ಷೇರು ಪೇಟೆ ಕುಸಿತ: ಒಎನ್‌ಜಿಸಿಗೆ ನಷ್ಟ, ಎಲ್‌ಐಸಿ ಸ್ಟಾಕ್ ಏರಿಕೆ

ಸೋಮವಾರ ಆರಂಭಿಕ ವಹಿವಾಟಿನಲ್ಲಿ ಷೇರು ಮಾರುಕಟ್ಟೆಯು ಕುಸಿತ ಕಂಡಿದೆ. ಜಾಗತಿಕ ಮಾರುಕಟ್ಟೆ ಬೆಳವಣಿಗೆಯನ್ನು ಅನುಸರಿಸಿದೆ. ಹೂಡಿಕೆದಾರರು ಆರ್ಥಿಕ ಹಿಂಜರಿತದ ಆತಂಕದಲ್ಲಿದ್ದು ಇದು ಷೇರು ಮಾರುಕಟ್ಟೆ ತತ್ತರಿಸುವಂತೆ ಮಾಡಿದೆ. ಆರಂಭಿಕ ವಹಿವಾಟಿನಲ್ಲಿಯೇ ಲಾಭ, ನಷ್ಟದ ಏರಿಳಿತ ಕಂಡು ಬಂದಿದೆ.

30-ಷೇರುಗಳ ಬಿಎಸ್‌ಇ ಸೆನ್ಸೆಕ್ಸ್ ಆರಂಭಿಕ ಸೆಷನ್‌ನಲ್ಲಿ 102 ಪಾಯಿಂಟ್‌ಗಳು ಅಥವಾ ಶೇಕಡಾ 0.20 ರಷ್ಟು ಕುಸಿದು 52,805 ಕ್ಕೆ ತಲುಪಿದೆ. ಎನ್‌ಎಸ್‌ಇ ನಿಫ್ಟಿ 47 ಪಾಯಿಂಟ್ ಅಥವಾ 0.30 ರಷ್ಟು ಕಡಿಮೆಯಾಗಿ 15,705 ಕ್ಕೆ ವಹಿವಾಟು ಆರಂಭ ಮಾಡಿದೆ.

ಸೆನ್ಸೆಕ್ಸ್ 8, ನಿಫ್ಟಿ 19 ಅಂಕ ಕುಸಿತ: ಷೇರು ಪೇಟೆ ವಹಿವಾಟು ಹೀಗೆ ಅಂತ್ಯ

ಈ ಸಂದರ್ಭದಲ್ಲೇ ನಿಫ್ಟಿ ಮಿಡ್‌ಕ್ಯಾಪ್ 100 ಶೇಕಡಾ 0.15 ರಷ್ಟು ಮತ್ತು ಸ್ಮಾಲ್ ಕ್ಯಾಪ್ ಶೇಕಡಾ 0.48 ರಷ್ಟು ಏರಿಕೆಯಾಗಿದೆ. 15 ಸೆಕ್ಟರ್ ಗೇಜ್‌ಗಳಲ್ಲಿ ನಾಲ್ಕು ನಷ್ಟವನ್ನು ಕಂಡಿದೆ. ನಿಫ್ಟಿ ಮೆಟಲ್, ನಿಫ್ಟಿ ಐಟಿ ಮತ್ತು ನಿಫ್ಟಿ ಆಯಿಲ್ ಮತ್ತು ಗ್ಯಾಸ್ ಕ್ರಮವಾಗಿ ಶೇಕಡಾ 1.84, ಶೇಕಡಾ 0.82 ಮತ್ತು ಶೇಕಡಾ 0.34 ರಷ್ಟು ಕುಸಿದಿದೆ.

