ಮಿಸ್ಸಾಗಿ ಇನ್ಯಾರಿಗೋ ಹಣ ವರ್ಗಾವಣೆ ಮಾಡಿದ್ದಾರಾ ? ಟೆಂಕ್ಷನ್ ತಗೋಬೇಡಿ, ನಿಮ್ಮ ಹಣ ವಾಪಸ್​ ಪಡೆಯಬಹುದು!

ಬೆಂಗಳೂರು, ಮಾರ್ಚ್‌ 13: ಮೊದಲೆಲ್ಲಾ ಒಬ್ಬರ ಖಾತೆಯಿಂದ ಮತ್ತೊಬ್ಬರ ಖಾತೆಗೆ ಹಣ ವರ್ಗಾವಣೆ ಮಾಡಬೇಕು ಅಂದ್ರೆ ಬ್ಯಾಂಕ್​ಗಳಿಗೆ ಹೋಗಬೇಕಿತ್ತು. ಜಮೆ ಮಾಡಿದ ಹಣ ನಿಮ್ಮ ಖಅತರಗೆ ತಲುಪಲು ಕೆಲ ತಾಸು ಸಮಯ ಬೇಕಿತ್ತು. ನಂತರ ನಡೆದಿರುವ ವಹಿವಾಟನ್ನ ಪಾಸ್​ ಬುಕ್​ ಎಂಟ್ರಿ ಮಾಡಿಸಿಕೊಳ್ಳಬೇಕಿತ್ತು. ಆದ್ರೆ ಈಗ ದುನಿಯಾ ಫುಲ್​ ಚೇಂಜ್​ ಆಗಿದೆ. ಕೇವಲ ಸೆಕೆಂಡುಗಳಲ್ಲಿ ಕೂತ ಜಾಗದಲ್ಲಿ ಬೆರಳಂಚಲ್ಲಿ ಬೇಕಾದವರ ಖಾತೆಗೆ ಹಣ ಹಾಕಬಹುದು ಅಥವಾ ನಮ್ಮ ಖಾತೆಗೆ ಹಣ ಹಾಕಿಸಿಕೊಳ್ಳಬಹುದು.ಇದು ವಹಿವಾಟನ್ನು ಎಷ್ಟು ಸುಲಭ ಮಾಡಿದ್ಯೋ , ಕೆಲವೊಮ್ಮೆ ಅಷ್ಟೇ ಯಡವಟ್ಟುಗಳು ಆಗಿಬಿಡುತ್ವೆ.

ಹೌದು, UPI (UNIFIED PAYMENT INTERFACE) ಈಗಂತೂ ಬಹಳ ಜನಪ್ರಿಯವಾಗಿದೆ. ತಳ್ಳುವ ತರಕಾರಿ ಗಾಡಿಯಿಂದ - ಫೈಸ್ಟಾರ್​ ಹೋಟೆಲ್​ಗಳ ವರೆಗೂ ಇದೀಗ ಈ ಯುಪಿಐ ಪೇಮೆಂಟ್​ ವಿಧಾನ ಆವರಿಸಿಕೊಂಡುಬಿಟ್ಟಿದೆ. ಫೋನ್​ ಪೇ - ಗೂಗಲ್​ ಪೇ , BHIM ಈ ರೀತಿ ಸಾಕಷ್ಟು ಆನ್​ಲೈನ್​ ಪೇಮೆಂಟ್​ ಆ್ಯಪ್​ಗಳು ಈ ವಹಿವಾಟುಗಳನ್ನ ಬತ್ತಷ್ಟು ಸುಲಭ ಮಾಡಿಬಿಟ್ಟಿವೆ. ಯುಪಿಐ ಪೇಮೆಂಟ್​ ಅನ್ನೋದಂತು ಭಾರತದಲ್ಲಿ ಒಂದು ರೀತಿ ಡಿಜಿಟಲ್​ ವಹಿವಾಟಿನ ಕ್ರಾಂತಿಯನ್ನೇ ಮಾಡಿದೆ ಎಂದು ಹೇಳಬೇಹುದು. ಯಾರಿಗೆ ನಾವು ಹಣ ಕಳುಹಿಸಬೇಕೋ ಅವರ ಬ್ಯಾಂಕ್​ ಖಾತೆಗೆ ಲಿಂಕ್​ ಆಗಿರುವ ಮೊಬೈಲ್​ ನಂಬರ್​ ಇದ್ರೆ ಸಾಕು, ಅರೆಕ್ಷಣದಲ್ಲಿ ಹಣ ಅವರ ಅಕೌಂಟ್​ ತಲುಪಿರುತ್ತೆ.

