ಷೇರುಪೇಟೆ: ಸೆನ್ಸೆಕ್ಸ್ 238 ಪಾಯಿಂಟ್ಸ್ ಏರಿಕೆ, ನಿಫ್ಟಿ 14,700 ಪಾಯಿಂಟ್ಸ್ ಹೆಚ್ಚಳ
ಭಾರತೀಯ ಷೇರುಪೇಟೆ ಬುಧವಾರವೂ ಸಕಾರಾತ್ಮಕವಾಗಿ ಮುಂದುವರಿದಿದ್ದು, ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 238 ಪಾಯಿಂಟ್ಸ್ ಏರಿಕೆಗೊಂಡಿದೆ. ರಾಷ್ಟ್ರೀಯ ಷೇರುಪೇಟೆ ನಿಫ್ಟಿ 70 ಪಾಯಿಂಟ್ಸ್ ಹೆಚ್ಚಳಗೊಂಡಿದೆ.
ಬೆಳಿಗ್ಗೆ 10.20ರ ಸುಮಾರಿಗೆ ಬಿಎಸ್ಇ ಸೂಚ್ಯಂಕ ಸೆನ್ಸೆಕ್ಸ್ 390.69 ಪಾಯಿಂಟ್ಸ್ ಅಥವಾ ಶೇಕಡಾ 0.80ರಷ್ಟು ಹೆಚ್ಚಾಗಿ 49,334.83 ಪಾಯಿಂಟ್ಸ್ ತಲುಪಿದೆ. ಎನ್ಎಸ್ಇ ಸೂಚ್ಯಂಕ ಶೇಕಡಾ 0.74ರಷ್ಟು ಅಥವಾ 107.85 ಪಾಯಿಂಟ್ಸ್ ಏರಿಕೆಗೊಂಡು 14,760.90 ಪಾಯಿಂಟ್ಸ್ ತಲುಪಿದೆ.
ಇಂದು ಆರಂಭಿಕ ವಹಿವಾಟಿನಲ್ಲಿ ಬಿಎಸ್ಇನಲ್ಲಿ ಸುಮಾರು 1,142 ಷೇರುಗಳು ಏರಿಕೆಗೊಂಡರೆ, 242 ಷೇರುಗಳು ಕುಸಿದವು ಮತ್ತು 55 ಕಂಪನಿಗಳ ಷೇರುಗಳ ಬೆಲೆಯಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.
ಬಜಾಜ್ ಆಟೋ ಷೇರು ಸುಮಾರು 65 ರೂ ಗಳಿಸಿ 3,850.30 ರೂ., ಬಜಾಜ್ ಫೈನಾನ್ಸ್ ಷೇರುಗಳು 83 ರೂ.ಗಳಿಂದ 4,948.00 ರೂ., ದೇವಿ ಲ್ಯಾಬ್ ಷೇರುಗಳು ಸುಮಾರು 47 ರೂ.ಗಳಿಂದ 3,955.60 ರೂ., ಈಚರ್ ಮೋಟಾರ್ಸ್ ಷೇರುಗಳು 28 ರೂ ಗಳಿಸಿ 2,428.20 ರೂಗಳಿಗೆ ತಲುಪಿದೆ. ಎಸ್ಬಿಐ ಷೇರು ಸುಮಾರು 4 ರೂ.ಗಳ ಏರಿಕೆ ಕಂಡು 357.05 ರೂ. ತಲುಪಿದೆ.
ಏಪ್ರಿಲ್ 28 ರಂದು ಆರಂಭಿಕ ವಹಿವಾಟಿನಲ್ಲಿ ಭಾರತೀಯ ರೂಪಾಯಿ ಏರಿಕೆ ದಾಖಲಿಸಿತು. ದೇಶೀಯ ಇಕ್ವಿಟಿ ಮಾರುಕಟ್ಟೆಯಲ್ಲಿ ಹಿಂದಿನ 74.66 ಕ್ಕೆ ಹೋಲಿಸಿದರೆ ಪ್ರತಿ ಡಾಲರ್ಗೆ 15 ಪೈಸೆ ಹೆಚ್ಚಳಗೊಂಡು 74.51 ಕ್ಕೆ ತೆರೆಯಿತು.