NPS ವಾತ್ಸಲ್ಯ vs ಸುಕನ್ಯಾ ಸಮೃದ್ಧಿ: ಯಾವ ಯೋಜನೆಯು 15 ವರ್ಷಗಳಲ್ಲಿ ಉತ್ತಮ ಆದಾಯವನ್ನು ನೀಡುತ್ತದೆ?

ಸುಕನ್ಯಾ ಸಮೃದ್ಧಿ ಖಾತೆಯು ಭಾರತ ಸರ್ಕಾರವು ರೂಪಿಸಿದ ಉಳಿತಾಯ ಯೋಜನೆಯಾಗಿದ್ದು, ಇದು ಹೆಣ್ಣು ಮಗುವಿನ ಶಿಕ್ಷಣ ಮತ್ತು ಮದುವೆಗೆ ಆರ್ಥಿಕ ಸ್ಥಿರತೆಗೆ ಸಹಾಯ ಮಾಡುತ್ತದೆ. ಈ ಯೋಜನೆಯು ಪ್ರತಿ ಹೆಣ್ಣು ಮಗುವಿನ ಪೋಷಕರಿಗೆ ಠೇವಣಿ ಇಡಲು ಮತ್ತು ಅವರ ಲಾಭದಾಯಕ ಭವಿಷ್ಯಕ್ಕಾಗಿ ಕಾರ್ಪಸ್ ರಚಿಸಲು ಪ್ರೋತ್ಸಾಹಿಸುತ್ತದೆ. ಇದರೊಂದಿಗೆ ಕೇಂದ್ರ ಸರ್ಕಾರದ ಮಕ್ಕಳಿಗಾಗಿ ಹೊಸತಾದ ಎನ್‌ಪಿಎಸ್ ವಾತ್ಸಲ್ಯ ಯೋಜನೆಯನ್ನು ಆರಂಭಿಸಿದೆ. ಇದು ಮಕ್ಕಳ ಭವಿಷ್ಯವನ್ನು ಆರ್ಥಿಕವಾಗಿ ಭದ್ರಪಡಿಸುವ ಉದ್ದೇಶದಿಂದ ಪ್ರಾರಂಭಿಸಲಾದ ಯೋಜನೆಯಾಗಿದೆ.

ಎನ್‌ಪಿಎಸ್ ವಾತ್ಸಲ್ಯ ಯೋಜನೆಯನ್ನು ಕೇಂದ್ರ ಸರ್ಕಾರ ಜಾರಿಗೆ ತಂದ ಬಳಿಕ ಬಹಳಷ್ಟು ಪೋಷಕರು ಗೊಂದಲದಲ್ಲಿದ್ದು, ಉತ್ತಮ ಆದಾಯವನ್ನು ಪಡೆಯಲು NPS ಅಥವಾ SSY ಯೋಜನೆ ಆಯ್ಕೆ ಮಾಡಬೇಕೇ ಎಂಬ ಗೊಂದಲದಲ್ಲಿದ್ದಾರೆ. ಹಾಗೇ ನೋಡಿದರೆ ಈ ಎರಡು ಯೋಜನೆಗಳನ್ನು ಪರಸ್ಪರ ಹೋಲಿಕೆಯನ್ನು ಮಾಡಲಾಗದು. ಆದರೂ ಈ ಯೋಜನೆಗಳ ಬಗ್ಗೆ ಕೆಲವು ಮಾಹಿತಿಯನ್ನು ನೋಡೋಣ...ಇದರಿಂದ ಯಾವ ಯೋಜನೆ ಆಯ್ಕೆ ಮಾಡಬೇಕು ಎನ್ನುವುದಕ್ಕೆ ಅನುಕೂಲವಾಗಬಹುದು.

