ಹೆಚ್-1ಬಿ ವೀಸಾ ಹೊಂದಿರುವವರಿಗೆ ಅಮೆರಿಕಾ ವಲಸೆ ನಿರ್ಬಂಧದಿಂದ ವಿನಾಯಿತಿ

ಅತಿ ಹೆಚ್ಚು ಕೊರೊನಾವೈರಸ್ ಸೋಂಕಿಗೆ ತುತ್ತಾಗಿರುವ ಅಮೆರಿಕಾ ರಾಷ್ಟ್ರವು ಇತ್ತೀಚೆಗಷ್ಟೇ ವಲಸಿಗರ ಮೇಲೆ ಹೇರಿದ್ದ ನಿರ್ಬಂಧದಿಂದ ಹೆಚ್-1ಬಿ ವೀಸಾ ಹೊಂದಿರುವವರಿಗೆ ವಿನಾಯಿತಿ ಸಿಕ್ಕಿದೆ.

ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅಮೆರಿಕಾಕ್ಕೆ ಅನೇಕ ವರ್ಗಗಳ ವಲಸೆಯನ್ನು 60 ದಿನಗಳವರೆಗೆ ನಿಷೇಧಿಸಿ ಕಾರ್ಯನಿರ್ವಾಹಕ ಆದೇಶ ಹೊರಡಿಸಿದ್ದಾರೆ. ಆದರೆ ಇದು ಹೆಚ್-1ಬಿ ವೀಸಾ ಹೊಂದಿರುವವರಿಗೆ ಅನ್ವಯಿಸುವುದಿಲ್ಲ.

ಅಮೆರಿಕಾ ಜನರ ರಕ್ಷಣೆಗೆ ಅನಿವಾರ್ಯ ಎಂದು ವಲಸಿಗರ ತಾತ್ಕಾಲಿಕ ನಿಷೇಧ ಹೇರಿರುವ ಟ್ರಂಪ್ 60 ದಿನಗಳಲ್ಲಿ ಮುಕ್ತಾಯಗೊಳ್ಳುವ ಮೊದಲು ಮರುಪರಿಶೀಲಿಸಬಹುದು ಎಂದು ಹೇಳಿದ್ದಾರೆ.

ಉದ್ಯೋಗ ಕಳೆದುಕೊಂಡ 22 ಮಿಲಿಯನ್ ಅಮೆರಿಕನ್ನರನ್ನು ನಿಷೇಧದಿಂದ ರಕ್ಷಿಸಲಾಗುವುದು ಎಂದು ಅವರು ಪುನರಾವರ್ತಿತವಾಗಿ ಹೇಳಿದ್ದರೂ, ಸಂಭಾವ್ಯ ವಲಸಿಗರಿಗೆ ಇದರಲ್ಲಿ ಹಲವಾರು ವಿನಾಯಿತಿಗಳಿವೆ ಮತ್ತು ಇದು ತಾತ್ಕಾಲಿಕ ಕೆಲಸದ ವೀಸಾಗಳಲ್ಲಿ ಬರುವವರನ್ನು ಒಳಗೊಂಡಿರುವುದಿಲ್ಲ ಎಂದಿದ್ದಾರೆ.

ಈಗಾಗಲೇ ತಮ್ಮ ಗ್ರೀನ್ ಕಾರ್ಡ್‌ಗಳು ಅಥವಾ ಶಾಶ್ವತ ನಿವಾಸ ಸ್ಥಾನಮಾನವನ್ನು ಪಡೆದವರಿಗೆ ಮತ್ತು ತಾತ್ಕಾಲಿಕ ವೀಸಾ ಹೊಂದಿರುವವರಿಗೆ ಈ ನಿಷೇಧವು ಅನ್ವಯಿಸುವುದಿಲ್ಲ. ಆದರೆ ಅಮೆರಿಕಾಕ್ಕೆ ಶಾಶ್ವತವಾಗಿ ವಲಸೆ ಹೋಗಲು ಬಯಸುವವರು ನಿಷೇಧದ ವ್ಯಾಪ್ತಿಗೆ ಒಳಪಡುವವರು ಮತ್ತು ತಾತ್ಕಾಲಿಕ ವೀಸಾಗಳಲ್ಲಿ ಬರುವವರಿಗೆ ಈ ನಿಷೇಧವನ್ನು ಪ್ರತ್ಯೇಕಿಸುತ್ತದೆ.

ವಲಸೆ ಬಂದವರ ವಿನಾಯಿತಿ ವಿಭಾಗಗಳಲ್ಲಿ ಆರೋಗ್ಯ ಕಾರ್ಯಕರ್ತರು ಮತ್ತು ಅವರ ಕುಟುಂಬಗಳೊಂದಿಗೆ ಕೊರೊನಾವೈರಸ್ ಮತ್ತು ಇತರ ವೈದ್ಯಕೀಯ ಸಂಶೋಧನೆಯಲ್ಲಿ ತೊಡಗಿರುವವರು ಸೇರಿದ್ದಾರೆ. ಭಾರತದಿಂದ ಅಮೆರಿಕಾಕ್ಕೆ ವೀಸಾ ಪಡೆದು ಹೋದವರಲ್ಲಿ 74 ಪರ್ಸೆಂಟ್‌ನಷ್ಟು ಹೆಚ್-1ಬಿ ವೀಸಾ ಹೊಂದಿದ್ದಾರೆ.