3 ದಿನಗಳಲ್ಲಿ ಹೊಸ ವಿದ್ಯುತ್ ಸಂಪರ್ಕ ಲಭ್ಯ: ಸಚಿವಾಲಯದ ನಿಯಮಗಳನ್ನು ಬದಲು

ನೀವು ನಿಮ್ಮ ಹೊಸ ಮನೆಗೆ ನೂತನ ವಿದ್ಯುತ್ ಕಲೆಕ್ಷನ್ ಪಡೆಯುವ ಪ್ಲ್ಯಾನ್ ಮಾಡಿಕೊಂಡಿದ್ದರೆ ಯೋಚಿಸಬೇಡಿ. ಆದಷ್ಟು ಬೇಗ ನಿಮ್ಮ ಮನೆಗೆ ಬೆಳಕು ನೀಡುವಂತ ಸುದ್ದಿಯನ್ನು ಸರ್ಕಾರ ನೀಡಿದೆ. ಇದರಿಂದ ಶೀಘ್ರದಲ್ಲಿ ನಿಮ್ಮ ಮನೆಗೆ ನೂತನ ಕರೆಂಟ್ ಕನೆಕ್ಷನ್ ಪಡೆಯುಬಹುದಾಗಿದೆ.

ಈಗ ದೇಶದಲ್ಲಿ ಹೊಸ ವಿದ್ಯುತ್ ಸಂಪರ್ಕ ಪಡೆಯುವ ನಿಯಮಗಳನ್ನು ಬದಲಾಗಿದೆ. ಶುಕ್ರವಾರ ಈ ಕುರಿತು ಮಾಹಿತಿ ನೀಡಿದ ವಿದ್ಯುತ್ ಸಚಿವಾಲಯ, ಇನ್ನು ಮುಂದೆ ಮಹಾನಗರಗಳಲ್ಲಿ ಮೂರು ದಿನಗಳು, ಪುರಸಭೆ ವ್ಯಾಪ್ತಿಯಲ್ಲಿ ಏಳು ದಿನಗಳು ಮತ್ತು ಗ್ರಾಮೀಣ ಪ್ರದೇಶದಲ್ಲಿ 15 ದಿನಗಳಲ್ಲಿ ಹೊಸ ವಿದ್ಯುತ್ ಸಂಪರ್ಕಗಳು ಲಭ್ಯವಾಗುವುದಾಗಿ ತಿಳಿಸಿದ್ದಾರೆ.

ಮೇಲ್ಛಾವಣಿಯ ಮೇಲೆ ಸ್ಥಾಪಿಸಲಾದ ಸೋಲಾರ್ ಘಟಕಗಳಿಗೂ ನಿಯಮಗಳನ್ನು ಸುಲಭಗೊಳಿಸಲಾಗಿದೆ. ಇದಕ್ಕೆ ಸಂಬಂಧಿಸಿದ ವಿದ್ಯುತ್ ನಿಯಮಗಳು, 2020 ರಲ್ಲಿ ತಿದ್ದುಪಡಿಗಳನ್ನು ಸರ್ಕಾರ ಅನುಮೋದಿಸಿದೆ ಎಂದು ವಿದ್ಯುತ್ ಸಚಿವಾಲಯ ತಿಳಿಸಿದೆ.

ಹೊಸ ನಿಯಮದ ಪ್ರಕಾರ, ಬಹುಮಹಡಿ ಫ್ಲಾಟ್‌ಗಳಲ್ಲಿ ವಾಸಿಸುವ ಗ್ರಾಹಕರಿಗೂ ಸಂಪರ್ಕದ ಪ್ರಕಾರ ಆಯ್ಕೆ ಮಾಡುವ ಹಕ್ಕನ್ನು ನೀಡಲಾಗಿದೆ. ವಸತಿ ಸಮಾಜಗಳಲ್ಲಿ ಸಾಮಾನ್ಯ ಪ್ರದೇಶಗಳು ಮತ್ತು ಬ್ಯಾಕ್-ಅಪ್ ಜನರೇಟರ್‌ಗಳಿಗೆ ಪ್ರತ್ಯೇಕ ಬಿಲ್ಲಿಂಗ್ ಅನ್ನು ಖಾತ್ರಿಪಡಿಸಲಾಗಿದೆ. ಗ್ರಾಹಕರಿಂದ ದೂರುಗಳಿದ್ದಲ್ಲಿ ವಿದ್ಯುತ್ ಬಳಕೆಯ ಪರಿಶೀಲನೆಗಾಗಿ ವಿತರಣಾ ಕಂಪನಿಗಳು ಅಳವಡಿಸಿರುವ ಮೀಟರ್‌ಗಳನ್ನು ಪರಿಶೀಲಿಸಲು ತಿದ್ದುಪಡಿ ನಿಯಮವು ಒದಗಿಸುತ್ತದೆ.

