ಫೋನ್‌ಪೇ, ಗೂಗಲ್‌ ಪೇ ಅನ್ನು ಹಿಂದಿಕ್ಕಿ ಭಾರತದ ಅತ್ಯಧಿಕ ಆದಾಯ ಗಳಿಸುವ ಸಂಸ್ಥೆಯಾದ ಪೇಟಿಎಂ

ಭಾರತೀಯ ಫಿನ್‌ಟೆಕ್ ದೈತ್ಯ ಸಂಸ್ಥೆಯಾದ ಪೇಟಿಎಂ ಬುಧವಾರ ಹಣಕಾಸು ವರ್ಷ 2023ದ ತನ್ನ ಹಣಕಾಸಿನ ವರದಿಯನ್ನು ಮಾಡಿದೆ. ಆದಾಯವು ಆರ್ಥಿಕ ವರ್ಷದಲ್ಲಿ 7,991 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ ಎಂದು ಪೇಟಿಎಂ ಹೇಳಿದೆ. ಪೇಟಿಎಂ ಪ್ರಸ್ತುತ ಫಿನ್‌ಟೆಕ್ ಜಾಗದಲ್ಲಿ ಪ್ರಮುಖ ಸ್ಥಾನದಲ್ಲಿದೆ. ಒಂದು ಬಿಲಿಯನ್ ಡಾಲರ್‌ಗಳಿಂದ ಕೊಂಚ ಕೊಂಚವೇ ಕಡಿಮೆ ಆದಾಯವನ್ನು ಹೊಂದಿದೆ.

ಫೋನ್‌ಪೇ ಮತ್ತು ಗೂಗಲ್‌ ಪೇ ಆದಾಯಕ್ಕಿಂತ ಅತೀ ಅಧಿಕ ಆದಾಯವನ್ನು ಪೇಟಿಎಂ ಹೊಂದಿದೆ. 2022 ರ ಕ್ಯಾಲೆಂಡರ್ ವರ್ಷದ ಮೊದಲ ಒಂಬತ್ತು ತಿಂಗಳುಗಳಲ್ಲಿ ಪೇಟಿಎಂನ ನಾಲ್ಕನೇ ತ್ರೈಮಾಸಿಕದ ಆದಾಯವು 2,334 ಕೋಟಿ ರೂಪಾಯಿ ಆಗಿದೆ. ಫೋನ್‌ಪೇ ಆದಾಯವು 1,912 ಕೋಟಿ ರೂಪಾಯಿ ಆಗಿದೆ. ಫೋನ್‌ಪೇ ಹಾಗೂ ಗೂಗಲ್‌ ಪೇ ಯುಪಿಐ ಪಿ2ಪಿ ಮೇಲೆ ಗಮನ ಹರಿಸಿದಾಗ, ಪೇಟಿಎಂ ಮಾತ್ರ ತನ್ನ ವಹಿವಾಟನ್ನು ವಿಸ್ತರಿಸುವೆಡೆ ಗಮನಹರಿಸಿದೆ.

ಪೇಟಿಎಂ ಪ್ರಮುಖವಾಗಿ ಮೆರ್ಚೆಂಟ್ ಪೇಮೆಂಟ್ ಮೇಲೆ ಗಮನವನ್ನು ಹರಿಸಿದೆ. ಇದರಿಂದಾಗಿ ಹಣವನ್ನು ಸಂಗ್ರಹ ಮಾಡಿದೆ. ನಾಲ್ಕನೇ ತ್ರೈಮಾಸಿಕದಲ್ಲಿ ಪೇಟಿಎಂ 182 ಕೋಟಿ ರೂಪಾಯಿ ಯುಪಿಐ ಪ್ರೋತ್ಸಾಹ ಧನವನ್ನು ಪಡೆದುಕೊಂಡಿದೆ. ವಾರ್ಷಿಕವಾಗಿ ನೋಡಿದಾಗ ಈ ಆದಾಯವು ಶೇಕಡ 101ರಷ್ಟು ಏರಿಕೆಯನ್ನು ಕಂಡಿದೆ.

ಆಫ್‌ಲೈನ್ ವಹಿವಾಟುಗಳಿಗಾಗಿ, ಕಂಪನಿಯು ಪೇಟಿಎಂ ಕ್ಯೂಆರ್‌ ಕೋಡ್, ಅಂಡ್ರಾಯ್ಡ್ ಸ್ಮಾರ್ಟ್ ಪಿಒಎಸ್, ಇಡಿಸಿ (ಎಲೆಕ್ಟ್ರಾನಿಕ್ ಡೇಟಾ ಕ್ಯಾಪ್ಚರ್) ಸಾಧನ, ಐಒಟಿ ಸಾಧನಗಳು ಮತ್ತು ಸೌಂಡ್‌ಬಾಕ್ಸ್‌ನಂತಹ ಸಾಧನಗಳನ್ನು ಹೊಂದಿದೆ. ಇದಲ್ಲದೆ, ಕಂಪನಿಯು ಸಾಲ ನೀಡುವ ವ್ಯವಹಾರವನ್ನು ಕೂಡಾ ಆರಂಭ ಮಾಡಿದೆ. ತನ್ನ ಪ್ಲಾಟ್‌ಫಾರ್ಮ್ ಮೂಲಕ ಸಾಲಗಳ ಮೌಲ್ಯದಲ್ಲಿ ಶೇಕಡ 364ರಷ್ಟು ಹೆಚ್ಚಳವನ್ನು ಕಂಡಿದೆ.

