Paytm: ಹೊಸ UPI ಐಡಿ ಸೌಲಭ್ಯ ಪ್ರಾರಂಭ.. ಇನ್ಮುಂದೆ ಪಾವತಿಗೆ ಮೊಬೈಲ್ ನಂಬರ್ ಬೇಕಿಲ್ಲ.. ಡಿಜಿಟಲ್ ಪಾವತಿಗೆ ಹೊಸ ರೂಪ

ಡಿಜಿಟಲ್ ಪಾವತಿಗೆ ಹೊಸ ರೂಪ! ಇನ್ಮುಂದೆ ಪಾವತಿಗೆ ಮೊಬೈಲ್ ನಂಬರ್ ಬೇಕಿಲ್ಲ.. ಹೌದು, ಭಾರತದಲ್ಲಿ ಪೇಟಿಎಂ ಮೂಲಕ ಹಣಕಾಸಿನ ವಹಿವಾಟುಗಳು ದೊಡ್ಡ ಪ್ರಮಾಣದಲ್ಲಿ ಪ್ರತಿನಿತ್ಯವು ನಡೆಯುತ್ತವೆ. ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಆನ್‌ಲೈನ್ ವಹಿವಾಟುಗಳನ್ನು ಮಾಡಲು ಪೇಟಿಎಂ ಅನ್ನೇ ಬಳಕೆ ಮಾಡಿಕೊಳ್ಳುತ್ತಾರೆ. ಪೇಟಿಎಂ ಮೂಲಕ ಇನ್ನೂ ಅನೇಕ ಹಣಕಾಸು ಸೇವೆಗಳನ್ನು ಪಡೆಯಲಾಗುತ್ತಿದೆ. ಪೇಟಿಎಂ ತನ್ನ ಗ್ರಾಹಕರಿಗೆ ಮತ್ತೊಮ್ಮೆ ಹೊಸ ಸೌಲಭ್ಯವನ್ನು ಪ್ರಾರಂಭಿಸಿದೆ. ಈ ಹೊಸ ಸೇವೆಯ ಮೂಲಕ, ಬಳಕೆದಾರರು ಈಗ ತಮ್ಮ ಆಯ್ಕೆಯ ಯುಪಿಐ ಐಡಿಯನ್ನು ರಚಿಸಬಹುದು, ಇದು ಮೊಬೈಲ್ ಸಂಖ್ಯೆಯ ಗೌಪ್ಯತೆಯನ್ನು ಖಚಿತಪಡಿಸಿಕೊಳ್ಳಬಹುದು.

ಡಿಜಿಟಲ್ ಪಾವತಿಗೆ ಹೊಸ ರೂಪ

ಇಂದಿನ ಕಾಲದಲ್ಲಿ, ಲಕ್ಷಾಂತರ ಜನರು ಆನ್‌ಲೈನ್ ಪಾವತಿಗಳಿಗಾಗಿಯುಪಿಐ ಬಳಸುತ್ತಿದ್ದಾರೆ. ಸಾಮಾನ್ಯವಾಗಿ ಮೊಬೈಲ್ ಸಂಖ್ಯೆಯ ಮೂಲಕ ಹಣ ಪಾವತಿ ಮಾಡುತ್ತಾರೆ. ಆದರೆ ಅನೇಕ ಜನರು ತಮ್ಮ ವೈಯಕ್ತಿಕ ಮಾಹಿತಿಯ ಬಗ್ಗೆ ಜಾಗರೂಕರಾಗಿರುತ್ತಾರೆ. ಇದನ್ನು ಗಮನದಲ್ಲಿಟ್ಟುಕೊಂಡು, ಪೇಟಿಎಂ ಹೊಸ ವೈಶಿಷ್ಟ್ಯವನ್ನು ಪ್ರಾರಂಭಿಸಿದೆ, ಅದೇ ವೈಯಕ್ತಿಕಗೊಳಿಸಿದ ಯುಪಿಐ ಐಡಿ.

ಬಳಕೆದಾರರು ಈಗ ತಮ್ಮ ನೆಚ್ಚಿನ ಹೆಸರು ಅಥವಾ ಪದಗಳೊಂದಿಗೆ ವಿಶಿಷ್ಟವಾದ ಯುಪಿಐ ಐಡಿಯನ್ನುಕ್ರಿಯೇಟ್ ಮಾಡಿಕೊಳ್ಳಬಹುದು. ಉದಾಹರಣೆಗೆ, ನೀವು rohit@ptaxis ಅಥವಾ meena@ptyes ನಂತಹ ಐಡಿಯನ್ನು ಕ್ರಿಯೇಟ್ ಮಾಡಬಹುದು.

