RBI MPC: ಭಾರತದ ಆರ್ಥಿಕತೆಯ ಬೆಳವಣಿಗೆಗೆ ಆರ್‌ಬಿಐ ನೀಡಿದ ಮುನ್ಸೂಚನೆ ಏನು? 5 ಪ್ರಮುಖ ಅಂಶಗಳು

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ಹಣಕಾಸು ಪರಿಶೀಲನಾ ಸಮಿತಿಯ ಸಭೆಯೂ ಅ. 7 ರಿಂದ ಆರಂಭವಾಗಿದ್ದು ಇಂದು ಅಂದರೆ ಅಕ್ಟೋಬರ್ 9 ರಂದು ಕೊನೆಗೊಂಡಿದೆ. ಸತತ ಹತ್ತನೇ ಬಾರಿಯೂ ರೆಪೊ ರೇಟ್ ಯಥಾಸ್ಥಿತಿಯಲ್ಲಿ ಕಾಯ್ದುಕೊಂಡಿದೆ.

ಈ ಬಾರಿಯ ಹಣಕಾಸು ವರ್ಷದ ನಾಲ್ಕನೇ ದ್ವೈ ಮಾಸಿಕದ ಹಣಕಾಸು ನೀತಿ ಇಂದು ಪತ್ರಿಕಾಗೋಷ್ಟಿಯಲ್ಲಿ ಪ್ರಕಟಿಸಿದ ಆರ್ ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ "ಹಣಕಾಸು ನೀತಿ ಸಮಿತಿ" (ಎಂಪಿಸಿ) ರೆಪೊ ದರ ಬದಲಿಸದಿರಲು ನಿರ್ಧರಿಸಿದೆ ಎಂದು ಹೇಳಿದ್ದಾರೆ.

6 ಸದಸ್ಯರ ಈ ಸಮಿತಿಯಲ್ಲಿ ಸತತ 10ನೇ ಬಾರಿಗೆ ಬಡ್ಡಿ ದರಗಳನ್ನು ಸ್ಥಿರವಾಗಿ ಇರಿಸಲಾಗಿದೆ. ಪ್ರಸ್ತುತ ರೆಪೊ ದರವು 6.5% ಆಗಿದೆ. ಅಕ್ಟೋಬರ್ ನೀತಿಯಲ್ಲಿ ರಿಸರ್ವ್ ಬ್ಯಾಂಕ್ ತನ್ನ ನಿಲುವನ್ನು ತಟಸ್ಥ ಮಾಡಿದೆ, ಅದರ ಬಗ್ಗೆ ಎಲ್ಲಾ ಸದಸ್ಯರು ಒಪ್ಪಿಗೆ ಸೂಚಿಸಿದ್ದಾರೆ. ಆರ್‌ಬಿಐ ಕೊನೆಯದಾಗಿ ಫೆಬ್ರವರಿ 2023 ರಲ್ಲಿ 0.25% ರಿಂದ 6.5% ರಷ್ಟು ದರಗಳನ್ನು ಹೆಚ್ಚಿಸಿತ್ತು. ಇನ್ನೊಂದೆಡೆ ಹಣಕಾಸು ತಜ್ಞರ ಪ್ರಕಾರ, ಡಿಸೆಂಬರ್‌ನ ಬಳಿಕ ಮಾತ್ರ ಬದಲಾವಣೆ ಸಾಧ್ಯ ಎಂದು ಊಹಿಸುತ್ತಿದ್ದಾರೆ.

ಹಣಕಾಸು ನೀತಿ ಸಮಿತಿ (ಎಂಪಿಸಿ) ಅಕ್ಟೋಬರ್ ಸಭೆಯ ಐದು ಪ್ರಮುಖ ಅಂಶಗಳು:

1. ರೆಪೋ ದರ ಯಥಾಸ್ಥಿತಿ:
ರೆಪೋ ದರವು 6.5% ನಲ್ಲಿ ಯಥಾಸ್ಥಿತಿಯನ್ನು ಕಾಯ್ದುಕೊಂಡಿದ್ದು, ಸೆಪ್ಟೆಂಬರ್‌ನಲ್ಲಿ ಯುಎಸ್ ಫೆಡ್ ದರಗಳನ್ನು 50 ಬಿಪಿಎಸ್ ಕಡಿತಗೊಳಿಸಿದರೂ, ಆರ್‌ಬಿಐ ತನ್ನ ರೆಪೋ ದರದಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ. ನವೆಂಬರ್ ಮತ್ತು ಡಿಸೆಂಬರ್‌ನಲ್ಲಿ ಯುಎಸ್ ಸೆಂಟ್ರಲ್ ಬ್ಯಾಂಕ್ ದರಗಳನ್ನು ಕಡಿತಗೊಳಿಸುವ ಬಗ್ಗೆ ಬಲವಾದ ಸೂಚನೆಗಳಿವೆ.

