2022ರ ಹಣಕಾಸು ವರ್ಷದಲ್ಲಿ ಭಾರತದ ಜಿಡಿಪಿ ಶೇ 13.5 ಕ್ಕೆ ಏರಿಕೆಯಾಗಲಿದೆ: ನೊಮುರಾ

ಕೊರೊನಾವೈರಸ್ ಸಾಂಕ್ರಾಮಿಕ ರೋಗದಿಂದಾಗಿ ನಲುಗಿದ್ದ ವಿಶ್ವವು ನಿಧಾನಗತಿಯಲ್ಲಿ ಚೇತರಿಕೆ ಕಾಣುತ್ತಿದೆ. ಇದರ ನಡುವೆ ಭಾರತದ ಜಿಡಿಪಿಯು ವೇಗವಾಗಿ ಸಾಗಲಿದ್ದು, ಹಣಕಾಸು ವರ್ಷ 2022-23ಕ್ಕೆ ದೇಶದ ಜಿಡಿಪಿ ಶೇ. 13.5 ಕ್ಕೆ ಏರಿಕೆಯಾಗಲಿದೆ ಎಂದು ಜಪಾನಿನ ಬ್ರೋಕರೇಜ್ ಸಂಸ್ಥೆ ನೋಮುರಾ ತಿಳಿಸಿದೆ.

ನೊಮುರಾ ಇಂಡಿಯಾ ಬಿಸಿನೆಸ್ ಪುನರಾರಂಭದ ಸೂಚ್ಯಂಕ (ಎನ್‌ಐಬಿಆರ್‌ಐ) ಫೆಬ್ರವರಿ 14 ಕ್ಕೆ ಕೊನೆಗೊಂಡ ವಾರಕ್ಕೆ ಹಿಂದಿನ ವಾರದಲ್ಲಿ 95.9 ರಿಂದ, 98.1 (ತಾತ್ಕಾಲಿಕವಾಗಿ) ವರೆಗೆ ಏರಿದೆ ಎಂದು ನೋಮುರಾ ಹೇಳಿದೆ.

ನೋಮುರಾ ಅವರ ಅಂದಾಜುಗಳ ಪ್ರಕಾರ ಭಾರತೀಯ ರಿಸರ್ವ್ ಬ್ಯಾಂಕ್ ನಿಗದಿಪಡಿಸಿದ ಬೆಳವಣಿಗೆಯ ದರಕ್ಕಿಂತ ಹೆಚ್ಚಾಗಿದೆ. ಹಣಕಾಸು ವರ್ಷ 2022 ರಲ್ಲಿ ಜಿಡಿಪಿ ಶೇಕಡಾ 10.5 ರಷ್ಟು ಏರಿಕೆಯಾಗಲಿದೆ ಎಂದು ಅಪೆಕ್ಸ್ ಬ್ಯಾಂಕ್ ನಿರೀಕ್ಷಿಸಿತ್ತು. ಆದರೆ ಜಪಾನಿನ ಬ್ರೋಕರೇಜ್ ಸಂಸ್ಥೆಯು ಭಾರತದ ಜಿಡಿಪಿಯು 13.5ಕ್ಕೆ ಏರಿಕೆಯಾಗಲಿದೆ ಎಂದು ಹೇಳಿದೆ.