ನನ್ನ ಬೈಕ್‌ಗೆ ಕಡಿಮೆ ವೆಚ್ಚ! ಪ್ರಯಾಣ ದರ ಏರಿಕೆ.. ನಮ್ಮ ಮೆಟ್ರೋ ವಿರುದ್ಧ ಬೆಂಗಳೂರಿಗರ ಆಕ್ರೋಶ

ನನ್ನ ಬೈಕ್‌ಗೆ ಕಡಿಮೆ ವೆಚ್ಚ! ಪ್ರಯಾಣ ದರ ಏರಿಕೆ ಹೌದು,ಬೆಂಗಳೂರಿನ ನಮ್ಮ ಮೆಟ್ರೋದ ಹೆಚ್ಚಿದ ದರಗಳು ಫೆಬ್ರವರಿ 9ರಿಂದ ಜಾರಿಗೆ ಬಂದಿದ್ದು, ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಬಿಎಂಆರ್‌ಸಿಎಲ್) ನಿರ್ಧಾರದಿಂದ ಅನೇಕ ಪ್ರಯಾಣಿಕರು ನಿರಾಶೆಗೊಂಡಿದ್ದಾರೆ.

ಮೆಟ್ರೋ ದರ ಹೆಚ್ಚಳವು ಶೇ.40 ರಿಂದ ಶೇ.45ರ ನಡುವೆ ಇದೆ ಎಂದು ಬಿಎಂಆರ್‌ಸಿಎಲ್ ಹೇಳಿದ್ದರೂ, ಹಲವಾರು ಪ್ರಯಾಣಿಕರು ಮಾರ್ಗ ಮತ್ತು ದೂರವನ್ನು ಅವಲಂಬಿಸಿ ತಮ್ಮ ಪ್ರಯಾಣ ವೆಚ್ಚವು ಶೇ.80 ರಿಂದ ಶೇ.90ರಷ್ಟು ಹೆಚ್ಚಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಹೌದು, ಸಾರ್ವಜನಿಕ ಸಾರಿಗೆ ಹೆಚ್ಚು ದುಬಾರಿಯಾಗುತ್ತಿದೆ ಎಂದು ಅನೇಕ ಪ್ರಯಾಣಿಕರು ಕಳವಳ ವ್ಯಕ್ತಪಡಿಸಿದ್ದಾರೆ.ಇನ್ನೂಕೆಲವರು ತಮ್ಮ ದೈನಂದಿನ ಪ್ರಯಾಣಕ್ಕಾಗಿ ವೈಯಕ್ತಿಕ ವಾಹನಗಳಿಗೆ ಬದಲಾಯಿಸುವ ಬಗ್ಗೆಯೂ ಯೋಚಿಸುತ್ತಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ದರ ಏರಿಕೆಯ ಬಗ್ಗೆ ಚರ್ಚೆಗಳು ಆಗುತ್ತಿವೆ.ಅದರಲ್ಲಿ ಒಬ್ಬ ಬಳಕೆದಾರ ನಾನು ಪ್ರತಿದಿನ 70 ಕಿ.ಮೀ ಪ್ರಯಾಣಿಸುತ್ತೇನೆ ಮತ್ತು ನನ್ನ ಬೈಸಿಕಲ್ ಅನ್ನು ಈಗ ಮೆಟ್ರೋ ಬಳಸುವುದಕ್ಕಿಂತ ಅಗ್ಗವಾಗಿದೆ. ಸಾರ್ವಜನಿಕ ಸಾರಿಗೆಯು ವೈಯಕ್ತಿಕ ಪ್ರಯಾಣಕ್ಕಿಂತ ಹೆಚ್ಚು ವೆಚ್ಚವಾಗುತ್ತದೆ ಎಂಬುದು ವಿಪರ್ಯಾಸ. #BMRCL ನಾಚಿಕೆಗೇಡು ಎಂದು ಬರೆದುಕೊಂಡಿದ್ದಾರೆ.

ದರ ಏರಿಕೆಯನ್ನು "ಹಗಲು ದರೋಡೆ" ಎಂದು ಕರೆದಿದ್ದು,ಮೆಟ್ರೋ ಬೆಲೆಗಳಲ್ಲಿನ ತೀವ್ರ ಏರಿಕೆಯನ್ನು ಎತ್ತಿ ತೋರಿಸಿದ್ದಾರೆ. ನಾನು 47 ಪಾವತಿಸುತ್ತಿದ್ದೆ, ಮತ್ತು ಅವರು ದರಗಳನ್ನು ಶೇ.43 ಹೆಚ್ಚಿಸಿದ್ದೇವೆ ಎಂದು ಹೇಳಿಕೊಳ್ಳುತ್ತಾರೆ, ಆದರೆ ವಾಸ್ತವದಲ್ಲಿ, ಇದು ಬಹುತೇಕ ಶೇ.100 ಹೆಚ್ಚಳದಂತೆ ಭಾಸವಾಗುತ್ತದೆ.ಇದು ಹೇಗೆ ಸಮರ್ಥನೆ? ಅವರು QR ಟಿಕೆಟ್‌ಗಳ ಮೇಲಿನ ಶೇ.5 ರಿಯಾಯಿತಿಯನ್ನು ಸಹ ತೆಗೆದುಹಾಕಿದ್ದಾರೆ ಎಂದು ಬಳಕೆದಾರರು ಬರೆದುಕೊಂಡಿದ್ದಾರೆ.

