ಟ್ರಂಪ್ ಸಮರ! ವಿಸ್ಕಿ ಮೇಲಿನ ಸುಂಕ ಇಳಿಕೆ.. ಭಾರತೀಯ ಮದ್ಯ ಉದ್ಯಮ ಕೆಂಡ

ಭಾರತಕ್ಕೆ ಆಮದು ಮಾಡಿಕೊಳ್ಳುವ ಬೌರ್ಬನ್ ವಿಸ್ಕಿಯ ( Bourbon whisky) ಮೇಲಿನ ಕಸ್ಟಮ್ಸ್ ಸುಂಕವನ್ನು ಶೇ.150 ರಿಂದ ಶೇ.50ಕ್ಕೆ ಇಳಿಸಿದ ನಂತರ ಭಾರತೀಯ ಮದ್ಯ ಉದ್ಯಮವು ತೀವ್ರ ಪ್ರತಿಭಟನೆಗಳನ್ನು ನಡೆಸುತ್ತಿದೆ.ಈ ಸುಂಕ ಕಡಿತವು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಭಾರತೀಯ ಉತ್ಪನ್ನಗಳಿಗೆ ಈ ಹಿಂದೆ ಎದುರಿಸಿದ್ದಕ್ಕಿಂತ ಹೆಚ್ಚಿನ ಸವಾಲುಗಳನ್ನು ಸೃಷ್ಟಿ ಮಾಡುತ್ತದೆ ಎಂದು ಕೈಗಾರಿಕಾ ಮುಖಂಡರು ಎಚ್ಚರಿಸಿದ್ದಾರೆ.

ಹೌದು,ಬೌರ್ಬನ್ ವಿಸ್ಕಿಯ ಮೇಲೆ ಈ ಮೊದಲು ಶೇ.150 ಆಮದು ಸುಂಕವನ್ನು ವಿಧಿಸಲಾಗುತ್ತಿತ್ತು.ಇನ್ನು ಮುಂದೆ ಶೇ.100 ಸುಂಕ ಇರಲಿದೆ. ಭಾರತವು 2023-24 ರಲ್ಲಿ 2.5 ಮಿಲಿಯನ್ ಡಾಲರ್‌ ಮೌಲ್ಯದ ಬೌರ್ಬನ್ ವಿಸ್ಕಿಯನ್ನು ಆಮದು ಮಾಡಿಕೊಂಡಿದೆ.

ಆಮದು ಸುಂಕ ಇಳಿಕೆ ವಿರೋಧಿಸಿ ಪ್ರತಿಭಟನೆ

ಆಮದು ಮಾಡಿಕೊಂಡ ಮದ್ಯಕ್ಕೆ ಪ್ರಸ್ತುತ ನೀಡಲಾಗಿರುವ ಎಲ್ಲಾ ಅಬಕಾರಿ ವಿನಾಯಿತಿಗಳನ್ನು ಹಿಂಪಡೆಯುವಂತೆ ಭಾರತೀಯ ಮದ್ಯ ಉದ್ಯಮದ ಮುಖಂಡರು ರಾಜ್ಯ ಸರ್ಕಾರಗಳನ್ನು ಒತ್ತಾಯಿಸಿದ್ದಾರೆ. ಏಕೆಂದರೆ ಈ ಸುಂಕ ಕಡಿತದ ನಂತರ, ಆಮದು ಮಾಡಿಕೊಂಡ ಮದ್ಯಕ್ಕೆ ಮಾರುಕಟ್ಟೆಯಲ್ಲಿ ಹೆಚ್ಚಿನ ಸ್ಪರ್ಧೆ ಉಂಟಾಗುತ್ತದೆ ಮತ್ತು ಭಾರತೀಯ ಬ್ರ್ಯಾಂಡ್‌ಗಳ ಬೆಲೆಗಳು ಕಡಿಮೆಯಾಗುತ್ತವೆ ಎಂದು ಅವರು ಅಂದಾಜು ಮಾಡಿದ್ದಾರೆ.

