$2.5 ಬಿಲಿಯನ್ ಮೌಲ್ಯದ ಅಮೆಜಾನ್ ಷೇರು ಮಾರಾಟ ಮಾಡಿದ ಜೆಫ್ ಬೆಜೋಸ್

ಅಮೆಜಾನ್ ಸಂಸ್ಥಾಪಕ ಮತ್ತು ಸಿಇಒ ಹಾಗೂ ವಿಶ್ವದ ಶ್ರೀಮಂತ ವ್ಯಕ್ತಿ ಜೆಫ್ ಬೆಜೋಸ್ ಅವರು ಅಮೆಜಾನ್‌ನ 2.4 ಬಿಲಿಯನ್ ಷೇರುಗಳನ್ನು ಪೂರ್ವ ವ್ಯವಸ್ಥಿತ ವ್ಯಾಪಾರ ಯೋಜನೆಯಡಿ ಮಾರಾಟ ಮಾಡಿದರು.

ಅಮೆರಿಕಾ ಸೆಕ್ಯುರಿಟೀಸ್ ಮತ್ತು ಎಕ್ಸ್‌ಚೇಂಜ್ ಕಮಿಷನ್ ದಾಖಲಾತಿಗಳನ್ನು ಉಲ್ಲೇಖಿಸಿ ಜೆಫ್ ಬೆಜೋಸ್ 7,39,032 ಷೇರುಗಳನ್ನು ಮಾರಾಟ ಮಾಡಿದ್ದಾರೆ ಎಂದು ಬ್ಲೂಮ್‌ಬರ್ಗ್ ವರದಿ ಮಾಡಿದೆ.

ಬ್ಲೂಮ್‌ಬರ್ಗ್ ಬಿಲಿಯನೇರ್‌ಗಳ ಸೂಚ್ಯಂಕದ ಪ್ರಕಾರ, 192.1 ಬಿಲಿಯನ್ ಸಂಪತ್ತಿನ ಒಡೆಯ ಜೆಫ್‌ ಬೇಜೋಸ್ ಅಮೆಜಾನ್‌ನಲ್ಲಿ ಶೇಕಡಾ 10 ಕ್ಕಿಂತಲೂ ಹೆಚ್ಚಿನ ಷೇರು ಹೊಂದಿದ್ದಾರೆ. ಕೋವಿಡ್-19 ಸಾಂಕ್ರಾಮಿಕದ ನಡುವೆಯು ಅತಿ ಹೆಚ್ಚು ಸಂಪಾದಿಸಿದ ಬಿಲಿಯನೇರ್‌ಗಳಲ್ಲಿ ಜೆಫ್‌ ಬೇಜೋಸ್ ಕೂಡ ಸೇರಿದ್ದಾರೆ.

ಕೊರೊನಾವೈರಸ್ ಸಾಂಕ್ರಾಮಿಕ ರೋಗವು ಆನ್‌ಲೈನ್ ಶಾಪಿಂಗ್ ಮಾಡಲು ಜನರನ್ನು ಉತ್ತೇಜಿಸಿದ್ದರಿಂದ ಅಮೆಜಾನ್ ಕಳೆದ ವರ್ಷ ಶೇಕಡಾ 76ರಷ್ಟು ಬೆಳೆದಿದ್ದು, ಷೇರುಗಳು ಈ ವರ್ಷ ಶೇಕಡಾ 1.1ರಷ್ಟು ಹೆಚ್ಚಾಗಿದೆ.