ಭಾರತದಲ್ಲಿ 3ನೇ ಸ್ಥಾನ ಗಿಟ್ಟಿಸಿಕೊಂಡ ಕರ್ನಾಟಕ...ಕೃಷಿ ಮತ್ತು ಜೈವಿಕ ತಂತ್ರಜ್ಞಾನದಿಂದ ರೂ. 30.70 ಲಕ್ಷ ಕೋಟಿ GSDP!

ಕರ್ನಾಟಕವು ಭಾರತದಲ್ಲಿ ಮೂರನೇ ಅತಿದೊಡ್ಡ ರಾಜ್ಯ ಆರ್ಥಿಕತಿಯಾಗಿ ಗುರುತಿಸಿಕೊಂಡಿದೆ. 2025ರ ಅಂದಾಜಿನ ಪ್ರಕಾರ, ರಾಜ್ಯದ ಒಟ್ಟು ರಾಜ್ಯ ದೇಶೀಯ ಉತ್ಪನ್ನ (GSDP) ಸುಮಾರು ರೂ. 30.70 ಲಕ್ಷ ಕೋಟಿ ($360 ಶತಕೋಟಿ ನಾಮಮಾತ್ರ ದರದಲ್ಲಿ) ತಲುಪಲಿದೆ. ಇದು ರಾಜ್ಯದ ಆರ್ಥಿಕತೆಯ ದೃಢ ಪ್ರಗತಿಯನ್ನು ತೋರಿಸುತ್ತದೆ.

ರಾಜ್ಯದ ಆರ್ಥಿಕತೆಯನ್ನು ಮುಖ್ಯವಾಗಿ ಮಾಹಿತಿ ತಂತ್ರಜ್ಞಾನ (IT) ಕ್ಷೇತ್ರ ಮುನ್ನಡೆಸುತ್ತಿದೆ. ವಿಶೇಷವಾಗಿ ಬೆಂಗಳೂರು, ರಾಜ್ಯದ ರಾಜಧಾನಿ, ಐಟಿ ಕಂಪನಿಗಳ ಪ್ರಮುಖ ಕೇಂದ್ರವಾಗಿದೆ. ಇಲ್ಲಿ ನೆಲಸಿರುವ ಪ್ರಮುಖ ಐಟಿ ಮತ್ತು ಜೈವಿಕ ತಂತ್ರಜ್ಞಾನ ಸಂಸ್ಥೆಗಳು ರಾಜ್ಯದ ಆರ್ಥಿಕ ಬೆಳವಣಿಗೆಗೆ ಬಹಳ ದೊಡ್ಡ ಕೊಡುಗೆ ನೀಡುತ್ತಿವೆ.

2025-26ರ ಬಜೆಟ್ ಅಂದಾಜು ಪ್ರಕಾರ, ನಾಮಮಾತ್ರ GSDP ರೂ. 30.70 ಲಕ್ಷ ಕೋಟಿಯಾಗಿದ್ದು, 2024-25 ಹೋಲಿಸಿದರೆ ಶೇ. 7ರಷ್ಟು ಬೆಳವಣಿಗೆ ನಿರೀಕ್ಷಿಸಲಾಗಿದೆ. ಕರ್ನಾಟಕವು GSDP ಅಂಶದಲ್ಲಿ ಭಾರತದ ಎಲ್ಲಾ ರಾಜ್ಯಗಳಲ್ಲಿ 3ನೇ ಸ್ಥಾನದಲ್ಲಿದೆ.

2024-25ರಲ್ಲಿ ರಾಜ್ಯದ GSDP ರೂ. 28.84 ಲಕ್ಷ ಕೋಟಿಗೆ ಏರಿಕೆಯಾಗಿದೆ, ಇದು 2023-24ರ ರೂ. 25.57 ಲಕ್ಷ ಕೋಟಿಯಿಂದ ಸಾಕಷ್ಟು ಬೆಳವಣಿಗೆಯನ್ನು ತೋರಿಸುತ್ತದೆ. ಪ್ರಸ್ತುತ ಬೆಲೆಗಳಲ್ಲಿ ಬೆಳವಣಿಗೆ ಶೇ. 12.8ರಷ್ಟಿದ್ದು, ಸ್ಥಿರ ಬೆಲೆಗಳಲ್ಲಿ ಶೇ. 7.4ರಷ್ಟು ಬೆಳವಣಿಗೆಯಾಗಿದೆ. ಭಾರತದ ಒಟ್ಟಾರೆ ಬೆಳವಣಿಗೆ ಶೇ. 6.4ರಷ್ಟಾಗಿರುವ ಸಂದರ್ಭದಲ್ಲಿ, ಕರ್ನಾಟಕದ ಸ್ಥಿರ ಬೆಲೆ ಬೆಳವಣಿಗೆ ಹೆಚ್ಚಿನುದು ಗಮನಾರ್ಹವಾಗಿದೆ.

ಸಾಮಾನ್ಯ ಜನರ ತಲಾದಾಯವು 2024-25ರಲ್ಲಿ ರೂ. 3,80,906ಕ್ಕೆ ತಲುಪಿದೆ. ಇದು 2023-24ರ ರೂ. 3,39,813 ರಿಂದ ಶೇ. 12.1ರಷ್ಟು ಹೆಚ್ಚಳವಾಗಿದೆ. ಜನರ ಖರೀದಿ ಶಕ್ತಿ ಹೆಚ್ಚುತ್ತಿರುವುದು ಆರ್ಥಿಕ ಬೆಳವಣಿಗೆಯನ್ನು ತೋರಿಸುತ್ತದೆ.

