ಡಿ. 18ರಿಂದ ಲಕ್ಷ್ಮೀ ವಿಲಾಸ್ ಬ್ಯಾಂಕ್ ಈಕ್ವಿಟಿ ಷೇರುಗಳು ಡಿಲಿಸ್ಟ್

ಕಳೆದ ತಿಂಗಳು ಡಿಬಿಎಸ್ ಬ್ಯಾಂಕ್ ಇಂಡಿಯಾ ಜತೆ ಸೇರಿಹೋದ ಖಾಸಗಿ ಬ್ಯಾಂಕ್ ಲಕ್ಷ್ಮೀ ವಿಲಾಸ್ ಬ್ಯಾಂಕ್ ಬುಧವಾರ ತಿಳಿಸಿರುವ ಪ್ರಕಾರ, ಡಿಸೆಂಬರ್ 18, 2020ರಿಂದ ಈಕ್ವಿಟಿ ಷೇರುಗಳನ್ನು ಡಿಲಿಸ್ಟ್ ಆಗಲಿದೆ ಎಂದು ವಿತ್ತ ಸಚಿವಾಲಯದ ಹಣಕಾಸು ಸೇವಾ ಇಲಾಖೆ ಅಧಿಸೂಚನೆಯನ್ನು ಉದಾಹರಿಸಲಾಗಿದೆ.

ಬ್ಯಾಂಕಿಂಗ್ ರೆಗ್ಯುಲೇಷನ್ ಕಾಯ್ದೆ, 1949ರ ಅನ್ವಯ ಭಾರತ ಸರ್ಕಾರ ಮತ್ತು ಆರ್ ಬಿಐ ವಿಶೇಷ ಅಧಿಕಾರವನ್ನು ಬಳಸಿ, ಲಕ್ಷ್ಮೀವಿಲಾಸ್ ಬ್ಯಾಂಕ್ ಅನ್ನು ಡಿಬಿಎಸ್ ಬ್ಯಾಂಕ್ ನಲ್ಲಿ ಸೇರಿಸಲಾಯಿತು. ಸಂಪುಟದಿಂದ ಇದಕ್ಕೆ ಒಪ್ಪಿಗೆ ಸಿಕ್ಕಿ, ನವೆಂಬರ್ 27ರಂದು ಜಾರಿಗೆ ಬಂದಿತ್ತು.

ಲಕ್ಷ್ಮೀವಿಲಾಸ್ ಬ್ಯಾಂಕ್ ನಲ್ಲಿ ತಕ್ಷಣವೇ ಸ್ಥಿರತೆ ತರಬೇಕು ಹಾಗೂ ಠೇವಣಿದಾರರು ಹಿತ ರಕ್ಷಣೆ ಆಗಬೇಕು ಎಂಬ ಕಾರಣಕ್ಕೆ ಎರಡು ಬ್ಯಾಂಕ್ ಗಳನ್ನು ಸೇರ್ಪಡೆ ಮಾಡುವ ತೀರ್ಮಾನ ಕೈಗೊಳ್ಳಲಾಯಿತು. ಆ ನಂತರ ಬ್ಯಾಂಕ್ ನ ಬಾಂಡ್ ಹೊಂದಿರುವವರು ಹಾಗೂ ಷೇರುದಾರರು ಈ ಸೇರ್ಪಡೆ ವಿರುದ್ಧ ಕೋರ್ಟ್ ಮೆಟ್ಟಿಲೇರಿದ್ದಾರೆ.