ಕಳೆದ ವಾರ ಟಾಪ್ 9 ಕಂಪನಿಗಳ ಮಾರುಕಟ್ಟೆ ಮೌಲ್ಯ ಏರಿಕೆ
ಭಾರತದ ಷೇರು ಮಾರುಕಟ್ಟೆಯ ಅತ್ಯಂತ ಮೌಲ್ಯಯುತ ಹತ್ತು ಕಂಪೆನಿಗಳಲ್ಲಿ ಹಿಂದೂಸ್ತಾನ್ ಯೂನಿಲಿವರ್ (ಎಚ್ ಯುಎಲ್) ಮಾತ್ರ ಕಳೆದ ವಾರದಲ್ಲಿ ಮೌಲ್ಯ ಕುಸಿತ ಕಂಡಿದೆ.
ಮಿಕ್ಕ9 ಕಂಪನಿಗಳು ಮಾರುಕಟ್ಟೆ ಮೌಲ್ಯ ಕಳೆದ ವಾರ ಏರಿಕೆ ಕಂಡು ಒಟ್ಟಾರೆ, 2,41,177.27ಕೋಟಿ ರು ಮೌಲ್ಯ ಏರಿಕೆಯಾಗಿದೆ.
ಕುಸಿತ ಕಂಡ ಕಂಪನಿ: ಹಿಂದೂಸ್ತಾನ್ ಯೂನಿಲಿವರ್ ಲಿಮಿಟೆಡ್ 3,777.84 ಕೋಟಿ ರು ಕಳೆದುಕೊಂಡು 5,54,667.44 ಕೋಟಿ ರುಗೆ ಕುಸಿದಿದೆ.
ಎಚ್ಡಿಎಫ್ಸಿ ಬ್ಯಾಂಕ್ ಮೌಲ್ಯ 60,584.04 ಕೋಟಿ ರು ಏರಿಕೆ ಕಂಡು 8,25,619.53 ಕೋಟಿ ರು ಆಗಿದೆ.
ಇದೇ ವೇಳೆ, ರಿಲಯನ್ಸ್ ಇಂಡಸ್ಟ್ರೀಸ್ ಮೌಲ್ಯ 40,604.13 ಕೋಟಿ ರು ಏರಿಕೆಯಾಗಿ 12,68,459.17 ಕೋಟಿ ರು ಆಗಿದೆ. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ 36,2333.92ಕೋಟಿ ರು ಏರಿಕೆಯಾಗಿ 3,57,966.17 ಕೋಟಿ ರು ಆಗಿದೆ.
ಈ ಐಟಿ ದಿಗ್ಗಜ ಟಾಟಾ ಕನ್ಸಲ್ಟೆನ್ಸಿ(ಟಿಸಿಎಸ್) 10, 967.68 ಕೋಟಿ ರು ಏರಿಕೆ ಕಂಡು 11,39,455.78 ಕೋಟಿ ರು ಆಗಿದೆ. ಇನ್ಫೋಸಿಸ್ 16, 148.39ಕೋಟಿ ರು ಇಳಿಕೆ ಕಂಡು 5,77, 208.83 ಕೋಟಿ ರು ಆಗಿದೆ.
ಕೋಟಕ್ ಮಹೀಂದ್ರಾ ಬ್ಯಾಂಕ್ ಮೌಲ್ಯ 10, 055.81 ಕೋಟಿ ರು ಏರಿಕೆ ಕಂಡು 3,48, 414.61 ಕೋಟಿ ರು ಆಗಿದೆ. ಎಚ್ ಡಿ ಎಫ್ ಸಿ 16,983.46 ಕೋಟಿ ರು ಏರಿಕೆಯಾಗಿ 4,53,863.21 ಕೋಟಿ ರು ಮುಟ್ಟಿದೆ. ಬಜಾಜ್ ಫೈನಾನ್ಸ್ 18,279.85 ಕೋಟಿ ರು ಕಳೆದುಕೊಂಡು 3,39,871.90 ಕೋಟಿ ರು ಆಗಿದೆ.
ಐಸಿಐಸಿಐ 31,319.99 ಕೋಟಿ ರು ಏರಿಕೆ ಕಂಡು 4,44, 563.06 ಕೊಟಿ ರು ಆಗಿದೆ.
ಒಟ್ಟಾರೆ, ಟಾಪ್ 10 ಕಂಪನಿಗಳು: ರಿಲಯನ್ಸ್ ಇಂಡಸ್ಟ್ರೀಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್, ಎಚ್ಡಿಎಫ್ಸಿ ಬ್ಯಾಂಕ್, ಇನ್ಫೋಸಿಸ್, ಹಿಂದೂಸ್ತಾನ್ ಯೂನಿಲಿವರ್ ಲಿ, ಎಚ್ಡಿಎಫ್ಸಿ, ಐಸಿಐಸಿಐ ಬ್ಯಾಂಕ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಕೋಟಕ್ ಮಹೀಂದ್ರಾ ಬ್ಯಾಂಕ್ ಹಾಗೂ ಬಜಾಜ್ ಫೈನಾನ್ಸ್.