RBI Imposes Penalty: ಐಸಿಐಸಿಐ, ಕೋಟಕ್ ಬ್ಯಾಂಕ್‌ಗೆ ಆರ್‌ಬಿಐ ದಂಡ, ಕಾರಣವೇನು?

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಕಳೆದ ಕೆಲವು ದಿನಗಳ ಹಿಂದೆ ಯೂನಿಯನ್ ಬ್ಯಾಂಕ್, ಆರ್‌ಬಿಎಲ್‌ ಬ್ಯಾಂಕ್, ಬಜಾಜ್ ಫೈನಾನ್ಸ್‌ಗೆ ದಂಡವನ್ನು ವಿಧಿಸಿತ್ತು. ಈಗ ಮಂಗಳವಾರ ಎರಡು ಖಾಸಗಿ ವಲಯದ ಬ್ಯಾಂಕ್‌ಗಳಾದ ಐಸಿಐಸಿಐ ಬ್ಯಾಂಕ್ ಮತ್ತು ಕೋಟಕ್ ಮಹೀಂದ್ರಾ ಬ್ಯಾಂಕ್‌ಗೆ ನಿಯಮ ಪಾಲನೆ ಮಾಡದ ಕಾರಣಕ್ಕಾಗಿ ದಂಡ ವಿಧಿಸಿದೆ.

ಬ್ಯಾಂಕ್‌ಗಳಿಂದ ಹಣಕಾಸು ಸೇವೆಗಳ ಹೊರಗುತ್ತಿಗೆಯಲ್ಲಿ ಅಪಾಯಗಳು ಮತ್ತು ನೀತಿ ಸಂಹಿತೆ ನಿರ್ವಹಿಸುವುದು, ಬ್ಯಾಂಕ್‌ಗಳಿಂದ ತೊಡಗಿಸಿಕೊಂಡಿರುವ ರಿಕವರಿ ಏಜೆಂಟ್‌ಗಳು, ಬ್ಯಾಂಕ್‌ಗಳಲ್ಲಿ ಗ್ರಾಹಕ ಸೇವೆ, ಸಾಲಗಳು ಮತ್ತು ಮುಂಗಡಗಳು ಇತರೆ ನಿರ್ಬಂಧಗಳಿಗೆ ಸಂಬಂಧಿಸಿದ ನಿಯಮವನ್ನು ಉಲ್ಲಂಘನೆ ಮಾಡಿದ ಕಾರಣಕ್ಕಾಗಿ ಆರ್‌ಬಿಐ 3.95 ಕೋಟಿ ರೂಪಾಯಿ ದಂಡವನ್ನು ಕೋಟಕ್ ಮಹೀಂದ್ರಾ ಬ್ಯಾಂಕ್‌ಗೆ ವಿಧಿಸಿದೆ.

ಇನ್ನು ಬ್ಯಾಂಕಿಂಗ್ ನಿಯಂತ್ರಣ ಕಾಯಿದೆ, 1949 (ಬಿಆರ್ ಆಕ್ಟ್) ಸೆಕ್ಷನ್ 20(1) ಅನ್ನು ಉಲ್ಲಂಘಿಸಿದ್ದಕ್ಕಾಗಿ ಐಸಿಐಸಿಐ ಬ್ಯಾಂಕ್ ಲಿಮಿಟೆಡ್ (ಬ್ಯಾಂಕ್) ಗೆ ಕೇಂದ್ರ ಬ್ಯಾಂಕ್ 12.19 ಕೋಟಿ ರೂಪಾಯಿಗಳ ವಿತ್ತೀಯ ದಂಡವನ್ನು ವಿಧಿಸಿದೆ. ವಂಚನೆಗಳ ವರ್ಗೀಕರಣ ಮತ್ತು ಆರ್‌ಬಿಐ ನಿರ್ದೇಶನಗಳನ್ನು ಅನುಸರಿಸದಿರುವುದು ಈ ದಂಡಕ್ಕೆ ಪ್ರಮುಖ ಕಾರಣವಾಗಿದೆ.