ಮಿಸ್​ ಆದ್ರೆ ಇನ್ಯಾರ ಖಾತೆಗೋ ಸೆರುತ್ತೆ ಹಣ:

ಹೀಗೆ QR CODE ಸ್ಕ್ಯಾನ್​ ಮಾಡೋದು ಅಥವಾ UPI ಮೂಲಕ ಫೋನ್​ ನಂಬರ್​ ಗೆ ಹಣ ವರ್ಗಾವಣೆ ಮಾಡೋದ್ರಿಂದ ಎಷ್ಟು ಉಪಯೋಗಗಳಿವೆಯೋ ಕೆಲವೊಮ್ಮೆ ಅಷ್ಟೇ ಅನಾನುಕೂಲಗಳೂ ಸಂಭವಿಸುತ್ತವೆ. ಒಂದುವೇಳೆ ಯಡವಟ್ಟಾದ್ರೆ ಯಾರ ಖಾತೆಗೋ ಜಮೆಯಾಗಬೇಕಿರೋ ಹಣ ಇನ್ಯಾರ ಖಾತೆಗೋ ಜಮೆ ಆಗಿಬಿಡುತ್ತೆ. ಹೀಗಾಗಿ ಮೊಬೈಲ್ ನಂಬಳಿ ಟ್ರಾನ್ಸಾಕ್ಷನ್​ ಮಾಡುವಾಗ ಒಂದಲ್ಲ ಎರಡೆರಡು ಬಾರಿ ಎಚ್ಚರ ವಹಿಸಬೇಕಾಗುತ್ತೆ. ಆಗಾಗ್ಯೂ ಕೆಲವೊಮ್ಮೆ ಇಂಥ ತಪ್ಪುಗಳು ಸಂಭವಿಸಿಬಿಡುತ್ವೆ.

ಈಗಂತೂ ಬಹಳಷ್ಟು ಜನ ಸಿಮ್​ ಗಳನ್ನ ಮೇಲಿಂದ ಮೇಲೆ ಚೇಂಜ್​ ಮಾಡ್ತಾನೆಯಿರ್ತಾರೆ. ಹಾಗಾದಾಗ ಹಳೆಯ ನಂಬರ್​ ನ ರೀ ಸೈಕಲ್ ಮಾಡಿ ಬೇರೆಯವರಿಗೆ ನೀಡಲಾಗಿರುತ್ತೆ. ಒಂದ್ವೇಳೆ ಹೀಗಾಗಿ, ನಿಮಗೆ ನಿಮ್ಮ ಸ್ನೇಹಿತರ ನಂಬರ್ ಬದಲಾಗಿರೋದು ಗೊತ್ತಿಲ್ಲದೇ ಹಳೆಯ ನಂಬರ್​ ಗೆ ಹಣ ಕಳುಹಿಸಿದ್ರೆ ಈ ಹಣ ಇನ್ಯಾರದ್ದೋ ಖಾತೆಗೆ ಹೋಗಿಬಿಡುತ್ತೆ. ಈಗಾಗಲೇ ಬಹಳಷ್ಟು ಮಂದಿಗೆ ಹೀಗೆ ಆಗಿದೆ ಕೂಡ. ಹಾಗಿದ್ರೆ ಈ ರೀತಿ ಸಣ್ಣ ತಪ್ಪಿನಿಂದ ಮತ್ತೊಬ್ಬರ ಖಾತೆಗೆ ಹೋದ ಹಣವನ್ನ ಮರಳಿ ಪಡೆದುಕೊಳ್ಳಲು ಸಾಧ್ಯವಿಲ್ವಾ ?! ಖಂಡಿತಾ ಸಾಧ್ಯವಿದೆ. ಆದ್ರೆ ಅದಕ್ಕೆ ಕೆಲವು ಕ್ರಮಗಳಿವೆ.

