ಈ ಮ್ಯೂಚುವಲ್ ಫಂಡ್‌ನಲ್ಲಿ 1 ಲಕ್ಷ ರೂ. ಹೂಡಿಕೆ ಮಾಡಿದ್ರೆ 17 ವರ್ಷಗಳಲ್ಲಿ 14 ಲಕ್ಷ ರೂ. ಗೆ ಏರಿಕೆ.!

ಉದ್ಯೋಗದ ಜೊತೆ ಸೂಕ್ತ ರೀತಿಯಲ್ಲಿ ಹೂಡಿಕೆ ಮಾಡುವತ್ತ ಕೂಡ ಜನತೆ ಚಿತ್ತ ಹರಿಸಬೇಕಾಗಿದೆ ಎಂಬುದು ಆರ್ಥಿಕ ತಜ್ಞರ ಅಭಿಮತ. ಎಲ್ಲರಿಗೂ ತಿಳಿದಿರುವಂತೆ ಇಂದಿನ ಕಾಲದಲ್ಲಿ ಹಣದುಬ್ಬರ ಪ್ರಮಾಣ ಏರುಗತಿಯಲ್ಲಿ ಸಾಗುತ್ತಲೇ ಇದ್ದು, ನಾವು ಪಡೆದ ಸಂಬಳವು ತಿಂಗಳ ಆರಂಭದಲ್ಲೇ ಖಾಲಿಯಾಗುವುದು ಬಹುತೇಕ ಎಲ್ಲರಲ್ಲೂ ಕಾಡುವ ಸಮಸ್ಯೆ. ಆದರೆ ಸೂಕ್ತ ಮಾರ್ಗದರ್ಶನ ಪಡೆದುಕೊಂಡರೆ ಯಾರೂ ಕೂಡ ಹೂಡಿಕೆಯಿಂದ ಲಾಭ ಪಡೆಯಬಹುದು ಎಂಬುದು ಹೆಚ್ಚಿನವರಿಗೆ ತಿಳಿದಿರದ ಸಂಗತಿ. ಆಯ್ಕೆ ಮಾಡಿಕೊಳ್ಳುವ ಕಂಪೆನಿ ಕೂಡ ಜಗತ್ತಿನ ಯಾವುದೇ ಅನಿಶ್ಚಿತತೆಗೆ ನಷ್ಟ ಹೊಂದ ಕಂಪೆನಿಯ ಮೇಲೆ ಹೂಡಿಕೆ ಮಾಡುವುದು ಕೂಡ ಜಾಣತನವಾಗಿದೆ. ಇನ್ನು ಹೂಡಿಕೆ ವಿಚಾರದಲ್ಲಿ ಬಂದರೆ ಸದ್ಯ ಮ್ಯೂಚ್‌ವಲ್‌ ಫಂಡ್‌ಗಳಲ್ಲಿ ಹಣ ಹೂಡುವವರ ಸಂಖ್ಯೆ ಕೂಡ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇದೆ. ಅಪಾಯವಿದ್ದರೂ ಸೂಕ್ತ ಮಾರ್ಗದರ್ಶನ ಹಾಗೂ ಜಾಣತನ ಪ್ರದರ್ಶಿಸಿದರೆ ಮ್ಯೂಚ್‌ವಲ್‌ ಫಂಡ್‌ಗಳಿಂದಲೂ ಉತ್ತಮ ಲಾಭ ಪಡೆದುಕೊಳ್ಳಬಹುದು ಎಂಬುದು ಆರ್ಥಿಕ ತಜ್ಞರ ಮಾತು.

