ಬೆಂಗಳೂರು: ಬನಶಂಕರಿ 6ನೇ ಹಂತ ವಿಸ್ತರಣೆಗೆ ಗ್ರೀನ್ ಸಿಗ್ನಲ್..ಭೂಸ್ವಾಧೀನ ಕಾನೂನುಬದ್ಧ ಎಂದ ಹೈಕೋರ್ಟ್, ಬಿಡಿಎಗೆ ಜಯ!

ಬನಶಂಕರಿ 6ನೇ ಹಂತ ವಿಸ್ತರಣೆಗೆ ಸಂಬಂಧಿಸಿದ ವಿವಾದ ಸುತ್ತಲಿನ ಬಹು ವರ್ಷಗಳ ಕಾನೂನು ಹೋರಾಟಕ್ಕೆ ಇದೀಗ ಅಂತ್ಯಬಂದಿದೆ. ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (ಬಿಡಿಎ) ಯೋಜಿಸಿದ ಈ ವಸತಿ ವಿಸ್ತರಣಾ ಯೋಜನೆಯ ಭೂಸ್ವಾಧೀನ ಪ್ರಕ್ರಿಯೆಯ ಕುರಿತು ಹಲವಾರು ಭೂಮಿಯ ಮಾಲೀಕರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು. ಪ್ರಾರಂಭದಲ್ಲಿ ಪ್ರಸ್ತಾವಿತವಾಗಿದ್ದ ಭೂಮಿಯ ಪ್ರಮಾಣದಲ್ಲಿ ತಾರತಮ್ಯ, ಪ್ರಕ್ರಿಯೆಯ ಪಾರದರ್ಶಕತೆಯ ಕೊರತೆ, ಹಾಗೂ ಸ್ಥಳೀಯರ ಹಕ್ಕುಗಳ ಉಲ್ಲಂಘನೆಯ ಬಗ್ಗೆ ಹಲವು ಬಾರಿ ಹೈಕೋರ್ಟ್ ಮೆಟ್ಟಿಲೇರಲಾಗಿತ್ತು. ಈ ಎಲ್ಲ ಆರೋಪಗಳನ್ನು ಪರಿಶೀಲಿಸಿದ ನಂತರ, ಕರ್ನಾಟಕ ಹೈಕೋರ್ಟ್ ಬಡ್ತಿ ಯೋಜನೆಯ ಭಾಗವಾಗಿ 2002-03 ರಲ್ಲಿ ನಡೆದ ಭೂಸ್ವಾಧೀನ ಪ್ರಕ್ರಿಯೆಯನ್ನು ಕಾನೂನುಬದ್ಧವೆಂದು ಘೋಷಿಸಿ, ಬಿಡಿಎ ಪರ ಬಲವಾದ ತೀರ್ಪು ನೀಡಿದೆ. ಇದರಿಂದ, ಯೋಜನೆಯ ಮುಂದಿನ ಹಂತಕ್ಕೆ ಮತ್ತಷ್ಟು ಮುಕ್ತ ದಾರಿ ಸಿಕ್ಕಂತಾಗಿದೆ.

ಹೌದು, ಬೆಂಗಳುರು ದಕ್ಷಿಣ ತಾಲೂಕಿನ ಉತ್ತರಹಳ್ಳಿ ಮತ್ತು ಕೆಂಗೇರಿ ಹೋಬಳಿಗಳಲ್ಲಿ, ಬನಶಂಕರಿಯ 6ನೇ ಹಂತ ವಿಸ್ತರಣೆಗೆ ಸಂಬಂಧಿಸಿದಂತೆ ಭೂಸ್ವಾಧೀನ ಮಾಡಿಕೊಳ್ಳಲಾಗಿತ್ತು. ಆಗ ಇದರ ಸುತ್ತ ಹೋರಾಟ ನಡೆದಿತ್ತು. ಇದೀಗ ಈ ಬಗ್ಗೆ ತೀರ್ಪು ನೀಡಿರುವ ಕರ್ನಾಟಕ ಹೈಕೋರ್ಟ್ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ಪರ ಧ್ವನಿ ಎತ್ತಿದೆ. ಅಂದರೆ ಬಿಡಿಎ ಸ್ವಾಧೀನಪಡಿಸಿಕೊಂಡ ಜಾಗ ಕಾನೂನುಬದ್ಧ ಹಾಗೂ ನ್ಯಾಯಸಮ್ಮತವಾಗಿ ಎಂದು ಘೋಷಿಸಿದೆ.

