2022ರ ವರೆಗೆ ಬಹುತೇಕ ಆರ್ಥಿಕತೆಗಳು ಕೋವಿಡ್-19 ಪೂರ್ವ ಮಟ್ಟಕ್ಕೆ ಬರಲ್ಲ: ಮೂಡೀಸ್

ಕೋವಿಡ್-19 ಸಾಂಕ್ರಾಮಿಕ ಪ್ರೇರಿತ ಲಾಕ್‌ಡೌನ್‌ನಿಂದಾಗಿ ವಿಶ್ವದೇ ಬಹುತೇಕ ರಾಷ್ಟ್ರಗಳು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿ ನಿಧಾನಗತಿಯಲ್ಲಿ ಚೇತರಿಸಿಕೊಳ್ಳುತ್ತಿವೆ. ಭಾರತ ಕೂಡ ಕೋವಿಡ್-19 ಪೂರ್ವ ಮಟ್ಟಕ್ಕೆ ತಲುಪಲು ಸಮಯ ತೆಗೆದುಕೊಳ್ಳುತ್ತಿದೆ.

ಹೀಗಿರುವಾಗ ಪ್ರಪಂಚದಾದ್ಯಂತದ ವ್ಯವಹಾರಗಳು ಮತ್ತು ಆರ್ಥಿಕ ಚಟುವಟಿಕೆಗಳು ಪುನರಾರಂಭಗೊಂಡಿದ್ದರೂ, ಹೆಚ್ಚಿನ ದೇಶಗಳು 2022 ರವರೆಗೆ ತಮ್ಮ ಕೋವಿಡ್ ಪೂರ್ವ ಚಟುವಟಿಕೆಯ ಮಟ್ಟಕ್ಕೆ ಮರಳುವ ಸಾಧ್ಯತೆಯಿಲ್ಲ ಎಂದು ಮೂಡಿಸ್ ಇನ್ವೆಸ್ಟರ್ಸ್ ಸರ್ವೀಸಸ್ ವರದಿಯಲ್ಲಿ ತಿಳಿಸಲಾಗಿದೆ.

ವರದಿಯ ಪ್ರಕಾರ, ನಿಧಾನ ಮತ್ತು ವೇಗವಾಗಿ ಜಾಗತಿಕ ಚೇತರಿಕೆ ನಿರೀಕ್ಷಿಸಲಾಗಿದೆ. ಆದಾಗ್ಯೂ, ಕಳೆದ ಏಪ್ರಿಲ್‌ನಿಂದ ಅದರ ಮುನ್ಸೂಚನೆಗಳ ಸ್ಥಿರತೆಯ ಹೊರತಾಗಿಯೂ, ಸ್ಥೂಲ ಆರ್ಥಿಕ ದೃಷ್ಟಿಕೋನದ ಸುತ್ತಲಿನ ಅನಿಶ್ಚಿತತೆಯು ಸಾಮಾನ್ಯಕ್ಕಿಂತ ಹೆಚ್ಚಿನದಾಗಿದೆ.

ಕೋವಿಡ್ -19 ಸಾಂಕ್ರಾಮಿಕ ರೋಗವು ಜಾಗತಿಕ ಆರ್ಥಿಕತೆಯನ್ನು ಅಸ್ತವ್ಯಸ್ತಗೊಳಿಸಿದ್ದು, ಒಂದು ವರ್ಷದ ಬಳಿಕವು ಜಾಗತಿಕ ಆರ್ಥಿಕ ಚಟುವಟಿಕೆಗೆ ಮತ್ತೊಂದು ದೊಡ್ಡ ಆಘಾತವಾಗದ ಹೊರತು 2021 ರಲ್ಲಿ ರೇಟಿಂಗ್ ಕ್ರಮಗಳು ಹೆಚ್ಚು ಕಡಿಮೆಯಾಗುತ್ತವೆ ಎಂದು ಅದು ಹೇಳಿದೆ.

ಬಿಕ್ಕಟ್ಟು ಗಣನೀಯ ಪ್ರಮಾಣದ ಸಾಲದ ಸವಾಲುಗಳನ್ನು ಸೃಷ್ಟಿಸಿದ್ದರೂ, ಸಾಮಾನ್ಯ ಚಟುವಟಿಕೆಗಳ ಮೇಲಿನ ನಿರ್ಬಂಧಗಳಿಗೆ ಹೆಚ್ಚು ಗುರಿಯಾಗುವ ಕ್ಷೇತ್ರಗಳ ಬೆಳವಣಿಗೆ ನಿಧಾನವಾಗಿದೆ.