ಹಿಂದಿನ ಆದಾಯವನ್ನು ನಿರ್ಣಯಿಸಲು ಸಲಹೆ

ನೀವು ಮ್ಯೂಚುವಲ್ ಫಂಡ್ ಯೋಜನೆಯಲ್ಲಿ ಹೂಡಿಕೆ ಮಾಡಲು ಯೋಚಿಸುತ್ತಿದ್ದರೆ, ಅದರ ಹಿಂದಿನ ಆದಾಯವನ್ನು ಪರಿಶೀಲಿಸುವುದು ಸಾಮಾನ್ಯವಾಗಿದೆ. ಒಂದು ವರ್ಷ ಅಥವಾ ಎರಡು ವರ್ಷಗಳ ಐತಿಹಾಸಿಕ ಆದಾಯದ ಪ್ರವೃತ್ತಿಯನ್ನು ನೋಡುವಾಗ ಸಾಮಾನ್ಯವಾಗಿ ಕೆಲವು ಒಳನೋಟಗಳನ್ನು ನೀಡಬಹುದು. ಆದರೆ ಇದು ಸಾಮಾನ್ಯವಾಗಿ ಯೋಜನೆಯು ಸಮಯದ ಅವಧಿಯಲ್ಲಿ ಹೇಗೆ ಕಾರ್ಯನಿರ್ವಹಿಸಿದೆ ಎಂಬುದರ ಸಂಪೂರ್ಣ ಚಿತ್ರಣವನ್ನು ನೀಡುವುದಿಲ್ಲ. ಹಾಗಾಗಿ ಹೂಡಿಕೆದಾರರು ಸರಿಯಾದ" ಸಮಯದಲ್ಲಿ ಹೂಡಿಕೆ ಮಾಡಿದ್ದರೆ ಎಷ್ಟು ಗಳಿಸುತ್ತಾರೆ ಎಂಬುದನ್ನು ನೋಡಲು ವಿಭಿನ್ನ ಸಮಯದ ಚೌಕಟ್ಟುಗಳಲ್ಲಿ ಹಿಂದಿನ ಆದಾಯವನ್ನು ನಿರ್ಣಯಿಸಲು ಸಲಹೆ ನೀಡಲಾಗುತ್ತದೆ.
ಇನ್ನು ಉದಾಹರಣೆ ಸಲುವಾಗಿ 2007 ರ ಜನವರಿಯಲ್ಲಿ ಸಾರ್ವಜನಿಕವಾಗಿ ಪ್ರಾರಂಭವಾದಾಗಿನಿಂದ DSP ELSS ನ ಯೋಜನೆಯು ಹೇಗೆ ಕಾರ್ಯನಿರ್ವಹಿಸಿದೆ ಎಂಬುದನ್ನು ತಿಳಿಯಲು ತೆರಿಗೆ ಸೇವರ್ ಫಂಡ್‌ನ ವಿವರಗಳನ್ನು ಹಂಚಿಕೊಳ್ಳಲಾಗಿದೆ. ಇದು ಹಿಂದಿನ ಆದಾಯವನ್ನು ಕೇಂದ್ರೀಕರಿಸಿದೆ.

ELSS ಬಗ್ಗೆ ಒಂದಿಷ್ಟು ಮಾಹಿತಿ

ಇನ್ನು ಕೆಲವರು ELSS ಬಗ್ಗೆ ಅರಿವು ಹೊಂದಿಲ್ಲದಿದ್ದರೆ ಅಂಥವರಿಗೆ ಮಾಹಿತಿ ನೀಡುವುದೇನೆಂದರೆ ELSS ಎಂಬುದು ಆದಾಯ ತೆರಿಗೆ ಕಾಯಿದೆ 1961 ರ ಸೆಕ್ಷನ್ 80C ಅಡಿಯಲ್ಲಿ ತೆರಿಗೆ-ಉಳಿತಾಯ ಹೂಡಿಕೆಗಳಿಗೆ ಅರ್ಹವಾದ ವೈವಿಧ್ಯಮಯ ಇಕ್ವಿಟಿ ಮ್ಯೂಚುಯಲ್ ಫಂಡ್ ಯೋಜನೆಯಾಗಿದೆ. ಈಕ್ವಿಟಿ ಲಿಂಕ್ಡ್ ಸೇವಿಂಗ್ ಸ್ಕೀಮ್ (ELSS) ಮೂರು ವರ್ಷಗಳ ಲಾಕ್-ಇನ್ ಅವಧಿಯೊಂದಿಗೆ ಮ್ಯೂಚುಯಲ್ ಫಂಡ್ ಯೋಜನೆಯಾಗಿದ್ದು, ಹೂಡಿಕೆದಾರರು ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80 ಸಿ ಅಡಿಯಲ್ಲಿ 1.5 ಲಕ್ಷ ರೂ.ವರೆಗೆ ಆದಾಯ ತೆರಿಗೆ ವಿನಾಯಿತಿಯನ್ನು ಪಡೆಯಲು ಅನುವು ಮಾಡಿಕೊಡುತ್ತದೆ. ಹೂಡಿಕೆದಾರರು ವರ್ಷಕ್ಕೆ 1.5 ಲಕ್ಷ ರೂ.ವರೆಗೆ ಆದಾಯ ತೆರಿಗೆ ಕಡಿತವನ್ನು ಪಡೆಯಬಹುದು. ಸೆಬಿಯ ಮ್ಯೂಚುಯಲ್ ಫಂಡ್ ಯೋಜನೆಗಳ ವರ್ಗೀಕರಣದ ಪ್ರಕಾರ, ಈ ಯೋಜನೆಗಳು 2005 ರ ಇಕ್ವಿಟಿ ಲಿಂಕ್ಡ್ ಸೇವಿಂಗ್ ಸ್ಕೀಮ್ (ELSS) ಗೆ ಅನುಗುಣವಾಗಿ ಕನಿಷ್ಠ 80 ಪ್ರತಿಶತದಷ್ಟು ಷೇರುಗಳಲ್ಲಿ ಹೂಡಿಕೆ ಮಾಡುತ್ತವೆ.

