21 ದಿನಗಳ ಲಾಕ್‌ಡೌನ್‌: ಭಾರತಕ್ಕೆ 8,000,000,000,000 ಕೋಟಿ ನಷ್ಟ ಸಾಧ್ಯತೆ

ಕೊರೊನಾವೈರಸ್ ಸೋಂಕು ತಡೆಗಟ್ಟಲು ಕೇಂದ್ರ ಸರ್ಕಾರ 21 ದಿನಗಳ ಲಾಕ್‌ಡೌನ್ ಪರಿಣಾಮ ಈ ಅವಧಿಯಲ್ಲಿ ಭಾರತದ ಆರ್ಥಿಕತೆಗೆ 7 ರಿಂದ 8 ಲಕ್ಷ ಕೋಟಿ ನಷ್ಟವಾಗಬಹುದು ಎಂದು ಆರ್ಥಿಕ ವಿಶ್ಲೇಷಕರು ಹಾಗೂ ಕೈಗಾರಿಕಾ ಸಂಸ್ಥೆಗಳು ಹೇಳಿವೆ.

ಏಪ್ರಿಲ್ 14ರವರೆಗಿನ 21 ದಿನಗಳ ಲಾಕ್‌ಡೌನ್‌ನಲ್ಲಿ ಬಹುತೇಕ ಎಲ್ಲಾ ಕೈಗಾರಿಕೆಗಳು, ವ್ಯವಹಾರಗಳು, ಸಾರಿಗೆ ವ್ಯವಸ್ಥೆ, ರೈಲು, ವಿಮಾನ ಸೇವೆ ಎಲ್ಲವೂ ನಿಷೇಧಗೊಂಡಿತ್ತು. ಈ ಮೂಲಕ ಜಗತ್ತಿನ 2ನೇ ಅತಿ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ಭಾರತವು ಸ್ಥಬ್ದಗೊಂಡಿತು.

ಕೊರೊನಾವೈರಸ್ ಹರಡುವಿಕೆ ತಡೆಗಟ್ಟುವ ಉದ್ದೇಶದಿಂದ ಮಾರ್ಚ್‌ 25ರಂದು ಪ್ರಧಾನಿ ಮೋದಿ ರಾಷ್ಟ್ರವ್ಯಾಪಿ ಸಂಪೂರ್ಣ ಲಾಕ್‌ಡೌನ್ ಘೋಷಿಸಿದರು. ಇದು 70 ಪರ್ಸೆಂಟ್‌ರಷ್ಟು ಆರ್ಥಿಕ ಚಟುವಟಿಕೆ, ಹೂಡಿಕೆ, ರಫ್ತು ಮತ್ತು ವಿವೇಚನೆಯ ಬಳಕೆಯನ್ನು ಸ್ಥಗಿತಗೊಳಿಸಿತು. ಅಗತ್ಯ ಸರಕು ಮತ್ತು ಸೇವೆಗಳಾದ ಕೃಷಿ, ಗಣಿಗಾರಿಕೆ, ಉಪಯುಕ್ತತೆ ಸೇವೆಗಳು, ಕೆಲವು ಹಣಕಾಸು ಮತ್ತು ಐಟಿ ಸೇವೆಗಳು ಮತ್ತು ಸಾರ್ವಜನಿಕ ಸೇವೆಗಳಿಗೆ ಮಾತ್ರ ಕಾರ್ಯನಿರ್ವಹಿಸಲು ಅವಕಾಶವಿತ್ತು.

ಅಕ್ಯೂಟ್ ರೇಟಿಂಗ್ಸ್ ಮತ್ತು ರಿಸರ್ಚ್ ಲಿಮಿಟೆಡ್ ಪ್ರಕಾರ ಲಾಕ್‌ಡೌನ್‌ನಿಂದಾಗಿ ಈ ತಿಂಗಳ ಆರಂಭದಲ್ಲಿ ಭಾರತೀಯ ಆರ್ಥಿಕತೆಗೆ ಸುಮಾರು 4.64 ಬಿಲಿಯನ್ ಡಾಲರ್ ( 35,000 ಕೋಟಿಗೂ ಹೆಚ್ಚು)ನಷ್ಟ ತಂದಿದೆ ಎಂದು ಅಂದಾಜಿಸಲಾಗಿದೆ ಮತ್ತು 21 ದಿನಗಳ ಸಂಪೂರ್ಣ ಲಾಕ್‌ಡೌನ್ ಜಿಡಿಪಿ ನಷ್ಟ ಸುಮಾರು 98 ಬಿಲಿಯನ್ ಡಾಲರ್‌ಗಳಷ್ಟು (ಸುಮಾರು 7.5 ಲಕ್ಷ ಕೋಟಿ) ಎಂದು ಹೇಳಿದೆ.