ಆದರೆ, RBI ತನ್ನ ನೀತಿ ನಿಲುವನ್ನು "ತಟಸ್ಥ" ಎಂದು ಪರಿಗಣಿಸಿತು. ಈ ಮೊದಲು ಹಲವು ತಿಂಗಳಿಂದ ಆರ್​ಬಿಐ ವಿತ್​​ಡ್ರಾಯಲ್ ಆಫ್ ಅಕಾಮೊಡೇಶನ್ ನಿಲುವನ್ನು ಹೊಂದಿತ್ತು. ಆದರೆ ಈಗ ಈ ನೀತಿಯನ್ನು ತಟಸ್ಥತೆಗೆ ಬದಲಾವಣೆ ಮಾಡಿಕೊಂಡಿದೆ. ಹೀಗಾಗಿ ಮುಂದಿನ ಸಭೆಗಳಲ್ಲಿ ಬಡ್ಡಿದರಗಳನ್ನು ಇಳಿಸುವ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ನಿಚ್ಚಳವಾಗಿದೆ.

2. ಹಣದುಬ್ಬರದ ಬಗ್ಗೆ ಕಾಳಜಿ
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಹಣದುಬ್ಬರದ ಬಗ್ಗೆ ಕಾಳಜಿವಹಿಸುತ್ತಲೇ ಇದೆ. ಆರ್‌ಬಿಐ 2025ನೇ ಸಾಲಿನಲ್ಲಿ ಹಣದುಬ್ಬರ ದರ 4.5% ಆಗಿರುತ್ತದೆ ಎಂದು ಅಂದಾಜಿಸಿತ್ತು. ಆದರೆ, ಆಹಾರ ಮತ್ತು ಇಂಧನದ ಬೆಲೆಗಳು ಏರಿಳಿತವಾಗುವ ಸಾಧ್ಯತೆ ಇದೆ ಎಂದು ಎಚ್ಚರಿಕೆ ನೀಡಿದೆ. ಇದರರ್ಥ, ಹಣದುಬ್ಬರ ದರ ಹೆಚ್ಚಾಗುವ ಸಾಧ್ಯತೆ ಇದೆ.

ಆರ್‌ಬಿಐ Q2FY25 ಸಾಲಿನಲ್ಲಿ ಹಣದುಬ್ಬರ ದರ 4.1% ಆಗಿರುತ್ತದೆ ಎಂದು ಹಿಂದೆ ಅಂದಾಜಿಸಿತ್ತು. ಆದರೆ, ಈಗ ಅದನ್ನು 4.4% ಕ್ಕೆ ಹೆಚ್ಚಿಸಿದೆ. ಆದರೆ, Q3FY25 ಗಾಗಿ ಹಣದುಬ್ಬರ ದರ 4.7% ರಿಂದ 4.8% ಕ್ಕೆ ಏರಬಹುದು ಎಂದು ಅಂದಾಜಿಸಿದೆ.

ಅದರೂ ಇದು ಮುಂದಿನ ಎರಡು ತ್ರೈಮಾಸಿಕಗಳಿಗೆ ಹಣದುಬ್ಬರ ಅಂದಾಜುಗಳನ್ನು ಕಡಿಮೆ ಮಾಡಿದೆ-Q4FY25 ಮತ್ತು Q1FY26. RBI Q4FY25 CPI ಅಂದಾಜುಗಳನ್ನು ಶೇಕಡಾ 4.3 ರಿಂದ 4.2 ಕ್ಕೆ ಮತ್ತು Q1FY26 CPI ಅಂದಾಜುಗಳನ್ನು 4.4 ಶೇಕಡಾದಿಂದ ಶೇಕಡಾ 4.3 ಕ್ಕೆ ಕಡಿತಗೊಳಿಸಿದೆ. ಜುಲೈ ಮತ್ತು ಆಗಸ್ಟ್‌ನಲ್ಲಿ ಪ್ರಮುಖ ಹಣದುಬ್ಬರವು ಗಮನಾರ್ಹವಾಗಿ ಕಡಿಮೆಯಾಗಿದೆ ಎಂದು ಗವರ್ನರ್ ದಾಸ್ ಹೇಳಿದ್ದಾರೆ.