ನಿಮ್ಮ ಈ ಟ್ರಾನ್ಸಾಕ್ಷನ್​ಗೂ ಫೋನ್​ ಪೆ, ಗೂಗಲ್​ ಪೇ ಗೂ ಏನು ಸಂಬಂಧವಿರುವುದಿಲ್ಲ. ಒಂದು ವೇಳಿ ತಪ್ಪು ಟ್ರಾನ್ಸಾಕ್ಷನ್​ ಆದಲ್ಲಿ ನೀವು ನಿಮ್ಮ ಬ್ಯಾಂಕ್​ ನ ಸಂಪರ್ಕಿಸಬೇಕು. ನಂತರ ಏತಕ್ಕಾಗಿ ಈ ರೀತಿ ರಾಂಗ್​ ಟ್ರಾನ್ಸಾಕ್ಷನ್​ ಆಗಿದೆ ಎಂಬುದನ್ನ ಅವರಿಗೆ ಮನದಟ್ಟು ಮಾಡಬೇಕು. ಇದಕ್ಕೆ ಬೇಕಾದ ದಾಖಲೆಗಳನ್ನ ಒದಗಿಸಬೇಕು. ಆ ನಂತರ ಬ್ಯಾಂಕ್​ ಆ ಖಾತೆಯಿಂದ ಹಣವನ್ನ ರಿವರ್ಸ್​ ಮಾಡಿ ಮರಳಿ ನಿಮ್ಮ ಖಾತೆಗೆ ಕ್ರೆಡಿಟ್​ ಮಾಡಲು ಸಾಧ್ಯವಿದೆ.

ರಿಸರ್ವ್​ ಬ್ಯಾಂಕ್​ ಆಫ್​ ಇಂಡಿಯಾದ ಡಿಜಿಟಲ್​ ವಹಿವಾಟುಗಳ ಓಂಬುಡ್ಸ್​ಮನ್​ ಸ್ಕೀಮ್​ 2019ರ ಪ್ರಕಾರ ಇಂಥ ಟ್ರಾನ್ಸಾಕ್ಷನ್​ಗಳನ್ನ ಬ್ಯಾಂಕ್​ ರಿವರ್ಸ್​ ಮಾಡಬಹುದು ಎಂಬ ಅವಕಾಶವಿದೆ. ಆದ್ರೆ ಒಂದ್ವೇಳೆ ಬ್ಯಾಂಕ್​ನಿಂದ ಇದು ಸಾಧ್ಯವಾಗದಿದ್ರೆ ಆಗ NPCI ಮೂಲಕ ದೂರು ದಾಖಲಿಸಿ ವಿವಾದ ಪರಿಹರಿಸಿಕೊಳ್ಳಬೇಕಾಗುತ್ತದೆ.

ಇದಕ್ಕಾಗಿ NPCI ವೆಬ್​ಸೈಟ್​ಗೆ ಭೇಟಿ ಕೊಟ್ಟು ಯುಪಿಐ ಟ್ರಾಸ್ನಾಕ್ಷನ್​ ವಿಭಾಗಕ್ಕೆ ಹೋಗಿ ಅಲ್ಲಿ ಕೇಳುವ ಎಲ್ಲಾ ಮಾನದಂಡಗಳನ್ನ ಅನುಸರಿಸಿ, ದಾಖಲೆಗಳನ್ನ ಒದಗಿಸಿ ದೂರು ದಾಖಲಿಸಿದ್ರೆ , ನಂತರ ನಿಮ್ಮ ಹಣವನ್ನ ಹಿಂಪಡೆಯಬಹುದು. ಇದು ಸಾವಿದ್ದರೂ ಕೂಡ ಸ್ವಲ್ಪ ತ್ರಾಸಬದ್ಧ ಅನ್ನಿಸಬಹುದು. ಆದ್ರೆ ಬೇಕೆ ಆಯ್ಕೆ ಇಲ್ಲ. ಹೀಗಾಗಿ ಯುಪಿಐ ವಹಿವಾಟಿನಲ್ಲಿ ಫೋನ್​ ನಂಬರ್​ ಬಳಸಿ ಹಣ ವರ್ಗಾಯಿಸುವಾಗ ಜಾಗರೂಕರಾಗಿರಬೇಕು. ಹಣ ವರ್ಗಾಯಿಸುವ ಮೊದಲು ನಂಬರ್​ ಖಚಿತ ಪಡಿಸಿಕೊಂಡು ನಂತರ ಮುಂದುವರೆದ್ರೆ ನಿಮ್ಮ ಹಣ ಸೇಫ್.