SBI: ಬಂಪರ್ FD ಯೋಜನೆಗಳಿವು! ಒಂದು ಲಕ್ಷಕ್ಕೆ ಇಷ್ಟೊಂದು ಬಡ್ಡಿನಾ.. ಮಾ.31 ರವರೆಗೆ ಮಾತ್ರ ಅವಕಾಶ

ಕೆಲವೇ ದಿನಗಳವರೆಗೆ ಮಾತ್ರ ಅವಕಾಶ.. ಲಕ್ಷಕ್ಕೆ ಅದ್ಭುತ ಬಡ್ಡಿ ಸಿಗುತ್ತದೆ. ಇವು ಎಸ್‌ಬಿಐನ (SBI) ವಿಶೇಷ ಎಫ್‌ಡಿ ಯೋಜನೆಗಳು! ಹೌದು, ಬಹುತೇಕ ಜನರು ಹಣವನ್ನು ಹೂಡಿಕೆ ಮಾಡಲು ಷೇರು ಮಾರುಕಟ್ಟೆಗಿಂತ ಸ್ಥಿರ ಠೇವಣಿಗಳನ್ನು (FD) ಆಯ್ಕೆ ಮಾಡುತ್ತಾರೆ. ಕಾರಣ, ಷೇರು ಮಾರುಕಟ್ಟೆಯಲ್ಲಿನ ಏರಿಳಿತಗಳನ್ನು ಲೆಕ್ಕಿಸದೆ ಎಫ್‌ಡಿ (FD) ಹೂಡಿಕೆದಾರರಿಗೆ ಸ್ಥಿರವಾದ ಆದಾಯವನ್ನು ಒದಗಿಸುತ್ತದೆ. ಆದರೂ, ಬ್ಯಾಂಕುಗಳು ಕಾಲಕಾಲಕ್ಕೆ ವಿಶೇಷ ಎಫ್‌ಡಿಗಳನ್ನು ಪರಿಚಯಿಸುತ್ತವೆ. ಸಾಮಾನ್ಯ ಎಫ್‌ಡಿಗಳಿಗೆ ಹೋಲಿಸಿದರೆ, ಇವು ಸ್ವಲ್ಪ ಹೆಚ್ಚಿನ ಆದಾಯವನ್ನು ಹೊಂದಿವೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಕೂಡ ಇಂತಹ ಎರಡು ವಿಶೇಷ ಎಫ್‌ಡಿಗಳನ್ನು (FD) ಹೊಂದಿದೆ. ಇವು ಶೇ.7.75 ರಷ್ಟು ಬಡ್ಡಿ ದರವನ್ನು ಹೊಂದಿವೆ. ನೀವು ಇವುಗಳಲ್ಲಿ ಹೂಡಿಕೆ ಮಾಡಲು ಬಯಸಿದರೆ, ಇದೇ ಮಾರ್ಚ್ 31 ಕೊನೆಯ ದಿನಾಂಕ ಆಗಿದೆ. ಎಸ್‌ಬಿಐನ (SBI) ಈ ಎರಡು ವಿಶೇಷ ಎಫ್‌ಡಿಗಳ (SBI FD Scheme) ಹೆಸರು ಎಸ್‌ಬಿಐ ಅಮೃತ್ ವೃಷ್ಟಿ ಮತ್ತು ಎಸ್‌ಬಿಐ ಅಮೃತ್ ಕಲಶ್.

ಪ್ರಸ್ತುತ, ಎಸ್‌ಬಿಐ (SBI) ವಿವಿಧ ರೀತಿಯ ಹೂಡಿಕೆದಾರರಿಗೆ ಹಲವು ವಿಭಿನ್ನ ಎಫ್‌ಡಿ (SBI FD Scheme) ಯೋಜನೆಗಳನ್ನು ನೀಡುತ್ತದೆ. ಈ ಎಫ್‌ಡಿ ಯೋಜನೆಗಳನ್ನು ವಿವಿಧ ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಂಡು ಜಾರಿಗೆ ತರಲಾಗಿದೆ. ಈ ನಿರ್ದಿಷ್ಟ ಎಫ್‌ಡಿಯಲ್ಲಿ ಹೂಡಿಕೆಯನ್ನು ನಿಗದಿತ ಅವಧಿಗೆ ಮಾತ್ರ ಮಾಡಲಾಗುತ್ತದೆ. ಇದಾದ ನಂತರ, ಈ ಯೋಜನೆಗಳು ಬಂದ್ ಆಗಲಿವೆ.