ಇದರಿಂದ ಗೌಪ್ಯತೆ ಹೇಗೆ ಹೆಚ್ಚಾಗುತ್ತದೆ?

ಈ ಸೌಲಭ್ಯವು ವಿಶೇಷವಾಗಿ ಪ್ರತಿ ಬಾರಿಯೂ ತಮ್ಮ ಮೊಬೈಲ್ ಸಂಖ್ಯೆಯನ್ನು ಹಂಚಿಕೊಳ್ಳಲು ಇಷ್ಟಪಡದ ಜನರಿಗಾಘಿ ರೂಪಿಸಲಾಗಿದೆ. ಅವರು ಅಪರಿಚಿತ ಗ್ರಾಹಕರಿಂದ ಪಾವತಿಯನ್ನು ಪಡೆದರೂ ಅಥವಾ ಆನ್‌ಲೈನ್ ವ್ಯವಹಾರ ಮಾಡಿದರೂ, ಈಗ ಅವರು ತಮ್ಮ ವಿಶಿಷ್ಟ ಐಡಿಯನ್ನು ಮಾತ್ರ ಹಂಚಿಕೊಳ್ಳಬೇಕಾಗುತ್ತದೆ. ಡಿಜಿಟಲ್ ವಹಿವಾಟುಗಳನ್ನು ಮಾಡುವಾಗ ಜನರು ಉತ್ತಮ ಗೌಪ್ಯತೆ ಮತ್ತು ನಿಯಂತ್ರಣವನ್ನು ಪಡೆಯಲು ಪೇಟಿಎಂ ಈ ಕ್ರಮವನ್ನು ತೆಗೆದುಕೊಂಡಿದೆ. ಮೊಬೈಲ್ ಸಂಖ್ಯೆಯನ್ನು ಸೀಕ್ರೆಟ್ ಇಟ್ಟುಕೊಳ್ಳುವುದು ಈಗ ಸುಲಭವಾಗಿದೆ.

ಯಾವ ಬ್ಯಾಂಕಿನಲ್ಲಿ ಪ್ರಸ್ತುತ ಈ ಸೌಲಭ್ಯ ಲಭ್ಯವಿದೆ?

ಪೇಟಿಎಂ ಈ ವೈಶಿಷ್ಟ್ಯವನ್ನು ಯೆಸ್ ಬ್ಯಾಂಕ್ ಮತ್ತು ಆಕ್ಸಿಸ್ ಬ್ಯಾಂಕ್ ಬೆಂಬಲಿಸುವ ಯುಪಿಐ ಹ್ಯಾಂಡಲ್‌ಗಳಲ್ಲಿ ಲೈವ್ ಮಾಡಿದೆ. ಪ್ರಸ್ತುತ, ಈ ವೈಯಕ್ತಿಕ ಯುಪಿಐ ಐಡಿಯನ್ನು ಈ ಬ್ಯಾಂಕುಗಳ ಹ್ಯಾಂಡಲ್‌ಗಳಲ್ಲಿ ಮಾತ್ರ ರಚಿಸಬಹುದು. ಮುಂಬರುವ ದಿನಮಾನಗಳಲ್ಲಿ ಈ ಸೌಲಭ್ಯವನ್ನು ಇತರ ಬ್ಯಾಂಕುಗಳಿಗೂ ಪ್ರಾರಂಭಿಸಲಾಗುವುದು ಎಂದು ಕಂಪನಿ ಮಾಹಿತಿಯನ್ನು ತಿಳಿಸಿದೆ.

ಸುಲಭ ಹಂತಗಳಲ್ಲಿ ನಿಮ್ಮ ವೈಯಕ್ತಿಕ UPI ಐಡಿಯನ್ನು ಹೇಗೆ ರಚಿಸುವುದು ಹೇಗೆ..? ಈ ಹಂತಗಳನ್ನು ಅನುಸರಿಸಿ.

