ವಿಶ್ವದ ಅತ್ಯಂತ ಲಾಭದಾಯಕ 'ಸೌದಿ ಅರಾಮ್ಕೋ' ಕಂಪೆನಿ ಷೇರಿನ ಐಪಿಒ ಶುರು
ಸೌದಿ ಅರೇಬಿಯಾದ ಅರಾಮ್ಕೋ ಕಂಪೆನಿಯ ಮೌಲ್ಯ ಮಾಪನವನ್ನು ಮಾಡಲಾಗಿದೆ. ಪ್ರಾಥಮಿಕ ಲೆಕ್ಕಾಚಾರದ ಪ್ರಕಾರ, 1.6 ಲಕ್ಷ ಕೋಟಿ ಅಮೆರಿಕನ್ ಡಾಲರ್ ಮತ್ತು 1.71 ಲಕ್ಷ ಕೋಟಿ ಅಮೆರಿಕನ್ ಡಾಲರ್ ಮಧ್ಯೆ ಕಂಪೆನಿ ಮೌಲ್ಯ ಇದೆ (ಭಾನುವಾರದ ಲೆಕ್ಕಾಚಾರದ ಅನ್ವಯ ಒಂದು ಅಮೆರಿಕನ್ ಡಾಲರ್ ಗೆ 71.70 ರುಪಾಯಿ).
ಸೌದಿಯ ರಾಜ ಮೊಹ್ಮದ್ ಬಿನ್ ಸಲ್ಮಾನ್ ಅವರು ಮೂರು ವರ್ಷದ ಹಿಂದೆಯೇ ಕಂಪೆನಿಯ ಒಟ್ಟು ಮೌಲ್ಯ 2 ಲಕ್ಷ ಕೋಟಿ ಅಮೆರಿಕನ್ ಡಾಲರ್ ಎಂದು ಗುರಿ ಇರಿಸಿಕೊಂಡಿದ್ದರು. ಅದನ್ನು ಭಾರತೀಯ ರುಪಾಯಿಗಳಲ್ಲಿ ಹೇಳುವುದಾದರೆ, ನೂರಾ ನಲವತ್ತು ಲಕ್ಷ ಕೋಟಿ ರುಪಾಯಿ.
ವಿಶ್ವದ ಅತ್ಯಂತ ಲಾಭದ ಕಂಪೆನಿ Saudi Aramco IPO ಅಲಿಬಾಬ ದಾಖಲೆ ಮೀರುತ್ತಾ?
ಇದೀಗ ಕಂಪೆನಿಯು ಷೇರು ವಿತರಣೆ ಮೂಲಕ ಇಪ್ಪತ್ನಾಲ್ಕರಿಂದ 25.6 ಬಿಲಿಯನ್ ಅಮೆರಿಕನ್ ಡಾಲರ್ ಹಣ ಸಂಗ್ರಹಕ್ಕೆ ಮುಂದಾಗಿದೆ. ಕಂಪೆನಿಯಲ್ಲಿನ 1.5 ಪರ್ಸೆಂಟ್ ಪಾಲನ್ನು ಮಾರುವ ಮೂಲಕ ಈ ಹಣ ಸಂಗ್ರಹಿಸಲಾಗುವುದು. ಸದ್ಯಕ್ಕೆ ವಿಶ್ವದಲ್ಲೇ ಅತಿ ದೊಡ್ಡ ಐಪಿಒ ಎಂಬ ಅಗ್ಗಳಿಕೆ ಇರುವುದು 25 ಬಿಲಿಯನ್ ಅಮೆರಿಕನ್ ಡಾಲರ್ ಸಂಗ್ರಹಿಸಿರುವ ಅಲಿಬಾಬಾ ಗ್ರೂಪ್ ಹೋಲ್ಡಿಂಗ್ ಲಿಮಿಟೆಡ್ ಹೆಸರಿನಲ್ಲಿ.
ಐ ಪಿ ಓ ಲಿಸ್ಟಿಂಗ್, ತ್ವರಿತ ಸಂಪಾದನೆಗೆ ದಾರಿ - ತಪ್ಪಿದರೆ ಕ್ರೂರಿ
ಷೇರಿನ ಬೆಲೆಯನ್ನು 30ರಿಂದ 32 ರಿಯಾಲ್ (ಪ್ರತಿ ಷೇರಿಗೆ) ಇಡಲಾಗುತ್ತದೆ.
ಷೇರಿನ ಅಂತಿಮ ಬೆಲೆಯನ್ನು ಹಾಗೂ ಮೌಲ್ಯಮಾಪನವನ್ನು ಡಿಸೆಂಬರ್ ಐದರಂದು ಮಾಡಲಾಗುತ್ತದೆ
ಅರಾಮ್ಕೋ ಷೇರುಗಳ ಲಿಸ್ಟಿಂಗ್ ದಿನಾಂಕವನ್ನು ಇನ್ನೂ ಘೋಷಣೆ ಮಾಡಬೇಕಿದೆ.
ಯು.ಎಸ್., ಆಸ್ಟ್ರೇಲಿಯಾ, ಕೆನಡಾ ಹಾಗೂ ಜಪಾನ್ ನಲ್ಲಿ ಷೇರಿನ ಆಫರ್ ಮಾಡುವುದಿಲ್ಲ.
ಅರಾಮ್ಕೋ ಷೇರು ವಿತರಣೆಯಿಂದ ಬರುವ ಹಣವನ್ನು ಸೌದಿ ಅರೇಬಿಯಾದ ಅಭಿವೃದ್ಧಿಗೆ ನೆರವಾಗುವಂತೆ ವಿವಿಧ ಕ್ಷೇತ್ರಗಳಲ್ಲಿ ತೊಡಗಿಸಲು ತೀರ್ಮಾನಿಸಲಾಗಿದೆ.
ಇನ್ ಸ್ಟಿಟ್ಯೂಷನಲ್ ಬುಕ್ ಬಿಲ್ಡಿಂಗ್ ಅವಧಿ: ನವೆಂಬರ್ 17ರಿಂದ ಡಿಸೆಂಬರ್ 4
ರೀಟೇಲ್ ಸಬ್ ಸ್ಕ್ರಿಪ್ಷನ್ ಅವಧಿ ನವೆಂಬರ್ 17ರಿಂದ ನವೆಂಬರ್ 28
ಹೆಚ್ಚುವರಿ ಸಬ್ ಸ್ಕ್ರಿಪ್ಷನ್ ಮೊತ್ತವನ್ನು ಹೂಡಿಕೆದಾರರಿಗೆ ಹಿಂತಿರುಗಿಸುವ ದಿನಾಂಕ ಡಿಸೆಂಬರ್ 12