ಹೂಡಿಕೆ ಮಾಡುವುದು ಹೇಗೆ?

ಈ ಎರಡು ವಿಶೇಷ ಎಫ್‌ಡಿ ಯೋಜನೆಗಳಲ್ಲಿ ಹೂಡಿಕೆ ಮಾಡಲು, ನೀವು ಅಗತ್ಯ ದಾಖಲೆಗಳೊಂದಿಗೆ ನಿಮ್ಮ ಹತ್ತಿರದ ಎಸ್‌ಬಿಐ ಶಾಖೆಗೆ ಹೋಗಬೇಕು. ನೀವು ಎಸ್‌ಬಿಐನಲ್ಲಿ ಬ್ಯಾಂಕ್ ಖಾತೆಯನ್ನು ಹೊಂದಿದ್ದರೆ, ಆನ್‌ಲೈನ್‌ನಲ್ಲಿಯೂ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು. ಈ ಎಫ್‌ಡಿಗಳಲ್ಲಿ ಹೂಡಿಕೆಯನ್ನು ಇಂಟರ್ನೆಟ್ ಬ್ಯಾಂಕಿಂಗ್ ಅಥವಾ ಎಸ್‌ಬಿಐ ಯೋನೋ ಅಪ್ಲಿಕೇಶನ್ ಮೂಲಕವೂ ಪ್ರಾರಂಭಿಸಬಹುದು.

ಎಸ್‌ಬಿಐ ಅಮೃತ್ ವೃಷ್ಟಿ ಯೋಜನೆ

ಎಸ್‌ಬಿಐ ಅಮೃತ್ ವೃಷ್ಟಿ 444 ದಿನಗಳ ಅವಧಿಗೆ ವಿಶೇಷ ಎಫ್‌ಡಿ ಯೋಜನೆ ಆಗಿದೆ. ಈ ಯೋಜನೆಯಲ್ಲಿ, ಸಾಮಾನ್ಯ ಜನರಿಗೆ ವಾರ್ಷಿಕ ಶೇ.7.25 ರಷ್ಟು ಬಡ್ಡಿ ಸಿಗುತ್ತದೆ. ಅಲ್ಲದೆ, ಹಿರಿಯ ನಾಗರಿಕರಿಗೆ ಶೇ. 7.75 ರಷ್ಟು ಬಡ್ಡಿ ಸಿಗುತ್ತದೆ. ನೀವು ಮಾರ್ಚ್ 31ರ ಒಳಗೆ ಈ ಎಸ್‌ಬಿಐ ಅಮೃತ್ ವೃಷ್ಟಿ ಎಫ್‌ಡಿ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು.

ಎಷ್ಟು ಲಾಭ ಸಿಗುತ್ತದೆ ಗೊತ್ತಾ?

ನೀವು ಎಸ್‌ಬಿಐ ಅಮೃತ್ ವೃಷ್ಟಿ ಎಫ್‌ಡಿ ಯೋಜನೆಯಲ್ಲಿ 1 ಲಕ್ಷ ರೂ. ವರೆಗೆ ಹೂಡಿಕೆ ಮಾಡಬಹುದು. ನೀವು 444 ದಿನಗಳ ಬಳಿಕ, ಅಂದರೆ ಅವಧಿ ಮುಗಿದ ನಂತರ ಈ ಮೊತ್ತವು 1,09,266 ರೂ.ಗಳಿಗೆ ಹೆಚ್ಚಳ ಆಗುತ್ತದೆ. ಅಂದರೆ ನೀವು 9,266 ರೂ. ಬಡ್ಡಿಯಾಗಿ ಪಡೆಯಬಹುದು. ಹಿರಿಯ ನಾಗರಿಕರಿಗೆ 1,09,936 ರೂ. ಸಿಗುತ್ತದೆ. ಮತ್ತೊಂದೆಡೆ, ನೀವು ಅದರಲ್ಲಿ 2 ಲಕ್ಷ ಹೂಡಿಕೆ ಮಾಡಿದರೆ, ಈ ಮೊತ್ತವು ಮುಕ್ತಾಯದ ವೇಳೆಗೆ 2,18,532 ರೂ.ಗೆ ಹೆಚ್ಚಾಗುತ್ತದೆ. ಅಂದರೆ ನೀವು 18,532 ಬಡ್ಡಿಯನ್ನು ಪಡೆಯಬಹುದು. ಹಿರಿಯ ನಾಗರಿಕರು ಮುಕ್ತಾಯದ ಸಮಯದಲ್ಲಿ 2,19,859 ರೂ. ಪಡೆಯುತ್ತಾರೆ.