ಎಷ್ಟು ಲಾಭಾಂಶ ನೀಡುತ್ತದೆ?

ಉದಾಹರಣೆಗೆ ಇನ್ನು ಒಂದು ವರ್ಷದ ಹಿಂದೆ ಯಾರಾದರೂ ಈ ಯೋಜನೆಯಲ್ಲಿ 1 ಲಕ್ಷ ರೂ. ಹೂಡಿಕೆ ಮಾಡಿದ್ದರೆ, ಅದು ₹ 1.49 ಲಕ್ಷಕ್ಕೆ ಬೆಳೆದು ಶೇಕಡಾ 49 ರಷ್ಟು ಲಾಭವನ್ನು ನೀಡುತ್ತದೆ. ಅಲ್ಲದೆ ಮೂರು ವರ್ಷಗಳ ಹಿಂದೆ ಮಾಡಿದ ಅದೇ 1 ಲಕ್ಷ ರೂ. ಹೂಡಿಕೆ 1.77 ಲಕ್ಷ ರೂ.ಗೆ ಬೆಳೆದು ಶೇ 21.04 ರಷ್ಟು ಲಾಭವನ್ನು ನೀಡುತ್ತದೆ. ಅದೇ ರೀತಿ ಐದು ವರ್ಷಗಳ ಹಿಂದೆ ಯಾರಾದರೂ ಈ ಯೋಜನೆಯಲ್ಲಿ 1 ಲಕ್ಷ ರೂ. ಹೂಡಿಕೆ ಮಾಡಿದ್ದರೆ, ಹೂಡಿಕೆಯು 2.93 ಲಕ್ಷ ರೂ. ಏರಿಕೆಯಾಗುತಿತ್ತು. ಇನ್ನು 10 ವರ್ಷಗಳ ಹಿಂದೆ ಡಿಎಸ್‌ಪಿ ಇಎಲ್‌ಎಸ್‌ಎಸ್ ಟ್ಯಾಕ್ಸ್ ಸೇವರ್ ಫಂಡ್‌ನಲ್ಲಿ 1 ಲಕ್ಷ ರೂ. 5.03 ಲಕ್ಷ ರೂ.ಗೆ ಏರಿಕೆಯಾಗುತ್ತಿತ್ತು. ಯೋಜನೆಯ ಪ್ರಾರಂಭದ ಸಮಯದಲ್ಲಿ ನೀವು 1 ಲಕ್ಷ ರೂ. ಹೂಡಿಕೆ ಮಾಡಿದ್ದರೆ, ಆ ಹೂಡಿಕೆಯು 16.27 ಪ್ರತಿಶತದಷ್ಟು ಲಾಭವನ್ನು ನೀಡಿ, 14.44 ಲಕ್ಷ ರೂ.ಗೆ ಏರಿಕೆಯಾಗುತ್ತದೆ.

ಯೋಜನೆಯ ಬಗ್ಗೆ

DSP ELSS ಟ್ಯಾಕ್ಸ್ ಸೇವರ್ ಫಂಡ್ ಅನ್ನು ಜನವರಿ 18, 2007 ರಂದು ಪ್ರಾರಂಭಿಸಲಾಯಿತು. ಇದನ್ನು ಪ್ರಸ್ತುತ ರೋಹಿತ್ ಸಿಂಘಾನಿಯಾ ನಿರ್ವಹಿಸುತ್ತಿದ್ದಾರೆ. ಸೆಪ್ಟೆಂಬರ್ 30, 2024 ರಂತೆ, ಯೋಜನೆಯು ₹17,770.63 ಕೋಟಿ ಮೌಲ್ಯದ ಆಸ್ತಿಯನ್ನು ನಿರ್ವಹಿಸುತ್ತದೆ. ಯೋಜನೆಯ ಬೆಂಚ್‌ಮಾರ್ಕ್ ಸೂಚ್ಯಂಕ ನಿಫ್ಟಿ 500 TRI ಆಗಿದೆ. ಹೆಚ್‌ಡಿಎಫ್‌ಸಿ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಎಸ್‌ಬಿಐ, ಇನ್‌ಫೋಸಿಸ್, ಆಕ್ಸಿಸ್‌ ಬ್ಯಾಂಕ್, ಹೆಚ್‌ಯುಎಲ್‌ ಮತ್ತು ಕೋಟಕ್‌ ಮಹೀಂದ್ರಾ ಬ್ಯಾಕ್‌ ಇದರ ಪ್ರಮುಖ ಘಟಕ ಷೇರುಗಳಾಗಿವೆ.