Opening Bell: ಷೇರು ಪೇಟೆ ಚೇತರಿಕೆ, ಸೆನ್ಸೆಕ್ಸ್-ನಿಫ್ಟಿ ಜಿಗಿತ
ಜಾಗತಿಕ ಮಾರುಕಟ್ಟೆಗಳ ಉತ್ತಮ ಬೆಳವಣಿಗೆಯ ನಡುವೆ ಭಾರತೀಯ ಷೇರುಗಳು ಗುರುವಾರ ಆರಂಭಿಕ ವ್ಯವಹಾರಗಳಲ್ಲಿ ಜಿಗಿದಿದೆ. ಯುಎಸ್ ಫೆಡರಲ್ ರಿಸರ್ವ್ನ ಆರಂಭಿಕ ಮೇ ಸಭೆಯ ನಂತರ ಯುಎಸ್ ಸ್ಟಾಕ್ಗಳು ಏರಿಕೆ ಕಂಡಿದೆ. ಮುಂಬರುವ ತಿಂಗಳುಗಳಲ್ಲಿ ಸೆಂಟ್ರಲ್ ಬ್ಯಾಂಕ್ ಇನ್ನೂ ದರ ಹೆಚ್ಚಳ ಮಾಡುವ ಸಾಧ್ಯತೆ ಕಂಡು ಬಂದಿದೆ.
ಆರಂಭಿಕ ವಹಿವಾಟಿನಲ್ಲಿ 30-ಷೇರು ಬಿಎಸ್ಇ ಸೆನ್ಸೆಕ್ಸ್ 304 ಪಾಯಿಂಟ್ಗಳು ಅಥವಾ ಶೇಕಡಾ 0.57 ರಷ್ಟು ಏರಿಕೆಯಾಗಿ 54,053 ಕ್ಕೆ ತಲುಪಿದೆ. ಎನ್ಎಸ್ಇ ನಿಫ್ಟಿ 85 ಪಾಯಿಂಟ್ ಅಥವಾ 0.53 ರಷ್ಟು ಏರಿಕೆಯಾಗಿ 16,111 ಕ್ಕೆ ವಹಿವಾಟು ನಡೆಸಿದೆ.
ಐಟಿ ಷೇರು ಕುಸಿತ: ಸತತ ಮೂರನೇ ದಿನ ಸೆನ್ಸೆಕ್ಸ್, ನಿಫ್ಟಿ ಇಳಿಕೆ
ನಿಫ್ಟಿ ಮಿಡ್ಕ್ಯಾಪ್ 100 ಶೇಕಡಾ 0.43 ರಷ್ಟು ಮತ್ತು ಸ್ಮಾಲ್ ಕ್ಯಾಪ್ ಶೇಕಡಾ 0.30 ರಷ್ಟು ಏರಿಕೆಯಾಗಿದೆ. ನಿಫ್ಟಿ ಬ್ಯಾಂಕ್, ನಿಫ್ಟಿ ಫೈನಾನ್ಷಿಯಲ್ ಸರ್ವಿಸಸ್ ಮತ್ತು ನಿಫ್ಟಿ ಐಟಿಗಳು ಕ್ರಮವಾಗಿ ಶೇಕಡಾ 0.95, 0.90 ಮತ್ತು 0.87 ರಷ್ಟು ಏರಿಕೆಯಾಗಿದೆ.
ಯಾರಿಗೆ ಲಾಭ, ಯಾರಿಗೆ ನಷ್ಟ?
ಎಚ್ಡಿಎಫ್ಸಿ ಟಾಪ್ ಗೇನರ್ ಆಗಿದೆ. ಎಚ್ಡಿಎಫ್ಸಿ ಷೇರುಗಳು ಶೇಕಡಾ 1.35 ರಷ್ಟು ಏರಿಕೆಯಾಗಿ ರೂಪಾಯಿ 2,267.70 ಕ್ಕೆ ತಲುಪಿದೆ. ಐಸಿಐಸಿಐ ಬ್ಯಾಂಕ್, ವಿಪ್ರೋ, ನೆಸ್ಲೆ ಇಂಡಿಯಾ ಮತ್ತು ಹಿಂಡಾಲ್ಕೊ ಸಹ ಲಾಭ ಗಳಿಸಿದೆ.
30-ಷೇರು ಸೂಚ್ಯಂಕದಲ್ಲಿ, ಎಚ್ಡಿಎಫ್ಸಿ ಟ್ವಿನ್ಸ್ (ಎಚ್ಡಿಎಫ್ಸಿ ಮತ್ತು ಎಚ್ಡಿಎಫ್ಸಿ ಬ್ಯಾಂಕ್), ವಿಪ್ರೋ, ಟೆಕ್ ಮಹೀಂದ್ರ, ಟಿಸಿಎಸ್, ಐಸಿಐಸಿಐ ಬ್ಯಾಂಕ್, ನೆಸ್ಲೆ ಇಂಡಿಯಾ ಮತ್ತು ಸನ್ ಫಾರ್ಮಾ ಹೆಚ್ಚು ಲಾಭ ಗಳಿಸಿದೆ. ಏಷ್ಯನ್ ಪೇಂಟ್ಸ್, ಎನ್ಟಿಪಿಸಿ, ಹಿಂದೂಸ್ತಾನ್ ಯೂನಿಲಿವರ್, ಮಾರುತಿ, ಐಟಿಸಿ ಮತ್ತು ಎಂ & ಎಂ ನಷ್ಟವನ್ನು ಕಂಡಿದೆ.
ಬುಧವಾರದಂದು ಸೆನ್ಸೆಕ್ಸ್ 303 ಪಾಯಿಂಟ್ ಅಥವಾ ಶೇಕಡಾ 0.56 ರಷ್ಟು ಕುಸಿದು 53,749 ಕ್ಕೆ ತಲುಪಿದ್ದರೆ, ನಿಫ್ಟಿ 99 ಪಾಯಿಂಟ್ ಅಥವಾ 0.62 ಶೇಕಡಾ ಕುಸಿದು 16,026 ಕ್ಕೆ ಸ್ಥಿರವಾಯಿತು.