ಇನ್ನು ಆಗಲೇ ಹೇಳಿದಂತೆ ಈ ಪ್ರಕ್ರಿಯೆ ಆರಂಭವಾಗಿದ್ದು 2002ರಲ್ಲಿ. ಪ್ರಾಥಮಿಕ ಅಧಿಸೂಷನೆಯೊಂದಿಗೆ ಮತ್ತು 2003ರಲ್ಲಿ ಅಂತಿಮ ಅಧಿಸೂಚನೆಯೊಂದಿಗೆ ಸಾಗಿತ್ತು. ಒಟ್ಟು 750 ಎಕರೆ ಭೂಮಿಯನ್ನು ಬಿಡಿಎ ತನ್ನ ವಶಕ್ಕೆ ಪಡೆದುಕೊಂಡು, ಇಲ್ಲಿ 5,991 ವಸತಿ ನಿವೇಶನಗಳನ್ನು ಅಭಿವೃದ್ಧಿಪಡಿಸಿತ್ತು. ಈ ಪೈಕಿ 4,983 ಎಕರೆ ಭೂಮಿಯನ್ನು ಅರ್ಹ ಫಲಾನುಭವಿಗಳಿಗೆ ಈಗಾಗಲೇ ಹಂಚಿಕೆ ಮಾಡಲಾಗಿದೆ. ಆದರೆ ಗಂಗಮ್ಮ ಎಂಬುವರು ಸೇರಿದಂತೆ ಹಲವಾರು ಭೂಮಾಲಿಕರು ಮತ್ತು ಉದ್ಯಾನ ನಿರ್ವಹಣೆಯಲ್ಲಿ ತೊಡಗಿದ್ದವರು ಈ ಭೂಸ್ವಾಧೀನ ಕ್ರಮವನ್ನು ಪ್ರಶ್ನಿಸಿ ನ್ಯಾಯಾಲಯದ ಮೆಟ್ಟಿಲೇರಿದ್ದರು.

ಅಂದಹಾಗೆ ಪ್ರಾಥಮಿಕ ಅಧಿಸೂಚನೆಯಲ್ಲಿ 1,532 ಎಕರೆ ಭೂಮಿಯನ್ನು ಪ್ರಸ್ತಾಪಿಸಿದ್ದರೂ, ಅಂತಿಮ ಅಧಿಸೂಚನೆಯಲ್ಲಿ ಕೇವಲ 750 ಎಕರೆ ಭೂಮಿಯನ್ನು ಮಾತ್ರ ಒಳಗೊಂಡಿರುವುದು ತಾರತಮ್ಯವಾಗಿದ್ದು, ತಮ್ಮ ಹಕ್ಕುಗಳನ್ನು ಕುಂದು ಮಾಡಿದೆ ಎಂಬುದಾಗಿ ಅವರು ವಾದಿಸಿದರು. ಅವರು ಸಂವಿಧಾನದ 14, 19 ಮತ್ತು 21 ನೇ ವಿಧಿಗಳ ಉಲ್ಲಂಘನೆಯೆಂಬ ಗಂಭೀರ ಆರೋಪಗಳನ್ನು ಸಹವಿಚಾರಿಸಿದರು.

ಇದಕ್ಕೆ ಪ್ರತಿಯಾಗಿ ಬಿಡಿಎ ಪರವಾಗಿ ಹಾಜರಾದ ಹಿರಿಯ ವಕೀಲ ಜಿ.ಎಸ್. ಕಣ್ಣೂರ ಅವರು, ಈ ಭೂಸ್ವಾಧೀನ ಪ್ರಕ್ರಿಯೆ ಸಂಪೂರ್ಣ ಪಾರದರ್ಶಕವಾಗಿದ್ದು, ಯಾವುದೇ ದುರಾಶೆ ಅಥವಾ ತಾರತಮ್ಯದ ಆಸರೆಯಿಲ್ಲದ ರೀತಿಯಲ್ಲಿ ನಡೆಯಿತೆಂದು ಸಮರ್ಥನೆ ನೀಡಿದರು. ಅಲ್ಲದೆ ಈಗಾಗಲೇ ಈ ಪ್ರದೇಶದಲ್ಲಿ ಕೋಟ್ಯಂತರ ರೂಪಾಯಿ ವೆಚ್ಚದಲ್ಲಿ ರಸ್ತೆ, ಒಳಚರಂಡಿ ಮತ್ತು ನೆಲ ಸಮತಳೀಕರಣ ಸೇರಿದಂತೆ ಮೂಲಸೌಕರ್ಯ ಕಾಮಗಾರಿ ನಡೆದಿದೆ ಎಂದು ನ್ಯಾಯಾಲಯದ ಗಮನಕ್ಕೆ ತಂದರು.

