ಪಿಎಂ ಕಿಸಾನ್ ಸಮ್ಮಾನ್ ನಿಧಿ: ಇಂದು 16ನೇ ಕಂತಿನ ಹಣ ಬಿಡುಗಡೆ

ನವದೆಹಲಿ, ಫೆಬ್ರವರಿ 28: ಪಿಎಂ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ (ಪಿಎಂ-ಕಿಸಾನ್) 16ನೇ ಕಂತು ಫೆಬ್ರವರಿ 28, 2024 ರಂದು ಬಿಡುಗಡೆಯಾಗಲಿದೆ.

ಪ್ರಧಾನಮಂತ್ರಿ ಕಿಸಾನ್ ಯೋಜನೆಯಡಿ ದಾಖಲಾಗಿರುವ ರೈತರು ವಾರ್ಷಿಕ ರೂ 6,000 ನಗದು ಲಾಭವನ್ನು ಪಡೆಯಲು ಅರ್ಹರಾಗಿರುತ್ತಾರೆ, ಇದನ್ನು ತಲಾ ರೂ 2,000 ರಂತೆ ಮೂರು ಕಂತುಗಳಲ್ಲಿ ವಿತರಿಸಲಾಗುತ್ತದೆ. ಪ್ರಧಾನಿ ನರೇಂದ್ರ ಮೋದಿ ಅವರು 15 ನೇ ಕಂತನ್ನು ಬಿಡುಗಡೆ ಮಾಡಿದರು ಮತ್ತು ಅದನ್ನು ನವೆಂಬರ್ 15, 2023 ರಂದು ವಿತರಿಸಿದ್ದರು.

ಪಿಎಂ ಕಿಸಾನ್ ನೋಂದಾಯಿತ ರೈತರಿಗೆ ಇ ಕೆವೈಸಿ ಕಡ್ಡಾಯವಾಗಿದೆ ಎಂದು ಕೇಂದ್ರವು ಸ್ಪಷ್ಟವಾಗಿ ಹೇಳಿದೆ. ಒಟಿಪಿ ಆಧಾರಿತ ಇಕೆವೈಸಿ ಪಿಎಂ ಕಿಸಾನ್ ಪೋರ್ಟಲ್‌ನಲ್ಲಿ ಲಭ್ಯವಿದೆ ಅಥವಾ ಬಯೋಮೆಟ್ರಿಕ್ ಆಧಾರಿತ ಇಕೆವೈಸಿ ಅನ್ನು CSC ಕೇಂದ್ರಗಳಲ್ಲಿ ಮಾಡಬಹುದು. ಪರಿಣಾಮಕಾರಿ ಮತ್ತು ಸಮಯೋಚಿತ ಪರಿಹಾರಕ್ಕಾಗಿ ರೈತರು ತಮ್ಮ ಸಮಸ್ಯೆಗಳನ್ನು ಪಿಎಂ ಕಿಸಾನ್ ಪೋರ್ಟಲ್ ಮತ್ತು 24×7 IVRS ಸೌಲಭ್ಯದಲ್ಲಿ ಸಲ್ಲಿಸಬಹುದು.

ರೈತರ ಪ್ರಶ್ನೆಗಳನ್ನು ಅವರದೇ ಭಾಷೆಯಲ್ಲಿ ಪರಿಹರಿಸಲು ಡಿಜಿಟಲ್ ನೆರವು ನೀಡಲು ಕೇಂದ್ರವು ಕಿಸಾನ್ ಇ-ಮಿತ್ರ (AI ಚಾಟ್‌ಬಾಟ್) ಅನ್ನು ಅಭಿವೃದ್ಧಿಪಡಿಸಿದೆ. Kisan-eMitra, AI ಚಾಟ್‌ಬಾಟ್ ಆರಂಭದಲ್ಲಿ 5 ಭಾಷೆಗಳಲ್ಲಿ ಅಂದರೆ ಇಂಗ್ಲಿಷ್, ಹಿಂದಿ, ಒಡಿಯಾ, ತಮಿಳು ಮತ್ತು ಬಾಂಗ್ಲಾ ಭಾಷೆಗಳಲ್ಲಿ ಲಭ್ಯವಿದೆ.

ಪಿಎಂ ಕಿಸಾನ್ ಫಲಾನುಭವಿ ಸ್ಥಿತಿ ಪರಿಶೀಲನೆ ಹೇಗೆ:

• ಫಲಾನುಭವಿಗಳು ತಮ್ಮ ಕಂತುಗಳ ಸ್ಥಿತಿಯನ್ನು PM ಕಿಸಾನ್ ಪೋರ್ಟಲ್‌ನಲ್ಲಿ ಆನ್‌ಲೈನ್‌ನಲ್ಲಿ ಪರಿಶೀಲಿಸಬಹುದು. https://pmkisan.gov.in/.

• ವೆಬ್‌ಸೈಟ್‌ಗೆ ಭೇಟಿ ನೀಡಿದ ನಂತರ: ಪುಟದ ಬಲಭಾಗದಲ್ಲಿ ಗೋಚರಿಸುವ 'ನಿಮ್ಮ ಸ್ಥಿತಿಯನ್ನು ತಿಳಿಯಿರಿ' ಮೇಲೆ ಕ್ಲಿಕ್ ಮಾಡಿ

• ನೋಂದಣಿ ಸಂಖ್ಯೆಯನ್ನು ಸೇರಿಸಿ

• ಕ್ಯಾಪ್ಚಾ ಕೋಡ್ ನಮೂದಿಸಿ

• 'Get Data' ಆಯ್ಕೆಯನ್ನು ಕ್ಲಿಕ್ ಮಾಡಿ

• ಫಲಾನುಭವಿಯ ಸ್ಥಿತಿಯು ಪರದೆಯ ಮೇಲೆ ಕಾಣಿಸುತ್ತದೆ.

ಫಲಾನುಭವಿಗಳ ಪಟ್ಟಿಯನ್ನು ಪರಿಶೀಲಿಸುವುದು ಹೇಗೆ

• ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ: https://pmkisan.gov.in/rpt_beneficiarystatus_pub.aspx

• ಈಗ, ಫಲಾನುಭವಿ ಸೇರಿರುವ ರಾಜ್ಯವನ್ನು ಆಯ್ಕೆಮಾಡಿ.

• ಜಿಲ್ಲೆ ಆಯ್ಕೆಮಾಡಿ.

• ಮುಂದಿನ ಹಂತವು ಉಪ ಜಿಲ್ಲೆಯನ್ನು ಆಯ್ಕೆ ಮಾಡುವುದು.

• ಬ್ಲಾಕ್ ಆಯ್ಕೆಮಾಡಿ ಮತ್ತು ಗ್ರಾಮದ ಹೆಸರನ್ನು ನಮೂದಿಸಿ.

• ಗೆಟ್ ರಿಪೋರ್ಟ್ ಮೇಲೆ ಕ್ಲಿಕ್ ಮಾಡಿ.

• ಫಲಾನುಭವಿಯ ಸ್ಥಿತಿ ತೆರೆಯ ಮೇಲೆ ಕಾಣಿಸುತ್ತದೆ.