ಸರ್ಕಾರಿ ಬೆಂಬಲಿತ ಯೋಜನೆಯಡಿ ಹೂಡಿಕೆ ಮಾಡಿ 5 ವರ್ಷಗಳಲ್ಲಿ 7 ಲಕ್ಷ ಗಳಿಸಿ: ಸಂಪೂರ್ಣ ವಿವರ ಇಲ್ಲಿದೆ!

ಸರ್ಕಾರದ ಬೆಂಬಲಿತ ಉಳಿತಾಯ ಯೋಜನೆ: ಪೋಸ್ಟ್ ಆಫೀಸ್ ಉಳಿತಾಯ ಯೋಜನೆಗಳು ಕಡಿಮೆ ಪ್ರೊಫೈಲ್‌ ಹೊಂದಿರುವ ವ್ಯಕ್ತಿಗಳಿಗಳಿಗೆ ಹೂಡಿಕೆ ಮಾಡಲು ಉತ್ತಮ ಆಯ್ಕೆಯಾಗಿದೆ.ಈ ಸಣ್ಣ ಉಳಿತಾಯದ ಯೋಜನೆಗಳು ಸರ್ಕಾರದ ಬೆಂಬಲದ ಹೆಚ್ಚುವರಿ ಪ್ರಯೋಜನಗಳನ್ನ ಹೊಂದಿವೆ. ಅಲ್ಲದೆ ಜನರು ನಿರ್ದಿಷ್ಟ ಯೋಜನೆಗೆ ತಮ್ಮ ಹಣವನ್ನು ಹಾಕಲು ಬಯಸುವುದಿಲ್ಲ ಆದ್ರೆ ಸಣ್ಣ ಉಳಿತಾಯ ಯೋಜನೆಗಳು ಹೂಡಿಕೆಗೆ ಸೂಕ್ತ ಯೋಜನೆಗಳಾಗಿವೆ.

ಸ್ಕೀಮ್ ಕ್ಯಾಲ್ಕುಲೇಟರ್ ಪ್ರಕಾರ ಹೇಳುವುದಾದ್ರೆ, ಹೂಡಿಕೆದಾರರು ದಿನಕ್ಕೆ 333 ರೂಪಾಯಿಗಳನ್ನು ಹೂಡಿಕೆ ಮಾಡಿದ್ರೆ ಸಾಕು ಅಥವಾ 5 ವರ್ಷಗಳ ಕಾಲ ಪೋಸ್ಟ್ ಆಫೀಸ್ ಆರ್‌ಡಿ ಯೋಜನೆಯ ಮೂಲಕ ಮಾಸಿಕ 10,000 ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ ಸಾಕು. ಅವರ ಹೂಡಿಕೆಯ ಮೂಲಕ 7,13,659 ರೂ.ಗೆ ಗಳಿಸಬಹುದು. ಅದರಲ್ಲಿ 1,13,659 ಬಡ್ಡಿಯನ್ನು ಗಳಿಸಬಹುದು. ಈ ಯೋಜನೆಯಿಂದಾಗಿ 6.7%ರಷ್ಟು ಬಡ್ಡಿದರವನ್ನು ಹೂಡಿಕೆದಾರರು ಗಳಿಸಬಹುದು.

ಅಂಚೆ ಕಚೇರಿ ಅಥವಾ ಸಣ್ಣ ಉಳಿತಾಯ ಯೋಜನೆಗಳಡಿ ಸುಕನ್ಯಾ ಸಮೃದ್ಧಿ ಯೋಜನೆ , ಕಿಸಾನ್ ವಿಕಾಸ್ ಪತ್ರ ಖಾತೆ, ಸಾರ್ವಜನಿಕ ಭವಿಷ್ಯ ನಿಧಿ, ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರಗಳು, ಹಿರಿಯ ನಾಗರಿಕರ ಉಳಿತಾಯ ಯೋಜನೆ ಖಾತೆ, ಪೋಸ್ಟ್ ಆಫೀಸ್ ಉಳಿತಾಯ ಖಾತೆ, ರಾಷ್ಟ್ರೀಯ ಉಳಿತಾಯ ಮರುಕಳಿಸುವ ಠೇವಣಿ ಯೋಜನೆ, ಇತ್ಯಾದಿ ಒಳಗೊಂಡಿವೆ.

ಸರ್ಕಾರದ ಬೆಂಬಲಿತ ಉಳಿತಾಯ ಯೋಜನೆ ಬಗ್ಗೆ ತಿಳಿಯಿರಿ

ತಮ್ಮ ಹಣವನ್ನ ಹೂಡಿಕೆ ಮಾಡುವ ಮೂಲಕ ಹೆಚ್ಚಿನ ಅಪಾಯವನ್ನು ತೆಗೆದುಕೊಳ್ಳಲು ಬಯಸದ ವ್ಯಕ್ತಿಗಳು ಈ ಸರ್ಕಾರಿ ಬೆಂಬಲಿತ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು. ಇದರಲ್ಲಿ ಕೇವಲ 333 ರೂಗಳಿಂದ ಹೂಡಿಕೆ ಮಾಡಲು ಆರಂಭಿಸಿದರೆ ಇದರಿಂದ ನೀವು 7 ಲಕ್ಷ ರೂಪಾಯಿಗಳವರೆಗೆ ದೈನಂದಿನ ಹೂಡಿಕೆಯನ್ನು ಬೆಳೆಯಬಹುದು. ಈ ಯೋಜನೆಯು ಪೋಸ್ಟ್ ಆಫೀಸ್ ಮರುಕಳಿಸುವ ಠೇವಣಿ (RD), ಅಥವಾ ರಾಷ್ಟ್ರೀಯ ಉಳಿತಾಯ ಮರುಕಳಿಸುವ ಠೇವಣಿ ಖಾತೆ (RD) ಮೇಲೆ ಕೇಂದ್ರಿಕರಿಸುತ್ತದೆ.