ಡೊನಾಲ್ಡ್ ಟ್ರಂಪ್ (Donald Trump) ಅವರ ಸುಂಕ ಯುದ್ಧ ಮತ್ತು ಭಾರತದ ನಿರ್ಧಾರ ಭಾರತದ ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಡುವಿನ ವ್ಯಾಪಾರ ಮಾತುಕತೆಯ ಭಾಗವಾಗಿ ಬೌರ್ಬನ್ ವಿಸ್ಕಿಯ ಮೇಲಿನ ಕಸ್ಟಮ್ಸ್ ಸುಂಕವನ್ನು ಕಡಿಮೆ ಮಾಡುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ.ಇದರಿಂದ ವಿಶ್ವದ ದೊಡ್ಡಣ್ಣ ಎರಡೂ ದೇಶಗಳು ವ್ಯಾಪಾರ ಒಪ್ಪಂದದತ್ತ ಹೆಜ್ಜೆ ಹಾಕುವುದಾಗಿ ಘೋಷನೆಯನ್ನು ಮಾಡಿತ್ತು.

ಟ್ರಂಪ್ ಯುಗದಲ್ಲಿ ಪ್ರಾರಂಭವಾದ ವ್ಯಾಪಾರ ನೀತಿ ಸುಧಾರಣೆಗಳ ಸಮಯದಲ್ಲಿ ಈ ಬದಲಾವಣೆಗಳನ್ನು ಜಾರಿಗೆ ತರಲಾಗಿದೆ.

ಭಾರತೀಯ ಮದ್ಯ ಉದ್ಯಮ ಎದುರಿಸುತ್ತಿರುವ ಸಮಸ್ಯೆಗಳು ಈ ಕೆಳಗಿನಂತೆ ಇವೆ.

ಭಾರತೀಯ ಮದ್ಯಪಾನ ಕಂಪನಿಗಳ ಒಕ್ಕೂಟ (ಸಿಐಬಿಎಸಿ) ಈಗಾಗಲೇ ಈ ವಿಷಯದ ಬಗ್ಗೆ ಕಟ್ಟುನಿಟ್ಟಾದ ಕ್ರಮ ಕೈಗೊಳ್ಳುವಂತೆ ಸರ್ಕಾರದ ಬಳಿ ಕೇಳಿಕೊಂಡಿದೆ. ಭಾರತೀಯ ಉತ್ಪನ್ನಗಳು ಈಗಾಗಲೇ ವಿದೇಶಿ ಮಾರುಕಟ್ಟೆಗಳಲ್ಲಿ ಹಲವಾರು ಸುಂಕೇತರ ಅಡೆತಡೆಗಳನ್ನು ಎದುರಿಸುತ್ತಿವೆ ಎಂದು ಹೇಳಿದೆ.

ಉದಾಹರಣೆಗೆ ಯುಕೆ ವಿಸ್ಕಿ ಆಮದು ಮಾಡಿಕೊಳ್ಳುವಿಕೆಯು ಕಟ್ಟುನಿಟ್ಟಾದ ಮೂರು ವರ್ಷಗಳ ಪಕ್ವತೆಯ ಅವಶ್ಯಕತೆಯನ್ನು ಪೂರೈಸಬೇಕು. ಇದು ಬ್ರಿಟಿಷ್ ಮಾರುಕಟ್ಟೆಯಲ್ಲಿ ಭಾರತೀಯ ಉತ್ಪನ್ನಗಳ ಮಾರಾಟವನ್ನು ತಡೆಯುತ್ತಿದೆ ಎಂದು ಕೈಗಾರಿಕೋದ್ಯಮಿಗಳು ಆರೋಪಿಸುತ್ತಾರೆ.

