ಇನ್​ಸ್ಟಾಗ್ರಾಮ್​ನಿಂದ ಹೊಸ ಆಪ್​ ಲಾಂಚ್; ಯಾರಿಗೆಲ್ಲಾ Edits ಆಪ್ ಲಭ್ಯ.. ಹೀಗಿವೆ ಫೀಚರ್ಸ್!

ಇನ್‌ಸ್ಟಾಗ್ರಾಮ್ ಬಳಕೆದಾರರಿಗೆ ಸಿಹಿ ಸುದ್ದಿ.. ಈ ಮೂಲಕ ಬೈಟ್‌ಡ್ಯಾನ್ಸ್‌ಗೆ ಮೆಟಾ (Meta) ಟಾಂಗ್ ನೀಡಿದೆ. ಇದು ವಿಶೇಷವಾಗಿ ರೀಲ್ಸ್ ಕ್ರಿಯೆಟರ್ಸ್​ಗೆ ಬೆಸ್ಟ್! ಹೌದು, ಜನಪ್ರಿಯ ಸೋಶಿಯಲ್ ಮೀಡಿಯಾ ದೈತ್ಯ ಇನ್‌ಸ್ಟಾಗ್ರಾಮ್ ಹೊಸ ಅಪ್ಲಿಕೇಶನ್‌ ಅನ್ನು (Instagram New App) ಬಿಡುಗಡೆ ಮಾಡಿದೆ. ಈ ಆಪ್‌ನ ಹೆಸರು 'ಎಡಿಟ್ಸ್' (Edits)​. ಮೆಟಾ ಇದನ್ನು ವಿಶೇಷವಾಗಿ ಹೆಚ್ಚು ರೀಲ್‌ಗಳನ್ನು ಮಾಡುವ ಕ್ರಿಯೆಟರ್ಸ್​ಗಾಗಿ ವಿನ್ಯಾಸಗೊಳಿಸಿದೆ. ಬನ್ನಿ, ಈ ಹೊಸ ಆಪ್‌ನಲ್ಲಿ ಲಭ್ಯವಿರುವ ವೈಶಿಷ್ಟ್ಯಗಳೇನು? ಯಾರೆಲ್ಲಾ ಬಳಕೆ ಮಾಡಬಹುದು? ಎಂಬ ಬಗ್ಗೆ ತಿಳಿಯೋಣ.

ಮೆಟಾ ಸಂಸ್ಥೆಯು 'ಎಡಿಟ್ಸ್' ಎಂಬ ನೂತನ ವಿಡಿಯೋ ಎಡಿಟಿಂಗ್ ಅಪ್ಲಿಕೇಶನ್ ಅನ್ನು (Meta launches Edits) ಪ್ರಾರಂಭಿಸಿದೆ. ಇದು ಬಳಕೆದಾರರು ಹೆಚ್ಚಿನ ರೀಲ್‌ಗಳನ್ನು ಮಾಡಲು ಸಹಾಯ ಮಾಡುತ್ತದೆ. ಈ ಅಪ್ಲಿಕೇಶನ್ ಪ್ರಸ್ತುತ ಆಂಡ್ರಾಯ್ಡ್ ಮತ್ತು ಐಒಎಸ್ ಅಂಗಡಿಗಳಲ್ಲಿ ಲಭ್ಯವಿದೆ. ಇನ್‌ಸ್ಟಾಗ್ರಾಮ್ ಈ ಅಪ್ಲಿಕೇಶನ್ ಅನ್ನು ಮೂರು ತಿಂಗಳ ಹಿಂದೆ ಘೋಷಿಸಿತ್ತು. ಮೊಬೈಲ್ ಮೂಲಕವೇ ರೀಲ್ ಅನ್ನು ಸುಲಭವಾಗಿ ಕ್ರಿಯೇಟ್ ಮಾಡಬಹುದು. ಇದು ಉತ್ತಮ ಗುಣಮಟ್ಟದ ವಿಡಿಯೋವನ್ನು ರೆಕಾರ್ಡ್ ಮಾಡಲು ಮತ್ತು ಸಂಪಾದಿಸಲು ನಿಮಗೆ ಅನುಮತಿಸುತ್ತದೆ.

