ಸ್ಯಾಮ್ಸಂಗ್ ನಿಂದ ಕಾಸ್ಟ್ಲಿ ಟಿವಿ ಬಿಡುಗಡೆ; ಆರಂಭದ ಬೆಲೆಯೇ 3.5 ಕೋಟಿ
ದಕ್ಷಿಣ ಕೊರಿಯಾದ ಗ್ರಾಹಕ ವಸ್ತು ಉತ್ಪಾದಕ ಕಂಪೆನಿ ಸ್ಯಾಮ್ಸಂಗ್ ಭಾರತದಲ್ಲಿ ಗುರುವಾರ 'ದ ವಾಲ್' ಬಹಿರಂಗಗೊಳಿಸಿದೆ. ಇದು ಸ್ಯಾಮ್ಸಂಗ್ ನ ದೊಡ್ಡ ಫಾರ್ಮ್ಯಾಟ್ ನ ಮೈಕ್ರೋ ಎಲ್ ಇಡಿ ಡಿಸ್ ಪ್ಲೇ. ಭಾರತದಲ್ಲಿ ತನ್ನ ಉತ್ಪನ್ನಗಳ ಪೈಕಿಯೇ ದುಬಾರಿಯಾದದ್ದನ್ನು ಬಿಡುಗಡೆ ಮಾಡಿದೆ. ಆದರೆ ಸ್ಯಾಮ್ಸಂಗ್ ನಿಂದ ಇದನ್ನು 'ಟೆಲಿವಿಷನ್' ಎಂದು ಕರೆದಿಲ್ಲ.
ಆದರೆ, ಇದು ಬರೀ ದುಬಾರಿ ಅಲ್ಲ. ಭಯಾನಕ ದುಬಾರಿ. ಏಕೆಂದರೆ ದ ವಾಲ್ ನ ದರವು 3.5 ಕೋಟಿಯಿಂದ ಆರಂಭವಾಗಿ 12 ಕೋಟಿ ತನಕ ಇರುತ್ತದೆ. ಗುರುಗ್ರಾಮದಲ್ಲಿ ಇರುವ ಸ್ಯಾಮ್ಸಂಗ್ ಎಕ್ಸ್ ಪೀರಿಯೆನ್ಸ್ ಸೆಂಟರ್ ನಲ್ಲಿ ದ ವಾಲ್ ಪ್ರದರ್ಶನಕ್ಕೆ ಇದೆ. 3.5 ಕೋಟಿಯಿಂದ ಆರಂಭವಾಗಿ 12 ಕೋಟಿ ದರದಲ್ಲಿ ತೆರಿಗೆ ಸೇರಿಲ್ಲ ಎಂಬುದು ಗಮನದಲ್ಲಿ ಇರಲಿ.
ಈ ಮೈಕ್ರೋ ಎಲ್ ಇಡಿ ಡಿಸ್ ಪ್ಲೇ ಮೂರು ಬಗೆಯ ಗಾತ್ರ ಮತ್ತು ರೇಷಿಯೋದಲ್ಲಿ ಬರುತ್ತದೆ. ಅವುಗಳ ವಿವರ ಹೀಗಿದೆ: 146 ಇಂಚು (370.8 ಸೆಂ.ಮೀ.) 4K ಡೆಫಿನಿಷನ್, 219 ಇಂಚು ( 556.3 ಸೆಂ.ಮೀ.) 6K ಡೆಫಿನಿಷನ್, 292 ಇಂಚು (741.7 ಸೆಂ.ಮೀ.) 8K ಡೆಫಿನಿಷನ್. ಡಿಸೆಂಬರ್ 5ನೇ ತಾರೀಕಿನಿಂದ ಭಾರತದಲ್ಲಿ ಲಭ್ಯವಿದೆ ಎಂದು ಕಂಪೆನಿ ತಿಳಿಸಿದೆ.
ಸದ್ಯಕ್ಕೆ ಈ ಉತ್ಪನ್ನವನ್ನು ವಿಯೆಟ್ನಾಂನಿಂದ ಆಮದು ಮಾಡಿಕೊಳ್ಳಲಾಗುತ್ತಿದೆ. ಆಂದ ಹಾಗೆ ಮುಂದಿನ ಮೂರು ವರ್ಷದಲ್ಲಿ ಇಂಥ ಇನ್ನೂರು ಯೂನಿಟ್ ಗಳನ್ನು ಮಾರಾಟ ಮಾಡುವ ಉದ್ದೇಶ ಇದೆ.