ಎಸ್.ಎಸ್.ವೈ (ಸುಕನ್ಯ ಸಮೃದ್ಧಿ ಯೋಜನೆ): ಹೆಣ್ಣು ಮಕ್ಕಳ ಕಲ್ಯಾಣಕ್ಕಾಗಿ ಭಾರತ ಸರ್ಕಾರವು ಸುಕನ್ಯಾ ಸಮೃದ್ಧಿ ಯೋಜನೆಯನ್ನು ಹೊರತಂದಿದ್ದು, 2015ರಲ್ಲಿ ಅನುಷ್ಠಾನಗೊಂಡಿದೆ. ಇದು ಬೇಟಿ ಬಚಾವೋ ಬೇಟಿ ಪಢಾವೋ ಅಭಿಯಾನದ ಅಡಿಯಲ್ಲಿನ ಒಂದು ಸಣ್ಣ ಉಳಿತಾಯದ ಯೋಜನೆಯಾಗಿದೆ. ಮೆಚ್ಯೂರಿಟಿ ಮೊತ್ತವು ಸುಕನ್ಯಾ ಸಮೃದ್ಧಿ ಖಾತೆಗೆ ಮಾಡಿದ ವಾರ್ಷಿಕ ಕೊಡುಗೆಗಳ ಮೇಲೆ ಸಂಪೂರ್ಣವಾಗಿ ಅವಲಂಬಿತವಾಗಿದೆ. ಖಾತೆಯಲ್ಲಿ ಗಳಿಸಿದ ಬಡ್ಡಿಯು 8.2% ಆಗಿದೆ. ಆದರೆ ಭಾರತ ಸರ್ಕಾರವು ಕಾಲಕಾಲಕ್ಕೆ ಸುಕನ್ಯಾ ಸಮೃದ್ಧಿ ಯೋಜನೆಯ ಬಡ್ಡಿ ದರವನ್ನು ನಿರ್ಧರಿಸುತ್ತದೆ.

* ಸುಕನ್ಯಾ ಸಮೃದ್ಧಿ ಯೋಜನೆ ಇದು ಪ್ರಮುಖವಾಗಿ ಹೆಣ್ಣು ಮಕ್ಕಳಿಗೆ ಮಾತ್ರ ಲಭ್ಯವಿದೆ.
* ಕನಿಷ್ಠ ಠೇವಣಿ ರೂ. ತಿಂಗಳಿಗೆ 250 ಮತ್ತು ಗರಿಷ್ಠ 1.5 ಲಕ್ಷ.
* ಸುಕನ್ಯಾ ಸಮೃದ್ಧಿ ಯೋಜನೆಯಡಿ ಹೂಡಿಕೆಯ ಅವಧಿಯು 21 ವರ್ಷಗಳು.
* ಮಗುವಿಗೆ 18 ವರ್ಷ ತುಂಬುವವರೆಗೆ ಪೋಷಕರು ಅಥವಾ ಪೋಷಕರು ಖಾತೆಯನ್ನು ನಿರ್ವಹಿಸುತ್ತಾರೆ.
* ಇಬ್ಬರು ಹೆಣ್ಣುಮಕ್ಕಳ ಹೆಸರಿನಲ್ಲಿ ಮಾತ್ರ ಈ ಖಾತೆಗಳನ್ನು ತೆರೆಯಲು ಅವಕಾಶವಿದೆ.
* ಅವಳಿ ಹೆಣ್ಣು ಮಕ್ಕಳನ್ನು ಹೊಂದಿದ್ದರೆ, ಮೂರನೇ ಹುಡುಗಿಗೆ ಮೂರನೇ SSY ಖಾತೆಯನ್ನು ತೆರೆಯಬಹುದಾಗಿದೆ.

ಎನ್‌ಪಿಎಸ್ ವಾತ್ಸಲ್ಯ ಯೋಜನೆ: ಎನ್‌ಪಿಎಸ್ ವಾತ್ಸಲ್ಯ ಯೋಜನೆಯನ್ನು ದೀರ್ಘಾವಧಿಯ ಹೂಡಿಕೆ ಯೋಜನೆಯಾಗಿದ್ದು, ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರದ (ಪಿಎಫ್‌ಆರ್‌ಡಿಎ) ಮೇಲ್ವಿಚಾರಣೆಯಲ್ಲಿ ನಿರ್ವಹಿಸಲ್ಪಡುತ್ತದೆ. ಇದು ಮಾರುಕಟ್ಟೆ ಸಂಬಂಧಿತ ಪ್ರೊಡಕ್ಟ್ ಆಗಿದೆ. NPS ವಾತ್ಸಲ್ಯ ಸರಾಸರಿ 10-12 ಶೇಕಡಾ ಆದಾಯವನ್ನು ನೀಡುತ್ತದೆ. ಈ ಎರಡು ಯೋಜನೆಗಳಲ್ಲಿ ಮುಂದಿನ 10 ವರ್ಷಗಳವರೆಗೆ ವಾರ್ಷಿಕವಾಗಿ ಅಂದಾಜು 10,000 ರೂ. ಹೂಡಿಕೆ ಮಾಡಿದರೆ ಮಗುವಿಗೆ 18 ವರ್ಷ ತುಂಬುವವರೆಗೆ NPS ರೂ. 1.86 ಲಕ್ಷ ಮತ್ತು SSY ರೂ. 1.58 ಲಕ್ಷ. ದೊರಕುತ್ತದೆ.