ಐಸಿಐಸಿಐ ಬ್ಯಾಂಕ್ ತನ್ನ ಇಬ್ಬರು ನಿರ್ದೇಶಕರು ಸಹ ನಿರ್ದೇಶಕರಾಗಿರುವ ಕಂಪನಿಗಳಿಗೆ ಸಾಲಗಳನ್ನು ಮಂಜೂರು ಮಾಡಿದೆ/ಬದ್ಧಗೊಳಿಸಿದೆ ಎಂದು ಆರ್‌ಬಿಐಯ ತಪಾಸಣಾ ವರದಿಗಳು ಬಹಿರಂಗಪಡಿಸಿವೆ. (ii) ಹಣಕಾಸು-ಅಲ್ಲದ ಉತ್ಪನ್ನಗಳ ಮಾರಾಟ ಮತ್ತು ಮಾರಾಟದಲ್ಲಿ ತೊಡಗಿವೆ ಮತ್ತು (iii) ಆರ್‌ಬಿಐಗೆ ನಿಗದಿತ ಸಮಯದಲ್ಲಿ ವಂಚನೆ ಬಗ್ಗೆ ಮಾಹಿತಿ ನೀಡಲು ವಿಫಲವಾಗಿದೆ ಎಂದು ಆರ್‌ಬಿಐ ಪತ್ರಿಕಾ ಪ್ರಕಟಣೆ ತಿಳಿಸಿದೆ.

ಆರ್‌ಬಿಐ ಪ್ರಕಾರ, ಮಾರ್ಚ್ 2020 ಮತ್ತು ಮಾರ್ಚ್ 2021 ಕ್ಕೆ ಕೊನೆಗೊಳ್ಳುವ ಹಣಕಾಸು ವರ್ಷಗಳ ತಪಾಸಣೆಯ ಸಮಯದಲ್ಲಿ ಉಲ್ಲಂಘನೆಗಳು ಕಂಡು ಬಂದಿದೆ. ಕೋಟಕ್ ಮಹೀಂದ್ರಾ ಬ್ಯಾಂಕ್, (i) ಸೇವಾ ಪೂರೈಕೆದಾರರ ವಾರ್ಷಿಕ ಪರಿಶೀಲನೆ / ಕಾರಣ ಕೈಗೊಳ್ಳಲು ವಿಫಲವಾಗಿದೆ, (ii) ಸಂಜೆ 7 ಗಂಟೆಯ ನಂತರ ಗ್ರಾಹಕರನ್ನು ಸಂಪರ್ಕಿಸುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ವಿಫಲವಾಗಿದೆ ಎಂದು ಆರ್‌ಬಿಐ ಹೇಳಿದೆ. (iii) ಮಂಜೂರಾತಿ ನಿಯಮಗಳು ಮತ್ತು ಷರತ್ತುಗಳಿಗೆ ವಿರುದ್ಧವಾಗಿ, ವಿತರಣಾ ನಿಜವಾದ ದಿನಾಂಕದ ಬದಲಿಗೆ ವಿತರಣಾ ಅವಧಿಯ ದಿನಾಂಕದಿಂದ ಬಡ್ಡಿಯನ್ನು ವಿಧಿಸಲಾಗಿದೆ (iv) ಸಾಲದ ಒಪ್ಪಂದದಲ್ಲಿ ಯಾವುದೇ ಷರತ್ತುಗಳಿಲ್ಲದಿದ್ದರೂ ವಸೂಲಿ ಶುಲ್ಕವನ್ನು ವಿಧಿಸಲಾಗಿದೆ.

ಎರಡು ಬ್ಯಾಂಕ್‌ಗಳ ಷೇರುಗಳು ಎಷ್ಟಿದೆ?

ಇಂದು ಬೆಳಗ್ಗೆ 11 ಗಂಟೆಗೆ ಕೋಟಕ್ ಮಹೀಂದ್ರಾ ಬ್ಯಾಂಕ್‌ನ ಷೇರಿನ ಬೆಲೆ ಶೇಕಡ 0.97 ರಷ್ಟು ಕುಸಿದು 1754.30 ರೂಪಾಯಿಗೆ ತಲುಪಿದೆ. ಆದರೆ ಐಸಿಐಸಿಐ ಬ್ಯಾಂಕ್ ಷೇರುಗಳು 11:34 ಗಂಟೆಗೆ ಶೇಕಡ 1.34 ರಷ್ಟು ಕುಸಿದು 942.20 ಕ್ಕೆ ತಲುಪಿದೆ. ಈ ಸಮಯಕ್ಕೆ ಕೋಟಕ್ ಮಹೀಂದ್ರಾ ಬ್ಯಾಂಕ್‌ ಷೇರು ಈ ಸಮಯಕ್ಕೆ ಶೇಕಡ 1.30 ರಷ್ಟು ಇಳಿದು, 1,748.55 ರೂಪಾಯಿಗೆ ತಲುಪಿದೆ. ಐಸಿಐಸಿಐ ಬ್ಯಾಂಕ್ ಷೇರುಗಳು ಶೇಕಡ 1.04 ರಷ್ಟು ಕುಸಿದು, 944 ರೂಪಾಯಿಗೆ ಇಳಿದಿದೆ.