ಭಾರತದ ಹವಾಮಾನವು ಯುಕೆಗಿಂತ ಬೆಚ್ಚಗಿನ ವಾತವರಣವನ್ನು ಹೊಂದಿದೆ.ಆದ್ದರಿಂದ ಇಲ್ಲಿ ಉತ್ಪಾದಿಸುವ ವಿಸ್ಕಿಯು ಯುಕೆ ತಲುಪುವ ಹೊತ್ತಿಗೆ ಅಗತ್ಯವಿರುವ ಶಕ್ತಿಯನ್ನು ಸಾಧಿಸಿರುತ್ತದೆ. ಯುಕೆ ಈ ಅವಶ್ಯಕತೆಯನ್ನು ಜಾರಿಗೊಳಿಸುವುದರಿಂದ ಭಾರತೀಯ ಬ್ರ್ಯಾಂಡ್‌ಗಳ ಮಾರಾಟದ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ ಎಂದು ಉದ್ಯಮ ತಜ್ಞರು ಹೇಳುತ್ತಾರೆ.

ಭಾರತೀಯ ಬ್ರ್ಯಾಂಡ್‌ಗಳು ಮಾರುಕಟ್ಟೆಯಲ್ಲಿ ಹಿನ್ನಡೆ ಅನುಭವಿಸುತ್ತವೆಯೇ?

ಆಮದು ಸುಂಕ ಕಡಿತಗೊಳಿಸುವುದರಿಂದ, ವಿದೇಶಿ ಮದ್ಯದ ಬ್ರಾಂಡ್‌ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಹೆಚ್ಚಿನ ಮಾರುಕಟ್ಟೆ ಪಾಲನ್ನು ವಶಪಡಿಸಿಕೊಳ್ಳಲು ಸಾದ್ಯವಾಗುತ್ತಿಲ್ಲ.

ಬೌರ್ಬನ್ ವಿಸ್ಕಿಯ ಬೆಲೆ ಕಡಿಮೆಯಾದಂತೆ, ಅದು ಗ್ರಾಹಕರಿಗೆ ಹೆಚ್ಚು ಆಕರ್ಷಕವಾಗುತ್ತದೆ. ಇದು ಭಾರತೀಯ ಬ್ರ್ಯಾಂಡ್‌ಗಳಿಗೆ ಬೇಡಿಕೆಯನ್ನು ಕಡಿಮೆಯಾಗುವ ಸಾಧ್ಯತೆ ಇದೆ. ಭಾರತದಲ್ಲಿ ಮದ್ಯ ಮಾರುಕಟ್ಟೆ ಪ್ರಸ್ತುತ ವಾರ್ಷಿಕವಾಗಿ ಶೇ.7 ರಿಂದ ಶೇ.10 ದರದಲ್ಲಿ ಬೆಳೆಯುತ್ತಿರುವ ಒಂದು ವಲಯವಾಗಿದೆ.

ರಮ್ ಮತ್ತು ಇತರ ದೇಶೀಯ ಬ್ರ್ಯಾಂಡ್‌ಗಳನ್ನು ವಿಸ್ಕಿಯೊಂದಿಗೆ ಸ್ಪರ್ಧಿಸುವ ಸ್ಥಿತಿಯಲ್ಲಿ ಇರಿಸುತ್ತದೆ ಎಂದು ಮಾರುಕಟ್ಟೆ ಸಂಶೋಧಕರು ಮತ್ತು ಉದ್ಯಮದ ಒಳಗಿನವರು ಹೇಳುತ್ತಾರೆ.

ಬೆಲೆಗಳು ಇಳಿದಾಗ ಗ್ರಾಹಕರಿಗೆ ಲಾಭ ಬೌರ್ಬನ್ ವಿಸ್ಕಿ ಬೆಲೆ ಇಳಿಕೆ

ಶೇ. 150 ಸುಂಕ ಇದ್ದಾಗ, ಅದರ ಬೆಲೆ ಗಮನಾರ್ಹವಾಗಿ ಹೆಚ್ಚಿ ತ್ತು. ಈಗ ಸುಂಕವನ್ನು ಶೇ.50ಕ್ಕೆ ಇಳಿಸಿರುವುದರಿಂದ ಗ್ರಾಹಕರು ಕಡಿಮೆ ಬೆಲೆಗೆ ಖರೀದಿಸಲು ಸಾಧ್ಯವಾಗುತ್ತದೆ.

