ಭಾರತದಲ್ಲಿನ ಬೆಳವಣಿಗೆ ಹಿಂಜರಿತ ತಾತ್ಕಾಲಿಕ: ಐಎಂಎಫ್ ಅಧ್ಯಕ್ಷೆ

ಭಾರತದ ಬೆಳವಣಿಗೆ ಹಿಂಜರಿತವು ತಾತ್ಕಾಲಿಕ ಮತ್ತು ಮುಂಬರುವ ದಿನಗಳಲ್ಲಿ ಅದು ಉತ್ತಮಗೊಳ್ಳಲಿದೆ ಎಂದು ಐಎಂಎಫ್ (ಇಂಟರ್ ನ್ಯಾಷನಲ್ ಮಾನಿಟರಿ ಫಂಡ್- ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ) ಅಧ್ಯಕ್ಷೆ ಕ್ರಿಸ್ಟಲಿನಾ ಜಿಯಾರ್ಜಿವ ಶುಕ್ರವಾರ ಅಭಿಪ್ರಾಯ ಪಟ್ಟಿದ್ದಾರೆ. ವಿಶ್ವ ಆರ್ಥಿಕ ಸಮಾವೇಶ 2020ರಲ್ಲಿ ಮಾತನಾಡಿದರು.

2019ರ ಅಕ್ಟೋಬರ್ ನಲ್ಲಿ ಇದ್ದ ವಿಶ್ವದ ಆರ್ಥಿಕ ಪರಿಸ್ಥಿತಿ ಬಗ್ಗೆ ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ ತಿಳಿಸಿದ ರೀತಿಗೆ ಹೋಲಿಸಿದರೆ 2020ರ ಜನವರಿಯಲ್ಲಿ ಪರಿಸ್ಥಿತಿ ಉತ್ತಮ ಎನ್ನುವ ಹಾಗೇ ಇದೆ. ಅಮೆರಿಕ- ಚೀನಾ ಮಧ್ಯದ ವ್ಯಾಪಾರ ಉದ್ವಿಗ್ನತೆ ಕಡಿಮೆ ಆಗುವಂತಿದೆ. ತೆರಿಗೆ ಕಡಿತ ಮುಂತಾದ ಕ್ರಮಗಳಿಗೆ ಮುಂದಾಗಿರುವುದು ಉತ್ತಮ ಹೆಜ್ಜೆಗಳು ಎಂದು ಅವರು ಅಭಿಪ್ರಾಯ ಪಟ್ಟಿದ್ದಾರೆ. ವಿಶ್ವದ ಆರ್ಥಿಕತೆಗೆ 3.3 ಪರ್ಸೆಂಟ್ ಎಂಬುದು ತುಂಬ ಚೆನ್ನಾಗಿರುವ ಬೆಳವಣಿಗೆ ದರ ಏನಲ್ಲ ಎಂದಿದ್ದಾರೆ.

ಈಗಲೂ ಬೆಳವಣಿಗೆ ಹಿಂಜರಿತದಲ್ಲೇ ಇದೆ. ಆರ್ಥಿಕ ನಿಯಮಗಳು ಇನ್ನಷ್ಟು ಆಕ್ರಮಣಕಾರಿ ಆಗಬೇಕು. ರಚನಾತ್ಮಕವಾದ ಸುಧಾರಣೆಗಳು ಆಗಬೇಕು ಎಂದು ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕರು ಹೇಳಿದ್ದಾರೆ.