ಹಣಕಾಸು ವರ್ಷ 2023ರ ನಾಲ್ಕನೇ ತ್ರೈಮಾಸಿಕದಲ್ಲಿ ಹಣಕಾಸು ಸೇವೆಗಳು ಮತ್ತು ಇತರ ಆದಾಯವು ಶೇಕಡ 183ರಷ್ಟು (ವರ್ಷದಿಂದ ವರ್ಷಕ್ಕೆ) 475 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ. ಹಣಕಾಸು ವರ್ಷ 2023ರಲ್ಲಿ ಹಣಕಾಸು ಸೇವೆಗಳು ಮತ್ತು ಇತರ ಆದಾಯವು ಶೇಕಡ 252ರಷ್ಟು ಜಿಗಿದು 1,540 ಕೋಟಿ ರೂಪಾಯಿಗೆ ತಲುಪಿದೆ. ಇದರಿಂದಾಗಿ ಪೇಟಿಎಂ ಲಾಭವು ಅಧಿಕವಾಗಿದೆ. ಮೂರನೇ ತ್ರೈಮಾಸಿಕದಲ್ಲಿ ಲಾಭವು 101 ಕೋಟಿ ರೂಪಾಯಿಗೆ ಏರಿಕೆಯಾಗಿದೆ.

ಸಾಫ್ಟ್‌ಬ್ಯಾಂಕ್ ಷೇರು ಶೇಕಡ 2ರಷ್ಟು ಇಳಿಕೆ ಬಳಿಕ ಪೇಟಿಎಂ ಷೇರು ಕುಸಿತ

ಮಾರುಕಟ್ಟೆ ನಿಯಂತ್ರಕ ಸೆಬಿಯ ಸ್ವಾಧೀನದ ನಿಯಮಗಳನ್ನು ಅನುಸರಿಸಲು ಫೆಬ್ರವರಿ 2023 ರಿಂದ ಮುಕ್ತ ಮಾರುಕಟ್ಟೆ ವಹಿವಾಟುಗಳ ಸೀರಿಸ್‌ನಲ್ಲಿ ಫಿನ್‌ಟೆಕ್ ಪ್ಲಾಟ್‌ಫಾರ್ಮ್‌ನಲ್ಲಿನ ಶೇಕಡ 2.07ರಷ್ಟು ಪಾಲನ್ನು ಮಾರಾಟ ಮಾಡಿದೆ ಎಂದು ಸಾಫ್ಟ್‌ಬ್ಯಾಂಕ್ ಹೇಳಿದೆ. ಇದಾದ ಬಳಿಕ ಒನ್ 97 ಕಮ್ಯುನಿಕೇಷನ್ಸ್ ಲಿಮಿಟೆಡ್‌ನ ಷೇರುಗಳು ಗುರುವಾರದ ವಹಿವಾಟಿನಲ್ಲಿ ಶೇಕಡ 3ಕ್ಕಿಂತ ಕೆಳಕ್ಕೆ ಇಳಿಕೆ ಕಂಡಿದೆ.

ಫೆಬ್ರವರಿ 10 ರಿಂದ ಮೇ 8 ರ ನಡುವೆ ಕೈಗೊಂಡ ವಿಲೇವಾರಿಗಳ ಸೀರಿಸ್‌ನಲ್ಲಿ ಪೇಟಿಎಂನ ಒಟ್ಟು 13,103,148 ಈಕ್ವಿಟಿ ಷೇರುಗಳನ್ನು ಮಾರಾಟ ಮಾಡಿದೆ ಎಂದು ಸಾಫ್ಟ್‌ಬ್ಯಾಂಕ್ ಹೇಳಿದೆ. ಮೇ 8 ರಂದು ಪೇಟಿಎಂ ಹಿಂದಿನ ವಿಲೇವಾರಿಗಳೊಂದಿಗೆ ಸೇರಿಕೊಂಡು, ಶೇಕಡ 2ರಷ್ಟು ಮಿತಿಯನ್ನು ಉಲ್ಲಂಘಿಸಿದೆ ಎಂದು ಸಾಫ್ಟ್‌ಬ್ಯಾಂಕ್ ಹೇಳಿದೆ. ಇದಾದ ಬಳಿಕ ಪೇಟಿಎಂ ಷೇರುಗಳು ಶೇಕಡ 3.33ರಷ್ಟು ಕುಸಿದು ಬಿಎಸ್‌ಇಯಲ್ಲಿ 703.30 ರೂಪಾಯಿಗೆ ತಲುಪಿದೆ.