ಎಸ್‌ಬಿಐ ಅಮೃತ್ ಕಲಾಶ್ ಯೋಜನೆ

ಎಸ್‌ಬಿಐ ಅಮೃತ್ ಕಲಾಶ್ ಸಹ ವಿಶೇಷ ಎಫ್‌ಡಿ ಯೋಜನೆಯಾಗಿದೆ. ಇದು 400 ದಿನಗಳ ಅವಧಿಗೆ ಬರುತ್ತದೆ. ಈ ಯೋಜನೆಯು ವಾರ್ಷಿಕ ಶೇ.7.10 ರಷ್ಟು ಬಡ್ಡಿ ದರವನ್ನು ನೀಡುತ್ತದೆ. ಈ ಎಸ್‌ಬಿಐ ಅಮೃತ್ ಕಲಾಶ್ ಯೋಜನೆಯು ಹಿರಿಯ ನಾಗರಿಕರಿಗೆ ಶೇ.7.60 ರಷ್ಟು ಬಡ್ಡಿ ದರವನ್ನು ನೀಡುತ್ತದೆ. ನೀವು ಮಾರ್ಚ್ 31 ರವರೆಗೆ ಎಸ್‌ಬಿಐ ಅಮೃತ್ ಕಲಾಶ್ ಯೋಜನೆಯಲ್ಲಿ ಹೂಡಿಕೆ ಮಾಡಬಹುದು.

ಎಷ್ಟು ಲಾಭ ಸಿಗುತ್ತದೆ ಗೊತ್ತಾ?

ನೀವು ಈ ಎಸ್‌ಬಿಐ ಅಮೃತ್ ಕಲಾಶ್ ಯೋಜನೆಯಲ್ಲಿ 1 ಲಕ್ಷ ಹೂಡಿಕೆ ಮಾಡಬಹುದು. ನೀವು, 400 ದಿನಗಳ ನಂತರ, ಅಂದರೆ ಅವಧಿ ಮುಗಿದ ಬಳಿಕ ಈ ಮೊತ್ತವು 1,07,781 ರೂ.ಗೆ ಹೆಚ್ಚಾಗುತ್ತದೆ. ಅಂದರೆ ನಿಮಗೆ ಬಡ್ಡಿಯಾಗಿ 7,781 ರೂ. ಸಿಗುತ್ತದೆ. ಹಿರಿಯ ನಾಗರಿಕರಿಗೆ 1,08,329 ರೂ. ಸಿಗಲಿದೆ. ಮತ್ತೊಂದೆಡೆ, ನೀವು ಎಸ್‌ಬಿಐ ಅಮೃತ್ ಕಲಾಶ್ ಯೋಜನೆಯಲ್ಲಿ 2 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ, ಈ ಮೊತ್ತವು ಮುಕ್ತಾಯದ ವೇಳೆಗೆ 2,15,562 ರೂ.ಗೆ ಹೆಚ್ಚಾಗುತ್ತದೆ. ಅಂದರೆ ನಿಮಗೆ ಬಡ್ಡಿಯಾಗಿ 15,562 ಸಿಗುತ್ತದೆ. ಹಿರಿಯ ನಾಗರಿಕರು ಮುಕ್ತಾಯದ ಸಮಯದಲ್ಲಿ 2,16,658 ಪಡೆಯಲಿದ್ದಾರೆ.