ಲಾಕ್‌ಡೌನ್ 2.0 : ಭಾರತದ ನಿರ್ಧಾರವನ್ನು ಬೆಂಬಲಿಸಿದ ಐಎಂಎಫ್

ಕೊರೊನಾವೈರಸ್ ಸೋಂಕು ತಡೆಗೆ ಭಾರತವು ತೆಗೆದುಕೊಂಡಿರುವ ಲಾಕ್‌ಡೌನ್ ನಿರ್ಧಾರವನ್ನು ಅಂತರರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್) ಬೆಂಬಲಿಸಿದೆ.

'ಆರ್ಥಿಕತೆ ಮಂದಗತಿಯಲ್ಲಿ ಸಾಗುತ್ತಿದ್ದಾಗಲೇ ಭಾರತಕ್ಕೆ ಜಾಗತಿಕ ಪಿಡುಗಿನ ಸಂಕಷ್ಟ ಎದುರಾಯಿತು. ಆರ್ಥಿಕ ಚೇತರಿಕೆಯ ನಿರೀಕ್ಷೆಯು ಅನಿಶ್ಚಿತವಾಗಿದೆ' ಎಂದು ಐಎಂಎಫ್‌ನ ಏಷ್ಯಾ ಮತ್ತು ಫೆಸಿಫಿಕ್ ವಿಭಾಗದ ನಿದೇರ್ಶಕ ಚಾಂಗ್ ಯೋಗ್ ರೀ ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ.

'ಆರ್ಥಿಕ ಕುಸಿತದ ಹೊರತಾಗಿಯೂ, ಭಾರತ ಸರ್ಕಾರವು ರಾಷ್ಟ್ರವ್ಯಾಪಿ ಲಾಕ್‌ಡೌನ್ ಜಾರಿಗೆ ತಂದಿದೆ. ಭಾರತದ ಪೂರ್ವಭಾವಿ ನಿರ್ಧಾರವನ್ನು ನಾವು ಬೆಂಬಲಿಸುತ್ತೇವೆ. ಏಷ್ಯಾ-ಫೆಸಿಫಿಕ್ ಪ್ರದೇಶದಲ್ಲಿ ಕೊರೊನಾವೈರಸ್‌ನ ಪರಿಣಾಮವು ತೀವ್ರವಾಗಿರಲಿದೆ. 2020ರಲ್ಲಿ ಏಷ್ಯಾದ ಅಭಿವೃದ್ಧಿ ಸ್ಥಗಿತಗೊಳ್ಳಲಿದೆ' ಎಂದು ತಿಳಿಸಿದ್ದಾರೆ.

ಜಾಗತಿಕ ಹಣಕಾಸು ಬಿಕ್ಕಟ್ಟು (4.7 ಪರ್ಸೆಂಟ್) ಅಥವಾ ಏಷ್ಯನ್ ಹಣಕಾಸು ಬಿಕ್ಕಟ್ಟು (1.3 ಪರ್ಸೆಂಟ್) ಉದ್ದಕ್ಕೂ ವಾರ್ಷಿಕ ಸರಾಸರಿ ಬೆಳವಣಿಗೆಯ ದರಗಳಿಗಿಂತ ಇದು ಕೆಟ್ಟದಾಗಿದೆ. ವಾಸ್ತವವಾಗಿ, ಕಳೆದ 60 ವರ್ಷಗಳಲ್ಲಿ ಏಷ್ಯಾ ಶೂನ್ಯ ಬೆಳವಣಿಗೆಯನ್ನು ಅನುಭವಿಸಿಲ್ಲ ಎಂದು ಅವರು ಹೇಳಿದರು. ಜೊತೆಗೆ ಏಷ್ಯಾದ ಬೆಳವಣಿಗೆಯು ಯುರೂಪಿಯನ್ ದೇಶಗಳಿಗಿಂತ ಉತ್ತಮವಾಗಿದೆ ಎಂದಿದ್ದಾರೆ.

ಲಾಕ್‌ಡೌನ್ ಘೋಷಣೆಯ ಪರಿಣಾಮ ಭಾರತದ ಆರ್ಥಿಕ ಅಭಿವೃದ್ಧಿ ದರವು 2020ರಲ್ಲಿ 1.9 ಪರ್ಸೆಂಟ್ ಇರಲಿದೆ ಎಂದು ಹೇಳಿದೆ.