ಭಾರತದ ಕಚ್ಚಾ ತೈಲ ಸಂಸ್ಕರಣೆಗೆ ಜನವರಿಯಲ್ಲಿ ಮತ್ತಷ್ಟು ಲಾಭ

ಕೋವಿಡ್-19 ಲಾಕ್‌ಡೌನ್ ಬಳಿಕ ದೇಶದಲ್ಲಿ ಕ್ರಮೇಣ ಎಲ್ಲಾ ಆರ್ಥಿಕ ಚಟುವಟಿಕೆಗಳು ಪುನಾರಂಭಗೊಂಡಿದ್ದು, ಕೈಗಾರಿಕಾ ಚಟುವಟಿಕೆಗಳು ಹೆಚ್ಚಳದ ಹಿನ್ನೆಲೆಯಲ್ಲಿ ಇಂಧನ ಬೇಡಿಕೆ ಸುಧಾರಿಸಿದೆ. ಜೊತೆಗೆ ದೇಶದ ಕಚ್ಚಾ ತೈಲ ಸಂಸ್ಕರಣೆಯು ಜನವರಿಯಲ್ಲಿ ಸತತ ಎರಡನೇ ವರ್ಷ ಲಾಭವನ್ನು ದಾಖಲಿಸಿದೆ.

ಜನವರಿಯಲ್ಲಿ ಕಚ್ಚಾ ತೈಲ ಉತ್ಪಾದನೆಯು ವರ್ಷಕ್ಕೆ ಶೇಕಡಾ 0.6ರಷ್ಟು ಏರಿಕೆಯಾಗಿದ್ದು, ದಿನಕ್ಕೆ 5.16 ಮಿಲಿಯನ್ ಬ್ಯಾರೆಲ್‌ಗಳಿಗೆ (21.81 ಮಿಲಿಯನ್ ಟನ್) ತಲುಪಿದೆ. ಇದು 2019 ರ ನವೆಂಬರ್‌ನಿಂದ ದಾಖಲಾದ ಗರಿಷ್ಠ ಪ್ರಮಾಣವಾಗಿದೆ ಎಂದು ಸರ್ಕಾರದ ಅಂಕಿ ಅಂಶಗಳು ಶುಕ್ರವಾರ ತೋರಿಸಿದೆ.

ಖಾಸಗಿ ಸಮೀಕ್ಷೆಯೊಂದರ ಪ್ರಕಾರ, ಬೇಡಿಕೆ ಮತ್ತು ಉತ್ಪಾದನೆಯಲ್ಲಿ ನಿರಂತರ ಚೇತರಿಕೆಗೆ ಉತ್ತೇಜನ ನೀಡಿದ ಭಾರತದ ಕಾರ್ಖಾನೆಯ ಚಟುವಟಿಕೆ ಜನವರಿಯಲ್ಲಿ ಮೂರು ತಿಂಗಳಲ್ಲಿ ತನ್ನ ಪ್ರಬಲ ವೇಗದಲ್ಲಿ ವಿಸ್ತರಿಸಿತು. ಈ ಮೂಲಕ ಕಚ್ಚಾ ತೈಲ ಸಂಸ್ಕರಣೆಯು ಹಿಂದಿನ ತಿಂಗಳಿಗಿಂತ ಹೆಚ್ಚಾಗಿದ್ದು, ಶೇಕಡಾ 3.8ರಷ್ಟು ಹೆಚ್ಚಿದೆ.

ಭಾರತೀಯ ರಿಫೈನರ್‌ಗಳು ಜನವರಿಯಲ್ಲಿ ಸರಾಸರಿ ಶೇಕಡಾ 102.8ರಷ್ಟು ದರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಕಳೆದ ವರ್ಷ ಇದೇ ತಿಂಗಳಲ್ಲಿ ಶೇಕಡಾ 102.6 ಮತ್ತು ಡಿಸೆಂಬರ್‌ನ ಶೇಕಡಾ 99.1 ಕ್ಕಿಂತ ಸ್ವಲ್ಪ ಹೆಚ್ಚಾಗಿದೆ ಎಂದು ಸರ್ಕಾರದ ಅಂಕಿ ಅಂಶಗಳು ತೋರಿಸುತ್ತವೆ.