ಅಭಿವೃದ್ಧಿ ಹೊಂದುತ್ತಿರುವ ಗ್ರಾಹಕರ ಗಮನಸಳೆಯುವಿಕೆ

ಈಗ ವಿದೇಶಿ ಬ್ರ್ಯಾಂಡ್‌ಗಳ ಬೆಲೆಗಳು ಭಾರತೀಯ ಬ್ರ್ಯಾಂಡ್‌ಗಳಿಗೆ ಸಮನಾಗಿದೆ ಆದರಿಂದ ಇದು ಹೆಚ್ಚಿನ ಗ್ರಾಹಕರನ್ನು ಆಕರ್ಷಿಸುತ್ತದೆ.

ಸ್ಪರ್ಧಾತ್ಮಕ ಮೌಲ್ಯಮಾಪನ

ಭಾರತೀಯ ತಯಾರಕರು ಈಗ ತಮ್ಮ ಉತ್ಪನ್ನಗಳನ್ನು ಮಾರುಕಟ್ಟೆಯಲ್ಲಿ ಉಳಿಸಿಕೊಳ್ಳಲು ಸ್ಪರ್ಧಿಸಬೇಕಾಗುತ್ತದೆ. ಇದು ಕೆಲವು ಭಾರತೀಯ ನಿರ್ಮಿತ ಮದ್ಯದ ಬ್ರಾಂಡ್‌ಗಳ ಬೆಲೆಯಲ್ಲಿ ಇಳಿಕೆಗೆ ಕಾರಣವಾಗುವ ಸಾಧ್ಯತೆ ಇದೆ.

ಈ ಬಗ್ಗೆ ಸರ್ಕಾರದ ನಿಲುವೇನು?

ಭಾರತ ಸರ್ಕಾರ ಇನ್ನೂ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ.ಆಮದು ಸುಂಕವನ್ನು ಕಡಿಮೆ ಮಾಡುವುದರಿಂದ ಭಾರತೀಯ ಉತ್ಪನ್ನಗಳಿಗೆ ಹಾನಿಯಾಗುತ್ತದೆ ಎಂದು ಕೈಗಾರಿಕಾ ಸಂಸ್ಥೆಗಳು ಈ ಹಿಂದೆ ವಾದಿಸಿದ್ದವು. ಇದಕ್ಕೂ ಮೊದಲು, ಭಾರತ-ಯುಕೆ ವ್ಯಾಪಾರ ಮಾತುಕತೆಯ ಸಮಯದಲ್ಲಿ, ಭಾರತೀಯ ವಿಸ್ಕಿ ಬ್ರಾಂಡ್‌ಗಳಿಗೆ ಕಠಿಣ ಯುಕೆ ಷರತ್ತುಗಳನ್ನು ಪರಿಗಣಿಸುವ ಬೇಡಿಕೆ ಇತ್ತು.

ಭಾರತ-ಯುಕೆ ವ್ಯಾಪಾರ ಒಪ್ಪಂದವು ನಿರ್ಧರಿಸಲ್ಪಟ್ಟಾಗ ಮಾತ್ರ ಈ ಚರ್ಚೆಗಳಿಗೆ ಅಂತಿಮ ಉತ್ತರವಿರುತ್ತದೆ. ಬೌರ್ಬನ್ ವಿಸ್ಕಿಯ ಮೇಲಿನ ಕಸ್ಟಮ್ಸ್ ಸುಂಕ ಕಡಿತವನ್ನು ಭಾರತೀಯ ಮದ್ಯ ಉದ್ಯಮವು ಬಲವಾಗಿ ವಿರೋಧಿಸಿದೆ. ಇದು ವಿದೇಶಿ ಬ್ರ್ಯಾಂಡ್‌ಗಳಿಗೆ ಮಾರುಕಟ್ಟೆಯಲ್ಲಿ ಹೆಚ್ಚಿನ ಅವಕಾಶಗಳನ್ನು ನೀಡಬಹುದು. ಇದು ಗ್ರಾಹಕರಿಗೆ ಒಳ್ಳೆಯದಾಗಿರಬಹುದು, ಏಕೆಂದರೆ ವಿಸ್ಕಿಯ ಬೆಲೆ ಕಡಿಮೆಯಾಗುತ್ತದೆ.