ಹೂಡಿಕೆ ಮೊತ್ತವನ್ನು ತಿಂಗಳಿಗೆ ರೂ.10,000 ಮತ್ತು ಹೂಡಿಕೆಯ ಅವಧಿಯನ್ನು 15 ವರ್ಷಗಳು ಎಂದು ಪರಿಗಣಿಸಿ, ಈ ಎರಡು ಯೋಜನೆಗಳ ಆದಾಯವನ್ನು ಲೆಕ್ಕಾಚಾರ ಮಾಡೋಣ. ಈ ಸಂದರ್ಭದಲ್ಲಿ, ವಾರ್ಷಿಕ 12 ಪ್ರತಿಶತದಷ್ಟು ಆದಾಯವನ್ನು ಊಹಿಸಿಕೊಂಡು NPS ವಾತ್ಯಲ್ಯ ಯೋಜನೆಯ ಮೂಲಕ 15 ವರ್ಷಗಳಲ್ಲಿ, ಎನ್.ಪಿಎಸ್ಸಿ ಮೂಲಕ 18 ಲಕ್ಷ ರೂ. ನಿಖರವಾಗಿ ಹೂಡಿದರೆ, 32,45,660 ರೂ. ಪಡೆಯಲಾಗುತ್ತದೆ. ಈ ರೀತಿಯಾಗಿ ಒಟ್ಟು ಕಾರ್ಪಸ್ 50,45,760 ರೂ. ಪಡೆಯಬಹುದಾಗಿದೆ.

ಸುಕನ್ಯಾ ಸಮೃದ್ಧಿ ಯೋಜನೆ 15 ವರ್ಷಗಳ ಕಾಲಾವಧಿಯಲ್ಲಿ ಒಟ್ಟು ಕಾರ್ಪಸ್ 34,56,412 ಆಗಿ ಬೆಳೆಯುತ್ತದೆ. ಈ ಯೋಜನೆಯ ವಿಶೇಷತೆ ಎಂದರೆ, 15 ವರ್ಷಗಳ ನಂತರವೂ ಇನ್ನೂ 6 ವರ್ಷಗಳ ಕಾಲ ಅಂದರೆ 21ವರ್ಷಗಳವರೆಗೆ ಹೆಚ್ಚುವರಿ ಹೂಡಿಕೆ ಮಾಡದೆಯೇ ನಿಮ್ಮ ಹೂಡಿಕೆಯ ಮೇಲೆ ಬಡ್ಡಿ ಸಿಗುತ್ತಲೇ ಇರುತ್ತದೆ.

ವಯೋಮಿತಿ: ಎಸ್.ಎಸ್.ವೈ ಖಾತೆ 21 ವರ್ಷಗಳ ನಂತರ ಅಥವಾ ಹುಡುಗಿಯ 18ನೇ ಹುಟ್ಟಿದ ದಿನದಂದು ಮ್ಯಾಚ್ಯೂರ್ ಆಗುತ್ತದೆ. ಎನ್.ಪಿಎಸ್ಸಿ ವಾತ್ಸಲ್ಯ 18 ವರ್ಷಗಳ ನಂತರ ಸಾಮಾನ್ಯ ಎನ್.ಪಿಎಸ್ಸಿ ಖಾತೆಯಾಗಿ ಪರಿವರ್ತನೆಗೊಳ್ಳುತ್ತದೆ, ಇದು ಉತ್ತಮ ನಿವೃತ್ತಿ ಯೋಜನೆಗೆ ನೆರವಾಗುತ್ತದೆ. ಸುಮಾರು 60 ವರ್ಷಗಳವರೆಗೆ ಹೂಡಿಕೆ ಮಾಡಲು ಸಾಧ್ಯವಾಗುವುದರಿಂದ ಇದು ಅತ್ಯುತ್ತಮ ನಿವೃತ್ತಿ ಯೋಜನೆ ಹಾಕಿಕೊಳ್ಳಲು ಸಹಾಯ ಮಾಡುತ್ತದೆ. ಈ ಮೇಲಿನ ಮಾಹಿತಿಗಳ ಮೂಲಕ, ಸಂಬಂಧಿತ ಯೋಜನೆಗಳ ಒಳನೋಟ ಮತ್ತು ಪ್ರಯೋಜನಗಳನ್ನು ಗಮನಿಸಿ ನಿಮ್ಮ ಅನುಕೂಲತೆಗೆ ತಕ್ಕಂತೆ ಬೇಕಾದ ಖಾತೆಗಳನ್ನು ಆಯ್ಕೆ ಮಾಡಬಹುದು.