ಮೆಟಾದ ಈ ಆಪ್ ಟಿಕ್‌ಟಾಕ್‌ನ ಕ್ಯಾಪ್‌ಕಟ್‌ಗೆ (CapCut) ಪೈಪೋಟಿ ನೀಡುವುದು ಖಚಿತ. ಈ ಹೊಸ 'ಎಡಿಟ್ಸ್' ಆಪ್ ಕುರಿತು ಮೆಟಾ ಬ್ಲಾಗ್ ಪೋಸ್ಟ್ ಸಹ ಬಿಡುಗಡೆ ಮಾಡಿದೆ. ವಿಡಿಯೋ ಮಾಡುವ ಪ್ರಕ್ರಿಯೆಯು ತುಂಬಾ ಸಂಕೀರ್ಣವಾಗಿದೆ ಎಂದು ನಾವು ಅರ್ಥಮಾಡಿಕೊಂಡಿದ್ದೇವೆ. ಆ ಕಷ್ಟಕರ ಪ್ರಕ್ರಿಯೆಯನ್ನು ಸುಲಭಗೊಳಿಸುವುದು ನಮ್ಮ ಪ್ರಯತ್ನವಾಗಿದೆ. ಇನ್‌ಸ್ಟಾಗ್ರಾಮ್‌ನ ಈ ಹೊಸ ಆಪ್‌ನಲ್ಲಿ ವಿಡಿಯೋ ಪ್ರಾಜೆಕ್ಟ್​ಗಳನ್ನು ರಚಿಸುವುದನ್ನು ಕ್ರಿಯೆಟರ್ಸ್​ ಎಂಜಾಯ್​ ಮಾಡುತ್ತಾರೆ. ಇದು ಅವರಿಗೆ ತುಂಬಾ ಉಪಯುಕ್ತವಾಗಿದೆ ಎಂದು ಮೆಟಾ ತಿಳಿಸಿದೆ.

ಕ್ರಿಯೆಟಿವಿಟಿ ಹೆಚ್ಚಿಸಲು ಈ ಆಪ್ ಬಳಸಿ

ಇನ್‌ಸ್ಟಾಗ್ರಾಮ್ ಮುಖ್ಯಸ್ಥ ಆಡಮ್ ಮೊಸ್ಸೆರಿ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಅವರು ಸ್ವತಃ ಒಂದು ರೀಲ್ ಅಪ್ಲೋಡ್ ಮಾಡಿದ್ದಾರೆ. ಈ ಎಡಿಟ್ಸ್ ಆಪ್ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪಲ್ ಆಪ್ ಸ್ಟೋರ್‌ನಲ್ಲಿ ಲಭ್ಯವಿದೆ. ಈ ಅಪ್ಲಿಕೇಶನ್ ಕೇವಲ ವಿಡಿಯೋ ಎಡಿಟಿಂಗ್ ಆಪ್ ಆಗಿಲ್ಲ. ಇದು ಕ್ರಿಯೆಟಿವಿಟಿ ಅನ್ನು ಹೆಚ್ಚಿಸಲು ನಿಮಗೆ ಸಹಾಯ ಮಾಡುತ್ತದೆ. ಈ ಆಪ್‌ನಲ್ಲಿ ಇನ್ಸ್ಪಿರೇಶನ್​ ಹೆಸರಿನ ಟ್ಯಾಬ್ ಸಹ ಗೋಚರಿಸುತ್ತದೆ. ನೀವು ಇತರರ ಕ್ರಿಯೆಟಿವಿಟಿ ಐಡಿಯಾಗಳನ್ನು ಸಹ ನೋಡಲು ಸಾಧ್ಯವಿದೆ. ಈ ಎಡಿಟ್ಸ್ ಆಪ್‌ನ ಸಹಾಯದಿಂದ ಕ್ರಿಯೆಟರ್ಸ್​ ವಿಡಿಯೋ ಡ್ರಾಫ್ಟ್‌ಗಳನ್ನು ಸಹ ಸ್ನೇಹಿತರೊಂದಿಗೆ ಹಂಚಿಕೊಳ್ಳಲು ಅವಕಾಶವಿದೆ. ಇದಲ್ಲದೆ, ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದರೆ, ಅವರು ಅದರ ಕಾರ್ಯಕ್ಷಮತೆಗೆ ಸಂಬಂಧಿಸಿದ ಡೇಟಾ ಸಹ ನೋಡಬಹುದು.