ಒಎನ್‌ಜಿಸಿ ಟಾಪ್ ನಿಫ್ಟಿ ಲೂಸರ್

ಒಎನ್‌ಜಿಸಿ ಟಾಪ್ ನಿಫ್ಟಿ ಲೂಸರ್ ಆಗಿದೆ. ಒಎನ್‌ಜಿಸಿ ಸ್ಟಾಕ್ ಷೇರುಗಳು ಶೇಕಡಾ 4.24ರಷ್ಟು ಕುಸಿತ ಕಂಡು ರೂಪಾಯಿ 125.50 ಕ್ಕೆ ತಲುಪಿದೆ. ಹಿಂದಾಲ್ಕೊ, ಜೆಎಸ್‌ಡಬ್ಲ್ಯೂ ಸ್ಟೀಲ್, ಟಾಟಾ ಸ್ಟೀಲ್ ಮತ್ತು ಟಿಸಿಎಸ್ ಕೂಡ ನಷ್ಟವನ್ನು ಕಂಡಿದೆ.

ಬಿಎಸ್‌ಇಯಲ್ಲಿ 775 ಷೇರುಗಳು ಕುಸಿತ ಕಂಡರೆ 1,792 ಷೇರುಗಳು ಲಾಭವನ್ನು ಕಂಡಿದೆ. 30-ಷೇರುಗಳ ಬಿಎಸ್‌ಇ ಸೂಚ್ಯಂಕದಲ್ಲಿ, ಟಾಟಾ ಸ್ಟೀಲ್, ಟಿಸಿಎಸ್, ಎಂ & ಎಂ, ವಿಪ್ರೋ, ಟೆಕ್ ಮಹೀಂದ್ರಾ, ಎಚ್‌ಡಿಎಫ್‌ಸಿ, ಡಾ ರೆಡ್ಡೀಸ್, ಇನ್ಫೋಸಿಸ್, ಏಷ್ಯನ್ ಪೇಂಟ್ಸ್, ಅಲ್ಟ್ರಾಟೆಕ್ ಸಿಮೆಂಟ್, ಭಾರ್ತಿ ಏರ್‌ಟೆಲ್ ಮತ್ತು ಎಲ್ & ಟಿ ಭಾರೀ ನಷ್ಟವನ್ನು ಕಂಡಿದೆ. ಈ ನಡುವೆ ಇಂಡಸ್‌ಇಂಡ್ ಬ್ಯಾಂಕ್, ಐಟಿಸಿ, ಸನ್ ಫಾರ್ಮಾ, ಐಸಿಐಸಿಐ ಬ್ಯಾಂಕ್, ಪವರ್‌ಗ್ರಿಡ್ ಮತ್ತು ಮಾರುತಿ ಲಾಭವನ್ನು ಗಳಿಸಿದೆ.

ಎಲ್‌ಐಸಿ ಷೇರು ಏರಿಕೆ

ದೇಶದ ಅತಿದೊಡ್ಡ ವಿಮಾ ಸಂಸ್ಥೆ ಮತ್ತು ಅತಿದೊಡ್ಡ ದೇಶೀಯ ಹಣಕಾಸು ಹೂಡಿಕೆದಾರರಾದ ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) ಷೇರುಗಳು ಶೇ 0.73 ರಷ್ಟು ಏರಿಕೆಯಾಗಿ ರೂಪಾಯಿ 681.70ರಲ್ಲಿ ವಹಿವಾಟು ಆರಂಭಿಸಿದೆ. ಶುಕ್ರವಾರದಂದು ಸೆನ್ಸೆಕ್ಸ್ 111 ಅಂಕಗಳು ಅಥವಾ ಶೇಕಡಾ 0.21 ರಷ್ಟು ಕುಸಿದು 52,908 ಕ್ಕೆ ತಲುಪಿದ್ದರೆ, ನಿಫ್ಟಿ 28 ಪಾಯಿಂಟ್ ಅಥವಾ ಶೇಕಡಾ 0.18 ಇಳಿದು 15,752 ಕ್ಕೆ ಸ್ಥಿರವಾಯಿತು.