3. ಜಿಡಿಪಿ ಬೆಳವಣಿಗೆ
2024-25 ರ ಹಣಕಾಸು ವರ್ಷದಲ್ಲಿ ಜಿಡಿಪಿ ಅಂದಾಜು 7.2% ಎಂದು ಯಥಾಸ್ಥಿತಿ ಉಳಿಸಿಕೊಂಡಿದೆ..ಆದರೆ ಎರಡನೇ ತ್ರೈಮಾಸಿಕಕ್ಕೆ ಬೆಳವಣಿಗೆಯ ದೃಷ್ಟಿಕೋನವನ್ನು ತಿದ್ದುಪಡಿಸಿಕೊಳ್ಳುವಾಗ, RBI Q2FY25 GDP ಮುನ್ಸೂಚನೆಯನ್ನು 7.2% ಕ್ಕೆ 7% ಗೆ ಕಡಿತಗೊಳಿಸಿದೆ.

ಆರ್ ಬಿಐ FY25 2ನೇ ತ್ರೈಮಾಸಿಕದಲ್ಲಿ GDP ಬೆಳವಣಿಗೆಯ ಮುನ್ಸೂಚನೆಯ ಅಂದಾಜನ್ನು 7.2 ಶೇಕಡಾದಿಂದ 7 ಕ್ಕೆ ಇಳಿಸಿದೆಆರ್ ಬಿಐ FY25 3ನೇ ತ್ರೈಮಾಸಿಕದಲ್ಲಿ ಜಿಡಿಪಿ ಬೆಳವಣಿಗೆ ದರದ ಅಂದಾಜನ್ನು ಶೇ.7.3ರಿಂದ ಶೇ.7.4ಕ್ಕೆ ಹೆಚ್ಚಿಸಲಾಗಿದೆ.

FY25 4ನೇ ತ್ರೈಮಾಸಿಕದಲ್ಲಿ ಜಿಡಿಪಿ ಬೆಳವಣಿಗೆ ದರದ ಅಂದಾಜನ್ನು ಶೇ.7.2 ರಿಂದ ಶೇ.7.4ಕ್ಕೆ ಏರಿಸಿದೆ.
ಮುಂದಿನ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಅಂದರೆ 2025-26ನೇ ಹಣಕಾಸು ವರ್ಷದಲ್ಲಿ GDP ಬೆಳವಣಿಗೆಯ ಅಂದಾಜನ್ನೂ ಏರಿಕೆ ಮಾಡಲಾಗಿದ್ದು ಶೇಕಡಾ 7.2 ರಿಂದ ಶೇಕಡಾ 7.3 ಕ್ಕೆ ಏರಿಸಿದೆ.

4. UPI ವಹಿವಾಟಿನ ಮಿತಿ ಹೆಚ್ಚಳ
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಯುಪಿಐ ಮೂಲಕ ನಾವು ಹಣವನ್ನು ಕಳುಹಿಸಬಹುದಾದ ಮಿತಿಯನ್ನು ಹೆಚ್ಚಿಸಿದೆ.
ಯುಪಿಐ 123 ಪೇ: ಈಗ ನಾವು ಒಂದೇ ಬಾರಿಗೆ 10,000 ರೂಪಾಯಿಗಳವರೆಗೆ ಕಳುಹಿಸಬಹುದು. ಮೊದಲು ಇದು 5,000 ರೂಪಾಯಿ ಮಾತ್ರ ಇತ್ತು.
ಯುಪಿಐ ಲೈಟ್ ವ್ಯಾಲೆಟ್: ಈ ವ್ಯಾಲೆಟ್‌ನಲ್ಲಿ ನಾವು ಇಟ್ಟುಕೊಳ್ಳಬಹುದಾದ ಹಣದ ಮಿತಿಯನ್ನು 2,000 ರೂಪಾಯಿಯಿಂದ ಹೆಚ್ಚಿಸಿ 5,000 ರೂಪಾಯಿ ಮಾಡಲಾಗಿದೆ.
ಯುಪಿಐ ಲೈಟ್ ವಹಿವಾಟು: ಒಂದೇ ಬಾರಿಗೆ 500 ರೂಪಾಯಿಗಳವರೆಗೆ ಕಳುಹಿಸಬಹುದು. ಮೊದಲು ಇದು 100 ರೂಪಾಯಿ ಮಾತ್ರ ಇತ್ತು.