ಎಐ ಸಹಾಯದಿಂದ ಫೋಟೋವನ್ನು ವಿಡಿಯೋ ಮಾಡಬಹುದು

ಎಡಿಟ್ಸ್ ಅಪ್ಲಿಕೇಶನ್ ಮೂಲಕ ಬ್ಯಾಕ್​ಗ್ರೌಂಡ್​ ತೆಗೆದುಹಾಕಬಹುದು. ಜೊತೆಗೆ ಆಟೋಮೆಟಿಕ್​ ಕ್ಯಾಪ್ಷನ್​ಗಳನ್ನು ನೀಡಬಹುದು. ಎಐ (AI) ವೈಶಿಷ್ಟ್ಯದ ಸಹಾಯದಿಂದ ಫೋಟೋವನ್ನು ವಿಡಿಯೋನ್ನಾಗಿ ಮಾಡುವ ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದರಲ್ಲಿ ಕ್ರಿಯೆಟರ್ಸ್​ ತಮ್ಮ ಖಾತೆಯ ಕಾರ್ಯಕ್ಷಮತೆಗೆ ಸಂಬಂಧಿಸಿದ ಡೇಟಾವನ್ನು ಸಹ ನೋಡಲು ಸಾಧ್ಯವಿದೆ. ಬೈಟ್‌ಡ್ಯಾನ್ಸ್‌ನ ಕ್ಯಾಪ್‌ಕಟ್‌ನಂತೆ ಈ ವೈಶಿಷ್ಟ್ಯಗಳೊಂದಿಗೆ ಎಡಿಟ್ಸ್​ ಅತ್ಯುತ್ತಮ ಮೊಬೈಲ್ ಮತ್ತು ಡೆಸ್ಕ್‌ಟಾಪ್ ವಿಡಿಯೋ ಎಡಿಟಿಂಗ್ ಸಾಧನ ಎಂದು ಸಾಬೀತುಪಡಿಸುತ್ತದೆ.

ಟಿಕ್‌ಟಾಕ್‌ನ ಕ್ಯಾಪ್‌ಕಟ್‌ನಂತೆಯೇ ವೈಶಿಷ್ಟ್ಯಗಳಿವೆ!

ಎಡಿಟ್ಸ್ ಆಪ್ ಸಹಾಯದಿಂದ ಕ್ರಿಯೆಟರ್ಸ್​ ತಮ್ಮ ವಿಡಿಯೋ ಪ್ಲಾನ್​ ಬಹಳ ಸುಲಭವಾಗಿ ಶೂಟ್ ಮಾಡಬಹುದು. ಎಡಿಟ್​ ಮತ್ತು ಆರ್ಗನೈಜ್​ ಮಾಡಲು ಸಾಧ್ಯವಾಗಲಿದೆ. ಇದು ಟಿಕ್‌ಟಾಕ್‌ನ ಕ್ಯಾಪ್‌ಕಟ್‌ ಎಡಿಟಿಂಗ್ ಆಪ್‌ಗೆ ಪ್ರಬಲ ಪೈಪೋಟಿ ನೀಡಲಿದೆ. ​ಪ್ರಸ್ತುತ ಕ್ರಿಯೆಟರ್ಸ್ ತಮ್ಮ ರೀಲ್ಸ್ ಮತ್ತು ಇತರೆ ವಿಡಿಯೋಗಳನ್ನು ಎಡಿಟ್​ ಮಾಡಲು ಬೇರೆ ಬೇರೆ ಆಪ್‌ಗಳನ್ನು ಬಳಕೆ ಮಾಡುತ್ತಾರೆ. ಅವರಿಗೆ ಅನುಕೂಲವಾಗುವಂತೆ ಇನ್​ಸ್ಟಾಗ್ರಾಮ್​ ಈ ಪ್ರತ್ಯೇಕ ಎಡಿಟ್ಸ್ ಆಪ್‌ ತಂದಿದೆ. ಇದರಲ್ಲಿ ಲಭ್ಯವಿರುವ ವೈಶಿಷ್ಟ್ಯಗಳು ಟಿಕ್‌ಟಾಕ್‌ನ ಕ್ಯಾಪ್‌ಕಟ್‌ ಆಪ್‌ನಂತೆಯೇ ಇವೆ.