ಮಾಹಿತಿ ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ, ಉತ್ಪಾದನಾ ಮತ್ತು ಕೃಷಿ ಕ್ಷೇತ್ರಗಳು ಕರ್ನಾಟಕ ಆರ್ಥಿಕತೆಯನ್ನು ಮುನ್ನಡೆಸುವ ಪ್ರಮುಖ ಕ್ಷೇತ್ರಗಳಾಗಿವೆ. ವಿಶೇಷವಾಗಿ, 2024-25ರಲ್ಲಿ ಕೃಷಿ ಕ್ಷೇತ್ರವು ಹಿನ್ನಡೆಯಾದ ನಂತರ ಸಕಾರಾತ್ಮಕ ಬೆಳವಣಿಗೆಯನ್ನು ಕಂಡಿದ್ದು, ರೈತರು ಮತ್ತು ಉತ್ಪಾದಕರು ಉತ್ತಮ ಆದಾಯ ಪಡೆಯಲು ಅವಕಾಶವಾಗಿದೆ.

ಕರ್ನಾಟಕವು ವಿದೇಶಿ ನೇರ ಹೂಡಿಕೆಯನ್ನು (FDI) ಹೆಚ್ಚು ಆಕರ್ಷಿಸಿದೆ. ರಾಜ್ಯದಲ್ಲಿ ಸ್ಟಾಂಪ್ ಡ್ಯೂಟಿ ಮತ್ತು ಜಿಎಸ್‌ಟಿ ಸಂಗ್ರಹಣೆಯಲ್ಲಿನ ಹೆಚ್ಚಳವು ಆರ್ಥಿಕತೆಯ ಆರೋಗ್ಯವನ್ನು ತೋರಿಸುತ್ತದೆ. ಹೂಡಿಕೆದಾರರ ನಂಬಿಕೆ ಹೆಚ್ಚಿರುವುದು ಹೊಸ ಉದ್ಯೋಗ ಸೃಷ್ಟಿ ಮತ್ತು ಉದ್ಯಮ ವಿಸ್ತರಣೆಗೆ ಸಹಾಯಕವಾಗಿದೆ.

ರಾಜ್ಯ ಸರ್ಕಾರವು ಜನರ ಖರೀದಿ ಶಕ್ತಿಯನ್ನು ಹೆಚ್ಚಿಸಲು 'ಗೃಹಲಕ್ಷ್ಮಿ' ಮತ್ತು 'ಗೃಹಜ್ಯೋತಿ' ಮುಂತಾದ ಯೋಜನೆಗಳನ್ನು ಜಾರಿಗೆ ತಂದಿದೆ. ಈ ಯೋಜನೆಗಳು ಆರ್ಥಿಕ ಬೆಳವಣಿಗೆಯ ಪ್ರಯೋಜನವನ್ನು ಸಮಾಜದ ಎಲ್ಲಾ ವರ್ಗಗಳಿಗೆ ತಲುಪಿಸಲು ಸಹಾಯ ಮಾಡುತ್ತವೆ.

ಮುಂದಿನ ಐದು ವರ್ಷಗಳ ಅವಧಿಗೆ (2025-30) ಸರ್ಕಾರ ಹೊಸ ಕೈಗಾರಿಕಾ ನೀತಿ ರೂಪಿಸಿದೆ. ಈ ನೀತಿಯು ಶೇ. 12ರಷ್ಟು ಕೈಗಾರಿಕಾ ಬೆಳವಣಿಗೆ ಮತ್ತು 20 ಲಕ್ಷ ಹೊಸ ಉದ್ಯೋಗಗಳ ಸೃಷ್ಟಿಯನ್ನು ಗುರಿಯಾಗಿಸಿದೆ. ಕೈಗಾರಿಕೆ ವಿಸ್ತರಣೆ, ಉದ್ಯೋಗ ಸೃಷ್ಟಿ ಮತ್ತು ಆರ್ಥಿಕ ಅಭಿವೃದ್ಧಿ ಎಲ್ಲಾ ಕ್ಷೇತ್ರಗಳಲ್ಲಿ ಸಮತೋಲನವನ್ನು ಸಾಧಿಸುವಲ್ಲಿ ಇದು ಪ್ರಮುಖ ಪಾತ್ರವಹಿಸುತ್ತದೆ.

ಕನ್ನಡಿಗರ ಕೈಗಾರಿಕಾ ಚಟುವಟಿಕೆ, ಉದ್ಯಮ ಮತ್ತು ಕೃಷಿ ಬೆಳವಣಿಗೆಗಳು ರಾಜ್ಯದ ಆರ್ಥಿಕತೆಯನ್ನು ಬಲಪಡಿಸುತ್ತಿವೆ. ಕರ್ನಾಟಕವು ಮುಂದಿನ ವರ್ಷಗಳಲ್ಲಿ ಇನ್ನೂ ವೇಗವಾಗಿ ಬೆಳೆಯುವ ನಿರೀಕ್ಷೆಯಲ್ಲಿದೆ.