5. ಅಸುರಕ್ಷಿತ ಸಾಲಗಳ ಬಗ್ಗೆ ಆರ್‌ಬಿಐ ಎಚ್ಚರಿಕೆ
ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ನ ಗವರ್ನರ್ ಜನರು ತೆಗೆದುಕೊಳ್ಳುವ ಕೆಲವು ರೀತಿಯ ಅಸುರಕ್ಷಿತ ಸಾಲಗಳ ಬಗ್ಗೆ ಎಚ್ಚರಿಕೆಯಿಂದ ಇರಬೇಕು ಎಂದು ಹೇಳಿದ್ದಾರೆ.

ವೈಯಕ್ತಿಕ ಸಾಲಗಳು, ಕ್ರೆಡಿಟ್ ಕಾರ್ಡ್‌ಗಳು ಇತ್ಯಾದಿಗಳಂತಹ ಸಾಲಗಳನ್ನು ತೆಗೆದುಕೊಳ್ಳಲು ನಾವು ಯಾವುದೇ ಆಸ್ತಿಯನ್ನು ಬ್ಯಾಂಕಿಗೆ ನೀಡಬೇಕಾಗಿಲ್ಲ. ಹೀಗಾಗಿ ಇವುಗಳನ್ನು ಅಸುರಕ್ಷಿತ ಸಾಲಗಳು ಎಂದು ಕರೆಯುತ್ತಾರೆ.ಈ ರೀತಿಯ ಸಾಲಗಳನ್ನು ತೆಗೆದುಕೊಳ್ಳುವಾಗ ಜನರು ಸಾಲವನ್ನು ತೀರಿಸಲು ತೊಂದರೆ ಪಡಬಹುದು ಎಂಬ ಆತಂಕ ಆರ್‌ಬಿಐಗೆ ಇದೆ. ಇದರಿಂದ ಬ್ಯಾಂಕುಗಳಿಗೂ ನಷ್ಟವಾಗುವ ಸಾಧ್ಯತೆ ಇದೆ.
ಬ್ಯಾಂಕ್‌ಗಳು ಮತ್ತು NBFC‌ಗಳು ಈ ಪ್ರದೇಶಗಳಲ್ಲಿನ ವೈಯಕ್ತಿಕ ಸಾಲಗಳನ್ನು ಗಾತ್ರ ಮತ್ತು ಗುಣಮಟ್ಟದ ಪರಿಕಲ್ಪನೆಯಲ್ಲಿಯೇ ಎಚ್ಚರಿಕೆಯಿಂದ ನಿರ್ಣಯಿಸಬೇಕಾಗಿದೆ. ಅವುಗಳ ವಿಮೆಯ ಮಾನದಂಡಗಳು ಮತ್ತು ಮಂಜೂರಾತಿಯ ನಂತರದ ಮೇಲ್ವಿಚಾರಣೆಯು ದೃಢವಾಗಿರಬೇಕು.
ನಿಷ್ಕ್ರಿಯ ಠೇವಣಿ ಖಾತೆಗಳಿಂದ ಉಂಟಾಗುವ ಸಾಧ್ಯಿತೆಯನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕು. ಅಲ್ಲದೆ, ಸೈಬರ್ ಸೆಕ್ಯುರಿಟಿ ಪರಿಸ್ಥಿತಿ, ಮ್ಯೂಲ್ ಅಕೌಂಟ್‌ಗಳು ಮತ್ತು ಇತರ ಹಲವಾರು ಅಂಶಗಳ ಮೇಲೆ ನಿರಂತರವಾಗಿ ಗಮನ ಹರಿಸಬೇಕು ಎಂದು ಎಚ್ಚರಿಕೆ ನೀಡಿದ್ದಾರೆ.