ಗೂಗಲ್ ಪೇ ಮೂಲಕ ಈ ವ್ಯವಹಾರ ಸಾಧ್ಯವಾಗಲಿ ಎಂಬ ಕಾರಣಕ್ಕೆ ಈ ವರ್ಷದ ಆರಂಭದಲ್ಲಿ ಎಂಎಂಟಿಸಿ- ಪಿಎಎಂಪಿ ಜತೆ ಸಹಭಾಗಿತ್ವ ವಹಿಸಿತ್ತು.

ಈ ಹೊಸ ಫೀಚರ್ ಮೂಲಕ ಚಿನ್ನವನ್ನು ಉಡುಗೊರೆ ನೀಡಲು ಸಾಧ್ಯವಾಗುತ್ತದೆ. ಸದ್ಯಕ್ಕೆ ಈ ಫೀಚರ್ ಶುರುವಾಗಿಲ್ಲ. ಜತೆಗೆ ಯಾವಾಗಿಂದ ಶುರುವಾಗುತ್ತದೆ ಎಂಬುದು ಸ್ಪಷ್ಟವಾಗಿಲ್ಲ. ಆದರೆ ಗೂಗಲ್ ನಿಂದ ಅಧಿಕೃತವಾದ ಘೋಷಣೆ ಆಗಲಿದೆ.

ಗೂಗಲ್ ಪೇನಿಂದ ಗೂಗಲ್ ಪೇ ಗೋಲ್ಡ್ ವಾಲ್ಟ್ ಫೀಚರ್ ಸೇರ್ಪಡೆ ಮಾಡಿದ್ದು, ಆ ಮೂಲಕ ಚಿನ್ನದ ಖರೀದಿ ಮತ್ತು ಮಾರಾಟ ಆಯ್ಕೆಯನ್ನು ಏಪ್ರಿಲ್ ನಲ್ಲಿ ಸೇರ್ಪಡೆ ಮಾಡಲಾಗಿದೆ. ಈ ಮೂಲಕ ಇಪ್ಪತ್ನಾಲ್ಕು ಕ್ಯಾರೆಟ್ ಚಿನ್ನ ಖರೀದಿ ಮಾಡಲು ಸಾಧ್ಯವಾಗುತ್ತದೆ. ಎಂಎಂಟಿಸಿ- ಪಿಎಎಂಪಿಗಳು ಈ ಚಿನ್ನದ ಕಸ್ಟೋಡಿಯನ್ ಗಳಾಗಿ ಇರುತ್ತವೆ.

ಮಾರುಕಟ್ಟೆ ಬೆಲೆಯಲ್ಲಿ ಯಾವಾಗ ಬೇಕಾದರೂ ಬಳಕೆದಾರರು ಚಿನ್ನದ ಖರೀದಿ- ಮಾರಾಟ ಮಾಡಬಹುದು. ಭಾರತದಲ್ಲಿ ಡಿಜಿಟಲ್ ಪೇಮಂಟ್ ನ ಮುಖ್ಯ ಅಪ್ಲಿಕೇಷನ್ ಗೂಗಲ್ ಪೇ. ಈಚೆಗೆ ಆ ಕಂಪೆನಿಯೇ ಘೋಷಣೆ ಮಾಡಿರುವಂತೆ, ಫೋನ್ ಪೇ ಬಳಕೆದಾರರನ್ನು ಮೀರಿ, ಆರು ಕೋಟಿ ಎಪ್ಪತ್ತು ಲಕ್ಷ ಮಂಥ್ಲಿ ಆಕ್ಟಿವ್ ಗೂಗಲ್ ಪೇ ಬಳಕೆದಾರರು ಇದ್ದಾರೆ.