HDFCಯ 1.75 ಕೋಟಿ ಷೇರು ಖರೀದಿಸಿದ ಚೀನಾ ಬ್ಯಾಂಕ್
ಪೀಪಲ್ ಬ್ಯಾಂಕ್ ಚೀನಾವು ಎಚ್ ಡಿಎಫ್ ಸಿ ಲಿಮಿಟೆಡ್ ನ 1.75 ಕೋಟಿ ಷೇರುಗಳನ್ನು ಖರೀದಿಸಿದೆ. ಚೀನಾದ ಕೇಂದ್ರ ಬ್ಯಾಂಕ್ 1,74,92,909 ಷೇರು ಅಥವಾ 1% ಷೇರುಗಳನ್ನು ಖರೀದಿ ಮಾಡಿದೆ ಎಂದು ಷೇರು ಮಾರುಕಟ್ಟೆಯ ಮೂಲಗಳು ತಿಳಿಸಿವೆ. ಈ ಖರೀದಿಯು ಜನವರಿ ಹಾಗೂ ಮಾರ್ಚ್ ಮಧ್ಯೆ ನಡೆದಿದೆ.
ಕೊರೊನಾ ವ್ಯಾಪಿಸಿತ್ತಿರುವ ಹಿನ್ನೆಲೆಯಲ್ಲಿ ಇತ್ತೀಚಿನ ವಾರಗಳಲ್ಲಿ ಎಚ್ ಡಿಎಫ್ ಸಿ ಷೇರಿನ ಬೆಲೆಯು ಇಳಿಕೆ ಹಾದಿಯಲ್ಲಿತ್ತು. ಆ ಸಮಯವನ್ನು ಬಳಸಿಕೊಂಡು ಖರೀದಿ ಮಾಡಲಾಗಿದೆ. ಫೆಬ್ರವರಿ ಮೊದಲ ವಾರದಿಂದ ಈಚೆಗೆ ಎಚ್ ಡಿಎಫ್ ಸಿ ಷೇರಿನ ಬೆಲೆ 41 ಪರ್ಸೆಂಟ್ ಕುಸಿತ ಕಂಡಿದೆ. ಪ್ರಮುಖ ಆರ್ಥಿಕತೆಗಳು ಕುಸಿದಿರುವುದರಿಂದ ಪ್ರಮುಖ ಆರ್ಥಿಕ ಸಂಸ್ಥೆಗಳಲ್ಲಿ ಷೇರಿನ ಪಾಲು ಖರೀದಿಸಲು ಆರಂಭಿಸಿದೆ ಚೀನಾ.
ಏಷ್ಯಾದ ರಾಷ್ಟ್ರಗಳಾದ ಪಾಕಿಸ್ತಾನ, ಬಾಂಗ್ಲಾದೇಶ್ ಮತ್ತಿತರ ಕಡೆಗಳಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಚೀನಾ ಮಹತ್ತರವಾದ ಹೂಡಿಕೆ ಮಾಡುತ್ತಾ ಬಂದಿದೆ. ಅದರಲ್ಲೂ ಮೂಲಸೌಕರ್ಯ ಯೋಜನೆಗಳು, ಟೆಕ್ನಾಲಜಿ ಕಂಪೆನಿಗಳಲ್ಲಿ ಹೂಡಿಕೆ ಮಾಡಲಾಗುತ್ತಿದೆ. ಅದರದೇ ಭಾಗವಾಗಿ ಈಗ ಎಚ್ ಡಿಎಫ್ ಸಿಯಲ್ಲಿ ಹೂಡಿಕೆ ಮಾಡಿದೆ.