• ನಿಮ್ಮ ಮೊಬೈಲ್‌ನಲ್ಲಿ Paytm ಅಪ್ಲಿಕೇಶನ್ ತೆರೆಯಿರಿ.
• ಪ್ರೊಫೈಲ್ ಐಕಾನ್ ಮೇಲೆ ಟ್ಯಾಪ್ ಮಾಡಿ UPI ಸೆಟ್ಟಿಂಗ್‌ಗಳಿಗೆ ಹೋಗಿ
• UPI ಐಡಿ ನಿರ್ವಹಿಸಿ ಮೇಲೆ ಕ್ಲಿಕ್ ಮಾಡಿ
• ವೈಯಕ್ತಿಕಗೊಳಿಸಿದ UPI ಐಡಿ ರಚಿಸಿ ಆಯ್ಕೆಯನ್ನು ಆರಿಸಿ
• ನಿಮ್ಮ ಆದ್ಯತೆಯ UPI ಐಡಿಯನ್ನು ಟೈಪ್ ಮಾಡಿ ಮತ್ತು ದೃಢೀಕರಿಸಿ
• ಐಡಿ ಸಕ್ರಿಯಗೊಂಡ ತಕ್ಷಣ ನೀವು ಅದನ್ನು ಬಳಸಬಹುದು.

ಇದು ಉದ್ಯಮಿಗಳಿಗೆ ಒಂದು ವರದಾನ ಆನ್‌ಲೈನ್ ಸೇವೆಗಳನ್ನು ಒದಗಿಸುವವರಿಗೆ ಅಥವಾ ಸಣ್ಣ ವ್ಯವಹಾರಗಳನ್ನು ನಡೆಸುವವರಿಗೆ ಈ ಸೌಲಭ್ಯವು ತುಂಬಾ ಉಪಯುಕ್ತವಾಗಿದೆ. ಮೊಬೈಲ್ ಸಂಖ್ಯೆಯ ಬದಲಿಗೆ ವೃತ್ತಿಪರ UPI ಐಡಿಯನ್ನು ಒದಗಿಸುವುದರಿಂದ ಬ್ರ್ಯಾಂಡ್ ಗುರುತನ್ನು ನಿರ್ಮಿಸುತ್ತದೆ ಮತ್ತು ಗ್ರಾಹಕರೊಂದಿಗೆ ಸಂವಹನವನ್ನು ಸುರಕ್ಷಿತವಾಗಿರುತ್ತದೆ.

ಪೇಟಿಎಂ ಈ ಕ್ರಮ ಕೈಗೊಂಡಿದ್ದು ಏಕೆ?

ಡಿಜಿಟಲ್ ವಹಿವಾಟುಗಳನ್ನು ಸುಲಭಗೊಳಿಸುವುದಲ್ಲದೆ ಸುರಕ್ಷಿತ ಮತ್ತು ವೈಯಕ್ತಿ ಮಾಹಿತಿಯನ್ನು ಸುರಂಕ್ಷಿತವಾಗಿ ಇಡುವುದು ಮುಖ್ಯ ಎಂದು ಪೇಟಿಎಂ ಹೇಳಿದೆ. UPI ಐಡಿ ವಹಿವಾಟುಗಳನ್ನು ಸುರಕ್ಷಿತವಾಗಿಸುವುದಲ್ಲದೆ, ಬಳಕೆದಾರರಿಗೆ ಅವರ ಡೇಟಾದ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ನೀಡುತ್ತದೆ. ಪೇಟಿಎಂನ ಈ ಹೊಸ ವೈಶಿಷ್ಟ್ಯವು ಭಾರತದ ಡಿಜಿಟಲ್ ವ್ಯವಸ್ಥೆಯಲ್ಲಿ ಒಂದು ದೊಡ್ಡ ಬದಲಾವಣೆಯಾಗಿದೆ.ಈ ವೈಶಿಷ್ಟ್ಯವು ಗೌಪ್ಯತೆಯನ್ನು ಬಲಪಡಿಸುವುದಲ್ಲದೆ, ಡಿಜಿಟಲ್ ಪಾವತಿಗಳನ್ನು ಸುಲಭ ಮತ್ತು ಹೆಚ್ಚು ಬಳಕೆದಾರ ಸ್ನೇಹಿಯನ್ನಾಗಿ ಕಾರ್ಯನಿರ್ವಹಿಸುತ್ತದೆ.