ಮತ್ತೆ ಷೇರು ಮಾರುಕಟ್ಟೆ ಕುಸಿತ: ಕೆಳಕ್ಕಿಳಿದ ನಿಫ್ಟಿ, ಸೆನ್ಸೆಕ್ಸ್
ಭಾರತೀಯ ಷೇರುಗಳು ಬುಧವಾರ ಮತ್ತೆ ಕೆಳಮಟ್ಟಕ್ಕೆ ತಳ್ಳಲ್ಪಟ್ಟಿದೆ. ಬ್ಯಾಂಕಿಂಗ್ ಮತ್ತು ಮಾಹಿತಿ ತಂತ್ರಜ್ಞಾನ (ಐಟಿ) ಷೇರುಗಳಲ್ಲಿನ ನಷ್ಟ ಹಾಗೂ ಗ್ರಾಹಕ ಸರಕುಗಳು ಮತ್ತು ಫಾರ್ಮಾದಲ್ಲಿನ ಲಾಭ ಸರಿದೂಗಿದಾಗ ಭಾರತೀಯ ಷೇರು ಕೊಂಚ ಕೆಳಕ್ಕೆ ಕುಸಿದಿದೆ.
ಆರಂಭಿಕವಾಗಿ ಷೇರು ಮಾರುಕಟ್ಟೆಯು ಲಾಭದೊಂದಿಗೆ ವಹಿವಾಟು ಆರಂಭ ಮಾಡಿತ್ತು. 30-ಷೇರು ಬಿಎಸ್ಇ ಸೆನ್ಸೆಕ್ಸ್ 256 ಪಾಯಿಂಟ್ಗಳು ಅಥವಾ 0.47 ರಷ್ಟು ಜಿಗಿದು 54,574 ಕ್ಕೆ ತಲುಪಿತ್ತು. ಎನ್ಎಸ್ಇ ನಿಫ್ಟಿ 79 ಪಾಯಿಂಟ್ ಅಥವಾ 0.49 ರಷ್ಟು ಏರಿಕೆಯಾಗಿ 16,339 ಕ್ಕೆ ವಹಿವಾಟು ಆರಂಭ ಮಾಡಿತ್ತು. ಆದರೆ ವಹಿವಾಟಿನ ಅಂತ್ಯದಲ್ಲಿ ನಷ್ಟ ಕಂಡಿದೆ.
ಸೆನ್ಸೆಕ್ಸ್, ನಿಫ್ಟಿ ಜಿಗಿತ: ಐಟಿ, ಫಾರ್ಮಾ ಷೇರು ಏರಿಕೆ
30-ಷೇರುಗಳ ಬಿಎಸ್ಇ ಸೆನ್ಸೆಕ್ಸ್ 110 ಪಾಯಿಂಟ್ಗಳು ಅಥವಾ 0.20 ರಷ್ಟು ಕುಸಿದು 54,209 ಕ್ಕೆ ತಲುಪಿತು. ಎನ್ಎಸ್ಇ ನಿಫ್ಟಿ 19 ಪಾಯಿಂಟ್ ಅಥವಾ 0.12 ರಷ್ಟು ಕುಸಿದು 16,240 ಕ್ಕೆ ವಹಿವಾಟು ಅಂತ್ಯ ಮಾಡಿದೆ.
ನಿಫ್ಟಿ ಮಿಡ್ಕ್ಯಾಪ್ 100 ಶೇಕಡಾ 0.22 ರಷ್ಟು ಮತ್ತು ಸ್ಮಾಲ್ ಕ್ಯಾಪ್ ಶೇಕಡಾ 0.39 ರಷ್ಟು ಕುಸಿದಿದ್ದರಿಂದ ಮಿಡ್ ಮತ್ತು ಸ್ಮಾಲ್ ಕ್ಯಾಪ್ ಷೇರುಗಳು ನಷ್ಟವನ್ನು ಕಂಡಿದೆ. ನಿಫ್ಟಿ ಪಿಎಸ್ಯು ಬ್ಯಾಂಕ್ ಮತ್ತು ನಿಫ್ಟಿ ಐಟಿ ಕ್ರಮವಾಗಿ ಶೇಕಡಾ 1.57 ಮತ್ತು ಶೇಕಡಾ 0.47 ರಷ್ಟು ಕುಸಿದಿದೆ.
