Nandini Milk Price: ನಂದಿನಿ ಹಾಲು, ಮೊಸರು ದರ 3 ರೂಪಾಯಿ ಹೆಚ್ಚಳ
ನಂದಿನಿ ಹಾಲಿನ ಹಾಗೂ ಮೊಸರಿನ ದರವನ್ನು ಹೆಚ್ಚಳ ಮಾಡಲಾಗಿದೆ. ಪ್ರತಿ ಲೀಟರ್ ಹಾಲಿಗೆ ಹಾಗೂ ಪ್ರತಿ ಲೀಟರ್ ಮೊಸರಿಗೆ ತಲಾ ಮೂರು ರೂಪಾಯಿ ಹೆಚ್ಚಳ ಮಾಡಲಾಗಿದೆ. ಈ ನೂತನ ದರವು ನವೆಂಬರ್ 15, 2022ರಿಂದ ಅಂದರೆ ನಾಳೆಯಿಂದ ಜಾರಿಗೆ ಬರಲಿದೆ.
ಈ ಹಿಂದೆಯೇ ನಂದಿನಿ ಹಾಲಿನ ಬೆಲೆ ಏರಿಕೆಯ ಬಗ್ಗೆ ಚರ್ಚೆಗಳು ನಡೆದಿತ್ತು. ಕರ್ನಾಟಕ ಹಾಲು ಒಕ್ಕೂಟವು ಸಭೆಯನ್ನು ಕೂಡಾ ಸೇರಿತ್ತು. ಮೂರು ರೂಪಾಯಿ ಏರಿಕೆ ಮಾಡುವ ಸಾಧ್ಯತೆಯ ಬಗ್ಗೆ ಸುದ್ದಿಗಳು ಆಗಿತ್ತು. ಈಗ ಕರ್ನಾಟಕ ಹಾಲು ಒಕ್ಕೂಟವು ನಡೆಸಿದ ಸಭೆಯಲ್ಲಿ ನಂದಿನಿ ಹಾಲಿನ ದರ ಏರಿಕೆಗೆ ಸಂಬಂಧಿಸಿದಂತೆ ಅಂತಿಮ ನಿರ್ಧಾರವನ್ನು ಕೈಗೊಳ್ಳಲಾಗಿದೆ.
ಪ್ರಮುಖವಾಗಿ ಹೈನುಗಾರಿಕೆಗೆ ಹೆಚ್ಚಿನ ಒತ್ತು ನೀಡುವುದು ಹಾಗೂ ರೈತರ ಆರ್ಥಿಕ ಅಭಿವೃದ್ಧಿಗಾಗಿ ಹಾಲು ಹಾಗೂ ಮೊಸರು ದರವನ್ನು ಹೆಚ್ಚಳ ಮಾಡುವ ನಿರ್ಧಾರ ಮಾಡಲಾಗಿದೆ ಎಂದು ಕೆಎಂಎಫ್ ನಿರ್ಧರಿಸಿದೆ ಎಂದು ತಿಳಿದು ಬಂದಿದೆ. ಸದ್ಯ ಎಷ್ಟಿದೆ ಹಾಲಿನ ದರ ಹಾಗೂ ನಾಳೆಯಿಂದ ಎಷ್ಟಾಗಲಿದೆ ಎಂಬ ಬಗ್ಗೆ ಇಲ್ಲಿದೆ ವಿವರ...
ಸದ್ಯ ಹಾಲಿನ ದರ ಎಷ್ಟಿದೆ?
ಟೋನ್ಡ್ ಹಾಲು: 37
ಹೋಮೋಜಿನೈಸ್ಡ್ ಹಾಲು: 38
ಹೋಮೋಜಿನೈಸ್ಡ್ ಹಸುವಿನ ಹಾಲು: 42
ಸ್ಪೆಷಲ್ ಹಾಲು: 43
ಶುಭಂ ಹಾಲು: 43
ಹೋಮೋಜಿನೈಸ್ಡ್ ಸ್ಟ್ಯಾಂಡಡೈಸ್ಡ್ ಹಾಲು: 44
ಸಮೃದ್ಧಿ ಹಾಲು: 48
ಸಂತೃಪ್ತಿ ಹಾಲು: 50
ಡಬಲ್ಡ್ ಟೋನ್ಡ್ ಹಾಲು: 36
ಮೊಸರು ಪ್ರತಿ ಕೆ.ಜಿಗೆ: 45
ಪರಿಷ್ಕೃತ ದರ ತಿಳಿಯಿರಿ
ಟೋನ್ಡ್ ಹಾಲು: 40
ಹೋಮೋಜಿನೈಸ್ಡ್ ಹಾಲು: 41
ಹೋಮೋಜಿನೈಸ್ಡ್ ಹಸುವಿನ ಹಾಲು: 45
ಸ್ಪೆಷಲ್ ಹಾಲು: 46
ಶುಭಂ ಹಾಲು: 46
ಹೋಮೋಜಿನೈಸ್ಡ್ ಸ್ಟ್ಯಾಂಡಡೈಸ್ಡ್ ಹಾಲು: 47
ಸಮೃದ್ಧಿ ಹಾಲು: 51
ಸಂತೃಪ್ತಿ ಹಾಲು: 53
ಡಬಲ್ಡ್ ಟೋನ್ಡ್ ಹಾಲು: 39
ಮೊಸರು ಪ್ರತಿ ಕೆ.ಜಿಗೆ: 48
ಯಾವ ರಾಜ್ಯದಲ್ಲಿ ಎಷ್ಟಿದೆ ಹಾಲಿನ ದರ?
ಕರ್ನಾಟಕ 37
ಕೇರಳ 46
ತಮಿಳುನಾಡು 40
ಆಂಧ್ರಪ್ರದೇಶ 55
ದೆಹಲಿ 51
ಗುಜರಾತ್ 50
ಮಹಾರಾಷ್ಟ್ರ 51