2 ದಿನಗಳ ವಹಿವಾಟಿನಲ್ಲಿ, ಹೂಡಿಕೆದಾರರ ಸಂಪತ್ತು 10.48 ಲಕ್ಷ ಕೋಟಿ ರೂ. ಏರಿಕೆ

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಫೆಬ್ರವರಿ 1ರಂದು ಕೇಂದ್ರ ಬಜೆಟ್ ಮಂಡಿಸಿದ ಬಳಿಕ ಭಾರತೀಯ ಷೇರುಪೇಟೆಯ ನಾಗಲೋಟದಲ್ಲಿ ಮುಂದುವರಿದಿದ್ದು, ಕೇವಲ ಎರಡು ದಿನಗಳ ವಹಿವಾಟಿನಲ್ಲಿ ಹೂಡಿಕೆದಾರರ ಸಂಪತ್ತು ಬರೋಬ್ಬರಿ 10.48 ಲಕ್ಷ ಕೋಟಿ ಏರಿಕೆಯಾಗಿದೆ.

ಸ್ವಯಂಪ್ರೇರಿತ ವಾಹನಗಳ ಸ್ಕ್ರಾಪೇಜ್ ನೀತಿ, ವಿಮೆಯಲ್ಲಿ ಎಫ್‌ಡಿಐ ಮಿತಿಯನ್ನು ಶೇಕಡಾ 74 ಕ್ಕೆ ಏರಿಸುವುದು ಮತ್ತು ಪಿಎಸ್‌ಯು ಬ್ಯಾಂಕುಗಳಿಗೆ ವಿತರಣೆ ಮತ್ತು ಮರು ಬಂಡವಾಳೀಕರಣ ಯೋಜನೆ ಮುಂತಾದ ಬಜೆಟ್ ಪ್ರಮುಖ ಅಂಶಗಳು ಹೂಡಿಕೆದಾರರ ವಿಶ್ವಾಸ ಹೆಚ್ಚಿಸಿದೆ.

ಎರಡು ದಿನಗಳ ವಹಿವಾಟಿನಲ್ಲಿ ಸೆನ್ಸೆಕ್ಸ್ 3,511 ಪಾಯಿಂಟ್‌ಗಳನ್ನು ಮತ್ತು ನಿಫ್ಟಿ 1,012 ಪಾಯಿಂಟ್‌ಗಳನ್ನು ಗಳಿಸಿದೆ. ಪ್ರಸಕ್ತ ದಿನದ ವಹಿವಾಟಿನಲ್ಲಿ, ಸೆನ್ಸೆಕ್ಸ್ 1197 ಪಾಯಿಂಟ್ ಹೆಚ್ಚಳದಿಂದ 49,797, ನಿಫ್ಟಿ 366 ಪಾಯಿಂಟ್ ಅಥವಾ ಶೇಕಡಾ 2.57 ಏರಿಕೆ ಕಂಡು 14,647 ಕ್ಕೆ ತಲುಪಿದೆ. ಹಿಂದಿನ ವಹಿವಾಟಿನಲ್ಲಿ ಸೆನ್ಸೆಕ್ಸ್ 2,314 ಪಾಯಿಂಟ್‌ಗಳ ಏರಿಕೆ ಕಂಡು 48,600 ಮತ್ತು ನಿಫ್ಟಿ 646 ಪಾಯಿಂಟ್ ಗಳಿಸಿ 14,281 ಕ್ಕೆ ತಲುಪಿದೆ.

ಎರಡು ದಿನಗಳ ಸತತ ಏರಿಕೆಯೊಂದಿಗೆ ಸೆನ್ಸೆಕ್ಸ್ ಮತ್ತು ನಿಫ್ಟಿ ಹಿಂದಿನ ಆರು ಸೆಷನ್‌ಗಳಲ್ಲಿ ಅನುಭವಿಸಿದ ಎಲ್ಲಾ ನಷ್ಟಗಳನ್ನು ಅಳಿಸಿಹಾಕಿದೆ. ಹೂಡಿಕೆದಾರರು ಬಜೆಟ್‌ಗಿಂತ ಮುಂಚಿತವಾಗಿ ಲಾಭವನ್ನು ಕಾಯ್ದಿರಿಸಿದ ನಂತರ ಮತ್ತು ದುರ್ಬಲ ಜಾಗತಿಕ ಮಾರುಕಟ್ಟೆಗಳು ಷೇರುಪೇಟೆಯಲ್ಲಿ ನಕಾರಾತ್ಮಕ ಮನೋಭಾವಕ್ಕೆ ಕಾರಣವಾದ ನಂತರ ಜನವರಿ 20 ಮತ್ತು ಜನವರಿ 29 ರ ನಡುವೆ ಸೆನ್ಸೆಕ್ಸ್ 3,506.35 ಪಾಯಿಂಟ್ ಅಥವಾ ಶೇಕಡಾ 7.04ರಷ್ಟು ಕಳೆದುಕೊಂಡಿತು. ಅಂತೆಯೇ, ಈ ಅವಧಿಯಲ್ಲಿ ನಿಫ್ಟಿ 1,010.10 ಪಾಯಿಂಟ್ ಅಥವಾ ಶೇ 6.89 ರಷ್ಟು ಕುಸಿದಿದೆ.