ಪವರ್ಗ್ರಿಡ್ ಟಾಪ್ ನಿಫ್ಟಿ ಗೇನರ್ ಆಗಿದ್ದು, ಸ್ಟಾಕ್ ಶೇಕಡಾ 4.53 ರಿಂದ ರೂಪಾಯಿ 227.85 ಕ್ಕೆ ತಲುಪಿದೆ. ಬಿಪಿಸಿಎಲ್, ಟೆಕ್ ಮಹೀಂದ್ರಾ, ಅಪೊಲೊ ಆಸ್ಪತ್ರೆಗಳು ಮತ್ತು ಎಸ್ಬಿಐ ಕೂಡ ಹಿಂದುಳಿದಿವೆ. ಬಿಎಸ್ಇಯಲ್ಲಿ 1,428 ಷೇರುಗಳು ಕ್ಷೀಣಿಸಿದ್ದು, 1,918 ಷೇರುಗಳು ಲಾಭ ಗಳಿಸಿದೆ.
ಯಾವ ಷೇರಿಗೆ ನಷ್ಟ, ಯಾವ ಷೇರಿಗೆ ಲಾಭ?
30-ಷೇರು ಬಿಎಸ್ಇ ಸೂಚ್ಯಂಕದಲ್ಲಿ, ಪವರ್ಗ್ರಿಡ್, ಟೆಕ್ಎಂ, ಎಸ್ಬಿಐ, ಎಲ್ & ಟಿ, ಬಜಾಜ್ ಫಿನ್ಸರ್ವ್, ಭಾರ್ತಿ ಏರ್ಟೆಲ್, ಎನ್ಟಿಪಿಸಿ, ವಿಪ್ರೋ, ಎಚ್ಸಿಎಲ್ ಟೆಕ್, ಟಾಟಾ ಸ್ಟೀಲ್, ಇನ್ಫೋಸಿಸ್ ಮತ್ತು ಐಸಿಐಸಿಐ ಬ್ಯಾಂಕ್ ನಷ್ಟವನ್ನು ಕಂಡಿದೆ. ಈ ವೇಳೆಯೇ ಹಿಂದೂಸ್ತಾನ್ ಯೂನಿಲಿವರ್, ಅಲ್ಟ್ರಾಟೆಕ್ ಸಿಮೆಂಟ್, ಏಷ್ಯನ್ ಪೇಂಟ್ಸ್, ಸನ್ ಫಾರ್ಮಾ, ಐಟಿಸಿ, ಆಕ್ಸಿಸ್ ಬ್ಯಾಂಕ್, ಮಾರುತಿ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್ ಲಾಭವನ್ನು ಕಂಡಿದೆ.
ಅಲ್ಲದೆ, ಭಾರತೀಯ ಜೀವ ವಿಮಾ ನಿಗಮದ ಷೇರುಗಳು ಇಂದು ಶೇಕಡಾ 0.09 ರಷ್ಟು ಏರಿಕೆ ಕಂಡು 876.25 ರೂಪಾಯಿಗೆ ವಹಿವಾಟು ಅಂತ್ಯ ಮಾಡಿದೆ. ಎಲ್ಐಸಿ ಮಂಗಳವಾರ ಎಕ್ಸ್ಚೇಂಜ್ಗಳಲ್ಲಿ ನಿಧಾನವಾಗಿ ಚೊಚ್ಚಲ ಪ್ರವೇಶ ಮಾಡಿದೆ. ಮೊದಲ ದಿನವೇ ವಿತರಣೆ ಬೆಲೆ ರೂಪಾಯಿ 949 ಕ್ಕಿಂತ 8.62 ಶೇಕಡಾ ರಿಯಾಯಿತಿಯಲ್ಲಿ ಪಟ್ಟಿ ಮಾಡಿದೆ.