ಕುಸಿದಿದ್ದ ಷೇರುಪೇಟೆ ಚೇತರಿಕೆ: ಸೆನ್ಸೆಕ್ಸ್ 267 ಪಾಯಿಂಟ್ಸ್ ಹೆಚ್ಚಳ
ಭಾರತೀಯ ಷೇರುಪೇಟೆ ಮಂಗಳವಾರ ಏರಿಕೆಯೊಂದಿಗೆ ವಹಿವಾಟು ಪ್ರಾರಂಭಿಸಿದೆ. ಇಂದು ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ ಸುಮಾರು 267 ಪಾಯಿಂಟ್ಗಳ ಲಾಭದೊಂದಿಗೆ 48,952 ಮಟ್ಟದಲ್ಲಿ ಪ್ರಾರಂಭವಾಯಿತು. ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 84.30 ಪಾಯಿಂಟ್ಗಳ ಲಾಭದೊಂದಿಗೆ 14715.60 ಪಾಯಿಂಟ್ಗಳಲ್ಲಿ ತೆರೆಯಿತು.
ಬೆಳಿಗ್ಗೆ 9.16ರ ಸುಮಾರಿಗೆ ಬಿಎಸ್ಇ ಸೆನ್ಸೆಕ್ಸ್ 267.74 ಪಾಯಿಂಟ್ಸ್ ಅಥವಾ ಶೇಕಡಾ 0.57ರಷ್ಟು ಹೆಚ್ಚಾಗಿ 48,986.26 ಪಾಯಿಂಟ್ಸ್ ತಲುಪಿದೆ. ಎನ್ಎಸ್ಇ ಸೂಚ್ಯಂಕ ನಿಫ್ಟಿ 84.30 ಪಾಯಿಂಟ್ಸ್ ಅಥವಾ ಶೇಕಡಾ 0.58ರಷ್ಟು ಏರಿಕೆಗೊಂಡು 14,718.50 ಪಾಯಿಂಟ್ಸ್ ತಲುಪಿದೆ.
ಇಂದು ವಹಿವಾಟು ಆರಂಭಗೊಂಡಾಗ 1,313 ಷೇರುಗಳು ಏರಿಕೆಗೊಂಡರೆ, 195 ಷೇರುಗಳು ಕುಸಿದವು ಮತ್ತು 39 ಷೇರುಗಳ ಮೌಲ್ಯದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.
ಎಸ್ಬಿಐ ಲೈಫ್ ಸ್ಟಾಕ್ 46 ರೂ.ಗಳ ಏರಿಕೆ ಕಂಡು 1,005.00 ರೂ. , ಇಂಡಸ್ಇಂಡ್ ಬ್ಯಾಂಕಿನ ಷೇರು ಸುಮಾರು 16 ರೂ.ಗಳ ಏರಿಕೆ ಕಂಡು 929.55 ರೂ.ಗೆ ಪ್ರಾರಂಭವಾಯಿತು. ಹಿಂಡಾಲ್ಕೊ ಷೇರು ಸುಮಾರು 5 ರೂ. ಗಳಿಸಿ 375.00 ರೂ., ಆಕ್ಸಿಸ್ ಬ್ಯಾಂಕ್ ಷೇರುಗಳು ಸುಮಾರು 11 ರೂ.ಗಳ ಏರಿಕೆ ಕಂಡು 713.70 ರೂ., ಐಸಿಐಸಿಐ ಬ್ಯಾಂಕ್ ಷೇರುಗಳು ಸುಮಾರು 8 ರೂ.ಗಳ ಏರಿಕೆ ಕಂಡು 604.65 ರೂ. ತಲುಪಿದೆ.