ಈ ಸಣ್ಣ ಉಳಿತಾಯ ಯೋಜನೆಯ ಮೂಲಕ ಹೂಡಿಕೆದಾರರು ತಮ್ಮ ನಿರ್ದಿಷ್ಟ ಷೇರುಗಳನ್ನು ತಿಂಗಳಿನ ಆಧಾರದ ಮೇಲೆ ಠೇವಣಿ ಮಾಡಬಹುದು ಮತ್ತು 5 ವರ್ಷಗಳ ನಂತರ ಮೆಚ್ಯೂರಿಟಿ ಮೊತ್ತವನ್ನು ಅವರು ಪಡೆಯಬಹುದು.

ಪೋಸ್ಟ್ ಆಫೀಸ್ ಆರ್‌ಡಿ ಕ್ಯಾಲ್ಕುಲೇಟರ್

ಸ್ಕೀಮ್ ಕ್ಯಾಲ್ಕುಲೇಟರ್‌ನ ಪ್ರಕಾರ, ಹೂಡಿಕೆದಾರರು ದಿನಕ್ಕೆ 333 ರೂಪಾಯಿ ಹೂಡಿಕೆ ಮಾಡಿದ್ರೆ ಸಾಕು ಅಥವಾ ನೀವು 5 ವರ್ಷಗಳ ಕಾಲ ಪೋಸ್ಟ್ ಆಫೀಸ್ ಆರ್‌ಡಿ ಯೋಜನೆಯಲ್ಲಿ ಮಾಸಿಕ 10,000 ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ, ಹೂಡಿಕೆದಾರರ ಹೂಡಿಕೆಯು 7,13,659 ರೂಪಾಯಿಗಳಿಗೆ ಬೆಳೆಯುತ್ತದೆ, ಅದರಲ್ಲಿ 1,13,659 ಬಡ್ಡಿಯನ್ನು ಗಳಿಸಬಹುದು. ಈ ಯೋಜನೆಯ ಮೂಲಕ ಶೇಕಡಾ 6.7 ರಷ್ಟು ಬಡ್ಡಿದರವನ್ನು ಇದರಿಂದ ಗಳಿಸಬಹುದು.

ಪೋಸ್ಟ್ ಆಫೀಸ್ RD ಕನಿಷ್ಠ ಹೂಡಿಕೆಯ ಮೊತ್ತ

ಪೋಸ್ಟ್ ಆಫೀಸ್ ಮರುಕಳಿಸುವ ಠೇವಣಿ ಖಾತೆ (RD)ಯು 5-ವರ್ಷ ತಿಂಗಳಿಗೆ ಕನಿಷ್ಠ 100 ರೂಪಾಯಿ ಹೂಡಿಕೆ ಮೊತ್ತವನ್ನು ಹೊಂದಿದೆ. ಇದರಲ್ಲಿ ಯಾವುದೇ ಗರಿಷ್ಠ ಮಿತಿಯನ್ನ ಹೊಂದಿಲ್ಲ.

ಪೋಸ್ಟ್ ಆಫೀಸ್ RD ಖಾತೆಯ ಅರ್ಹತೆ

ಯೋಜನೆಯ ಮೂಲಕ ಒಬ್ಬ ವಯಸ್ಕ ವ್ಯಕ್ತಿ ಈ ಖಾತೆಯನ್ನು ತೆರೆಯಬಹುದು. ಹಾಗೆ ಮೂವರು ಒಳಗೊಂಡಂತೆ ಜಂಟಿ ಖಾತೆಯನ್ನ ಹೊಂದಬಹುದು. ಇದರಜೊತೆಗೆ ಅಪ್ರಾಪ್ತರ ಪರವಾಗಿ ಪೋಷಕರು ಖಾತೆಯನ್ನ ಹೊಂದಬಹುದು. ಅಸ್ವಸ್ಥ ಮನಸ್ಸಿನ ವ್ಯಕ್ತಿಯ ಪರವಾಗಿ ಆತನನ್ನ ನೋಡಿಕೊಳ್ಳುವವನು ಖಾತೆಯನ್ನ ಹೊಂದಬಹುದು.

ಪೋಸ್ಟ್ ಆಫೀಸ್ RD ಖಾತೆಯ ಮುಕ್ತಾಯ

ಈ ಖಾತೆಯನ್ನು 5 ವರ್ಷಗಳ ನಂತರ ಮುಚ್ಚಬಹುದು (60 ಮಾಸಿಕ ಠೇವಣಿಗಳು) ತೆರೆದ ದಿನಾಂಕದಿಂದ ಈ 5 ವರ್ಷದ ಅವಧಿ ಒಳಗೊಂಡಿರುತ್ತದೆ. ಇದಲ್ಲದೆ, ಸಂಬಂಧಪಟ್ಟ ಅಂಚೆ ಕಛೇರಿಯಲ್ಲಿ ಅರ್ಜಿಯನ್ನು ನೀಡುವ ಮೂಲಕ ಖಾತೆಯನ್ನು ಇನ್ನೂ 5 ವರ್ಷಗಳವರೆಗೆ ನೀವು ವಿಸ್ತರಿಸಬಹುದು. RD ಖಾತೆಯನ್ನು ಠೇವಣಿ ಇಲ್ಲದೇನೆ ಮೆಚ್ಯೂರಿಟಿ ದಿನಾಂಕದಿಂದ 5 ವರ್ಷಗಳವರೆಗೆ ನೀವು ಉಳಿಸಿಕೊಳ್ಳಬಹುದು.