ಕಾಡುಗೋಡಿ ಟ್ರೀ ಪಾರ್ಕ್‌ನಿಂದ ಬೈಯಪ್ಪನಹಳ್ಳಿಗೆ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರೊಬ್ಬರು ತಮ್ಮ ಪ್ರಯಾಣ ದರವು ಬಹುತೇಕ ದ್ವಿಗುಣಗೊಂಡಿರುವುದನ್ನು ಗಮನಿಸಿದರು. "ನಾನು ನನ್ನ ಪ್ರಯಾಣಕ್ಕೆ 33.25 ಪಾವತಿಸುತ್ತಿದ್ದೆ ,ಆದರೆ ಈಗ ಅದು 60 ಆಗಿದೆ ಇದು ಬಹುತೇಕ ಶೇ.90 ಹೆಚ್ಚಳವಾಗಿದೆ ಎಂದು ಅವರು ಅಳಲನ್ನು ತೋಡಿಕೊಂಡಿದ್ದಾರೆ.

ದೇಶಾದ್ಯಂತ ಮೆಟ್ರೋ ದರಗಳನ್ನು ಏಕೆ ಪ್ರಮಾಣೀಕರಿಸಲಾಗಿಲ್ಲ ಎಂದು ಕೆಲವರು ಪ್ರಶ್ನಿಸಿದ್ದಾರೆ, ಬೆಂಗಳೂರು ಈಗ ಭಾರತದಲ್ಲಿ ಅತ್ಯಂತ ದುಬಾರಿ ಮೆಟ್ರೋ ಸೇವೆಯನ್ನು ಹೊಂದಿದೆ ಎಂದು ಗಮನಸೆಳೆದಿದ್ದಾರೆ. ಸಾಮಾಜಿಕ ಮಾಧ್ಯಮ ಬಳಕೆದಾರರೊಬ್ಬರು, "ಯಾವುದೇ ರಾಜ್ಯವನ್ನು ಲೆಕ್ಕಿಸದೆ ನಾವು ಒಂದೇ ಶೇಕಡಾವಾರು ತೆರಿಗೆಯನ್ನು ಪಾವತಿಸುತ್ತೇವೆ, ಹಾಗಾದರೆ ಉತ್ತರ ಭಾರತದ ರಾಜ್ಯಗಳಿಗೆ ಹೋಲಿಸಿದರೆ ಬೆಂಗಳೂರಿನಲ್ಲಿ ಮೆಟ್ರೋ ದರಗಳು ಏಕೆ ಹೆಚ್ಚು? ಎಂದು ಪ್ರಶ್ನೆ ಮಾಡಿದ್ದಾರೆ.

ನಮ್ಮ ಮೆಟ್ರೋ ಪ್ರಯಾಣ ದರವನ್ನು ಪರಿಷ್ಕರಿಸಿದ ಪಟ್ಟಿ

ಕಿ.ಮೀ ನೂತನ ಬೆಲೆ

• 0 ನಿಂದ 2 ಕಿ.ಮೀ 10 ರೂ.
• 2 ರಿಂದ 4 ಕಿ.ಮೀ 20 ರೂ.
• 4 ರಿಂದ 6 ಕಿ.ಮೀ 30 ರೂ
• 6 ರಿಂದ 8 ಕಿ.ಮೀ 40 ರೂ.
• 8 ರಿಂದ 10 ಕಿ.ಮೀ 50 ರೂ.
• 10 ರಿಂದ 15 ಕಿ.ಮೀ 60 ರೂ.
• 15 ರಿಂದ 20 ಕಿ.ಮೀ 70 ರೂ.
• 20 ರಿಂದ 25 ಕಿ.ಮೀ 80 ರೂ.

ಸ್ಮಾರ್ಟ್ ಕಾರ್ಡ್‌ ರಿಯಾಯಿತಿ ಮುಂದುವರಿಸಿದ ಬಿಎಂಆರ್‌ಸಿಎಲ್

ಪರಿಷ್ಕೃತ ದರ ಪ್ರಕಾರ ಪ್ರಯಾಣಕ್ಕೆ ಬಳಸುವ ಸ್ಮಾರ್ಟ್ ಕಾರ್ಡಿನಲ್ಲಿ ಇನ್ನು ಮುಂದೆ ಕನಿಷ್ಠ ಮೊತ್ತ 90 ರೂ. ಹೊಂದಿರಬೇಕು. ಸದ್ಯ 50 ರೂ. ಕನಿಷ್ಠ ಮೊತ್ತ ಇದ್ದರೆ ಸಾಕಿತ್ತು. ಇದಲ್ಲದೆ ಬಿಎಂಆರ್‌ಸಿಎಲ್ ಸ್ಮಾರ್ಟ್ ಕಾರ್ಡ್ ಬಳಕೆದಾರರಿಗೆ ರಿಯಾಯಿತಿಗಳನ್ನು ಮುಂದುವರಿಸಿದೆ. ಈಗಿರುವ ಶೇ.5 ರಿಯಾಯಿತಿ ಜೊತೆಗೆ, ಪ್ರಯಾಣಿಕರು ಪೀಕ್ ಅವರ್ಸ್‌ನಲ್ಲಿ ಅಲ್ಲದ ಸಮಯದಲ್ಲಿ ಮೆಟ್ರೋಗೆ ಪ್ರವೇಶಿಸಿದರೆ, ಅವರಿಗೆ ಹೆಚ್ಚುವರಿ ಶೇ.5 ರಿಯಾಯಿತಿ ಸಿಗುತ್ತದೆ. ಹೀಗಾಗಿ, ಅವರು ಒಟ್ಟು ಶೇ.10 ರಿಯಾಯಿತಿಯನ್ನು ಪಡೆಯಬಹುದು.