ಪೆಟ್ರೋಲ್-ಡೀಸೆಲ್ ದರದಲ್ಲಿ ಭಾರೀ ಇಳಿಕೆ, ಪ್ರಮುಖ ನಗರಗಳಲ್ಲಿ ದರ ಹೀಗಿದೆ

ಜಾಗತಿಕ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಭಾರೀ ಇಳಿಕೆಯತ್ತ ಜಾಗಿದೆ. ಜಾಗತಿಕ ಮಟ್ಟದಲ್ಲಿ ಕೊರೊನಾವೈರಸ್ ಭೀತಿ ಮುಂದುವರಿದಿದ್ದು ತೈಲ ಬಳಕೆ ಪ್ರಮಾಣವು ತಗ್ಗಿದೆ. ಭಾರತದಲ್ಲಿ ಸೋಮವಾರ ಪೆಟ್ರೋಲ್ ದರವು ಲೀಟರ್‌ಗೆ 24 ಪೈಸೆ ಇಳಿಕೆಯಾಗಿದ್ದು, ಡೀಸೆಲ್ ದರವು ಲೀಟರ್‌ಗೆ 25 ಪೈಸೆ ಅಗ್ಗವಾಗಿದೆ.

ಜನವರಿ 12ರಿಂದ ತೈಲ ದರವು ಇಳಿಕೆಯತ್ತಲೇ ಸಾಗಿದ್ದು ಈ ವರ್ಷ ಪೆಟ್ರೋಲ್ ದರ ಲೀಟರ್‌ಗೆ 4.55 ರುಪಾಯಿ ತಗ್ಗಿದೆ. ಡೀಸೆಲ್ ದರವು ಲೀಟರ್‌ಗೆ 4.77 ರುಪಾಯಿ ಕಡಿಮೆಯಾಗಿದೆ.

ತೈಲ ಬೆಲೆ ಸೋಮವಾರದಂದು 20 ಪರ್ಸೆಂಟ್ ಗೂ ಹೆಚ್ಚು ಕುಸಿಯಿತು. ತೈಲದ ಪ್ರಮುಖ ಪೂರೈಕೆದಾರ ರಾಷ್ಟ್ರವಾದ ಸೌದಿ ಅರೇಬಿಯಾ ದರ ಸಮರಕ್ಕೆ ಇಳಿದ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ಕಂಡುಬಂದಿದೆ.

ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆಯಲ್ಲಿ ಏರಿಳಿತ ಮತ್ತು ಡಾಲರ್-ರುಪಾಯಿ ವಿನಿಮಯ ದರದ ಆಧಾರದ ಮೇಲೆ ಪೆಟ್ರೋಲ್-ಡೀಸೆಲ್ ಬೆಲೆಯು ಏರಿಳಿತ ಕಾಣುತ್ತದೆ. ದೇಶದ ಪ್ರಮುಖ ನಗರಗಳಲ್ಲಿ ಇಂದಿನ ಪೆಟ್ರೋಲ್, ಡೀಸೆಲ್ ದರವು ಲೀಟರ್‌ಗೆ ಎಷ್ಟಿದೆ ಎಂಬುದು ಈ ಕೆಳಕಂಡಂತಿದೆ.

ನಗರ	ಪೆಟ್ರೋಲ್ ದರ	ಡೀಸೆಲ್ ದರ
ಬೆಂಗಳೂರು	73.01	65.42
ದೆಹಲಿ	70.59	63.26
ಕೊಲ್ಕತ್ತಾ	73.28	65.59
ಮುಂಬೈ	76.29	66.24
ಚೆನ್ನೈ	73.33	66.75
ಗುರುಗಾವ್	70.99	62.85
ನೊಯ್ಡ	72.91	63.78
ಭುವನೇಶ್ವರ್	69.45	67.96
ಚಂಡೀಗಡ	66.76	60.23
ಹೈದ್ರಾಬಾದ್	75.04	68.88
ಜೈಪುರ	74.41	68.35
ಲಕ್ನೋ	72.71	63.65
ಪಾಟ್ನಾ	75.24	67.98
ತ್ರಿವೆಂಡ್ರಮ್	73.69	68.21