ಈ ಪ್ರಕರಣ ಸಂಬಂಧ ವಿಚಾರಣೆ ನಡೆಸಿದ ನ್ಯಾಯಮೂರ್ತಿಗಳಾದ ಕೆ. ಸೋಮಶೇಖರ್ ಮತ್ತು ವೆಂಕಟೇಶ್ ನಾಯಕ್ ಟಿ ಅವರನ್ನೊಳಗೊಂಡ ವಿಭಾಗೀಯ ಪೀಠವು, ಬಿಡಿಎ ಅನುಸರಿಸಿದ ಪ್ರಕ್ರಿಯೆ 1976ರ ಬಿಡಿಎ ಕಾಯ್ದೆಯಡಿ ಪೂರಕವಾಗಿದ್ದು, ಎಲ್ಲ ಕಾನೂನುಬದ್ಧ ಕ್ರಮಗಳು ಪಾಲನೆಯಾಗಿವೆ ಎಂದು ಸ್ಪಷ್ಟಪಡಿಸಿತು. ಭೂಅಳಿಸುವಿಕೆ ಸಮಂಜಸ ಕಾರಣಗಳಿಂದ ನಡೆಸಲ್ಪಟ್ಟಿದ್ದು, ಸಾರ್ವಜನಿಕ ಹಿತಾಸಕ್ತಿಗೆ ಅಗತ್ಯವಿತ್ತು ಎಂಬುದನ್ನು ಪೀಠ ಒತ್ತಿ ಹೇಳಿತು.

ಪೀಠದ ಅಭಿಪ್ರಾಯದಲ್ಲಿ ಈಗಾಗಲೇ ಈ ಯೋಜನೆಯ ಮೂಲಕ ನಗರ ವಿಸ್ತರಣೆಗೆ ಪೂರಕ ಮೂಲಸೌಕರ್ಯಗಳು ಸೃಷ್ಟಿಯಾಗಿರುವುದರಿಂದ, ಈ ಹಂತದಲ್ಲಿ ಹಸ್ತಕ್ಷೇಪ ಮಾಡಿದರೆ ಸಾರ್ವಜನಿಕ ಹಿತದೃಷ್ಟಿಗೆ ಹಾನಿಯಾಗುವ ಸಾಧ್ಯತೆ ಉಂಟು. ಹೀಗಾಗಿ, ಅರ್ಜಿದಾರರ ಮೇಲ್ಮನವಿಗಳನ್ನು ತಿರಸ್ಕರಿಸಿ, ಬಿಡಿಎ ಭೂಸ್ವಾಧೀನವನ್ನು ನ್ಯಾಯೋಚಿತವೆಂದು ಘೋಷಣೆಯಾಯಿತು. ಈ ತೀರ್ಪು ಬಿಡಿಎಗೆ ಹಿನ್ನಲೆಯಲ್ಲಿ ಬಲ ನೀಡಿದ್ದು, ಭವಿಷ್ಯದಲ್ಲಿ ಇಂತಹ ಯೋಜನೆಗಳಿಗೆ ನ್ಯಾಯತೀಕ್ಷಣೆಯಿಂದಲೇ ಮಾನ್ಯತೆ ದೊರೆಯುವ ಸಾಧ್ಯತೆಯಿರುವುದನ್ನು ಪ್ರತಿಬಿಂಬಿಸುತ್ತದೆ. ಒಟ್ಟಿನಲ್ಲಿ ಈ ತೀರ್ಪು ಬಿಡಿಎಗೆ ಕಾನೂನುಬದ್ಧ ಜಯವನ್ನು ನೀಡಿದ್ದು, ಭವಿಷ್ಯದ ವಸತಿ ಯೋಜನೆಗಳಿಗೆ ಇದು ಗಟ್ಟಿ ಮಾನದಂಡವನ್ನೇ ನಿಗದಿಪಡಿಸಬಹುದು.