ಮೀಟರ್ ರೀಡಿಂಗ್ ನಿಜವಾದ ವಿದ್ಯುತ್ ಬಳಕೆಗೆ ಅನುಗುಣವಾಗಿಲ್ಲ ಎಂಬ ದೂರು ಬಂದರೆ, ವಿತರಣಾ ಪರವಾನಗಿದಾರರು ಈಗ ದೂರು ಸ್ವೀಕರಿಸಿದ ದಿನಾಂಕದಿಂದ ಐದು ದಿನಗಳಲ್ಲಿ ಹೆಚ್ಚುವರಿ ಮೀಟರ್ ಅಳವಡಿಸಬೇಕಾಗುತ್ತದೆ. ರೀಡಿಂಗ್‌ಗಳನ್ನು ಪರಿಶೀಲಿಸಲು ಈ ಹೆಚ್ಚುವರಿ ಮೀಟರ್ ಅನ್ನು ಬಳಸಲಾಗುತ್ತದೆ.

ಸರ್ಕಾರಕ್ಕೆ ಗ್ರಾಹಕರ ಹಿತಾಸಕ್ತಿ ಅತಿಮುಖ್ಯ ಎಂದು ಕೇಂದ್ರ ವಿದ್ಯುತ್ ಸಚಿವ ಆರ್.ಕೆ. ಸಿಂಗ್ ಎಂದು ತಿಳಿಸಿದ್ದಾರೆ. ಹೊಸ ವಿದ್ಯುತ್ ಸಂಪರ್ಕ ಪಡೆಯುವ ಅವಧಿಯನ್ನು ಮಹಾನಗರಗಳಲ್ಲಿ ಏಳು ದಿನಗಳಿಂದ ಮೂರು ದಿನಕ್ಕೆ, ಇತರ ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ 15 ದಿನಗಳಿಂದ ಏಳು ದಿನಕ್ಕೆ ಮತ್ತು ಗ್ರಾಮೀಣ ಪ್ರದೇಶದಲ್ಲಿ 30 ದಿನಗಳಿಂದ 15 ದಿನಕ್ಕೆ ಇಳಿಸಲಾಗಿದೆ ಎಂದು ಸಚಿವರು ತಿಳಿಸಿದರು.

ಗುಡ್ಡಗಾಡು ಪ್ರದೇಶಗಳ ಗ್ರಾಮೀಣ ಪ್ರದೇಶಗಳಲ್ಲಿ, ಹೊಸ ಸಂಪರ್ಕಗಳನ್ನು ತೆಗೆದುಕೊಳ್ಳುವ ಅಥವಾ ಈಗಿರುವ ಸಂಪರ್ಕಗಳಲ್ಲಿ ಮಾರ್ಪಾಡು ಮಾಡುವ ಅವಧಿಯು ಮೊದಲಿನಂತೆಯೇ (30 ದಿನಗಳು) ಇರುತ್ತದೆ.

ಹೊಸ ನಿಬಂಧನೆಗಳಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ. ಗ್ರಾಹಕರು ಬಯಸಿದರೆ, ಅವರು ಈಗ ತಮ್ಮ ಎಲೆಕ್ಟ್ರಿಕ್ ವಾಹನಗಳನ್ನು (ಇವಿ) ಚಾರ್ಜ್ ಮಾಡಲು ಪ್ರತ್ಯೇಕ ವಿದ್ಯುತ್ ಸಂಪರ್ಕವನ್ನು ಪಡೆಯಬಹುದು. ಸಹಕಾರ ಹೌಸಿಂಗ್ ಸೊಸೈಟಿಗಳು, ಬಹುಮಹಡಿ ಕಟ್ಟಡಗಳು, ವಸತಿ ಕಾಲೋನಿಗಳು ಇತ್ಯಾದಿಗಳಲ್ಲಿ ವಾಸಿಸುವ ಜನರು ಈಗ ವಿತರಣಾ ಪರವಾನಗಿದಾರರಿಂದ ಎಲ್ಲಾ ವೈಯಕ್ತಿಕ ಸಂಪರ್ಕಗಳನ್ನು ಅಥವಾ ಸಂಪೂರ್ಣ ಸಂಕೀರ್ಣಕ್ಕೆ ಏಕ-ಬಿಂದು ಸಂಪರ್ಕವನ್ನು ಆಯ್ಕೆ ಮಾಡುವ ಆಯ್ಕೆಯನ್ನು ಹೊಂದಿರುತ್ತಾರೆ.

ಹೊಸ ನಿಯಮಗಳ ಅಡಿಯಲ್ಲಿ ಸರ್ಕಾರವು ಮನೆಯ ಮೇಲೆ ಸೌರ ವ್ಯವಸ್ಥೆಗಳನ್ನು ಸ್ಥಾಪಿಸುವ ಪ್ರಕ್ರಿಯೆ ಅತ್ಯಂತ ಸರಳ ಮಾಡಿದೆ. 10 ಕಿಲೋವ್ಯಾಟ್‌ಗಳವರೆಗಿನ ಸೌರ ವ್ಯವಸ್ಥೆಗಳಿಗೆ ಸೆಂಟ್ರಲ್ ವಿಜಿಬಲಿಟಿ ಸ್ಟಡಿ ಅಗತ್ಯವಿಲ್ಲ ಎಂದು ಸಚಿವಾಲಯ ಹೇಳಿದೆ. ಇದಕ್ಕಿಂತ ಹೆಚ್ಚಿನ ಅಧ್ಯಯನದ ಅವಧಿಯನ್ನು 20 ದಿನಗಳಿಂದ 15 ದಿನಗಳಿಗೆ ಇಳಿಸಲಾಗಿದೆ.