ಕೊನೆಗೂ ಚೇತರಿಕೆ ಕಂಡ ಷೇರುಪೇಟೆ: ಸೆನ್ಸೆಕ್ಸ್ 693 ಪಾಯಿಂಟ್ಸ್ ಏರಿಕೆ

ಕೊರೊನಾವೈರಸ್ ಭೀತಿ ಹಾಗೂ ಹರಡುವಿಕೆಯಿಂದ ನಲುಗಿ ಹೋಗಿರುವ ಭಾರತದ ಷೇರು ಮಾರುಕಟ್ಟೆ ಮಂಗಳವಾರ ಚೇತರಿಕೆ ಕಂಡು ಕುಸಿತ ಕಂಡಿತ್ತು. ಬಳಿಕ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ವಿಶೇಷ ಪ್ಯಾಕೇಜ್ ಘೋಷಣೆಯಿಂದಾಗಿ ಏರಿಕೆ ದಾಖಲಿಸಿದ ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ 693 ಪಾಯಿಂಟ್ಸ್‌ ಏರಿಕೆ ದಾಖಲಿಸಿದೆ.

ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ ಬಹಳ ದಿನಗಳ ವಹಿವಾಟಿನ ಬಳಿಕ ಏರಿಕೆ ಕಂಡಿದೆ. ಬಿಎಸ್‌ಇ ಸೂಚ್ಯಂಕ ಸೆನ್ಸೆಕ್ಸ್ 693 ಪಾಯಿಂಟ್ಸ್‌ ಏರಿಕೆಯೊಂದಿಗೆ 26,674.03 ಪಾಯಿಂಟ್ಸ್‌ ತಲುಪಿದೆ. ಇನ್ನು ಎನ್‌ಎಸ್‌ಇ ಸೂಚ್ಯಂಕ ನಿಫ್ಟಿ 2.5 ಪರ್ಸೆಂಟ್ ಏರಿಕೆಯಾಗಿದ್ದು 190.8 ಪಾಯಿಂಟ್ಸ್ ಏರಿಕೆಗೊಂಡು 7,801.05 ಅಂಶಗಳಿಗೆ ಮುಟ್ಟಿದೆ.

ಷೇರುಪೇಟೆ ಏರಿಕೆಯೊಂದಿಗೆ, ಚಿನ್ನ, ಬೆಳ್ಳಿ, ಕಚ್ಛಾ ತೈಲವು ಕೂಡ ಕೊಂಚ ಏರಿಕೆ ಕಂಡಿದೆ. ಇನ್ಪೋಸಿಸ್, ಅದಾನಿ ಪೋರ್ಟ್ಸ ಹಾಗೂ ಬ್ರಿಟಾನಿಯಾ 12 ಪರ್ಸೆಂಟ್‌ಗೂ ಅಧಿಕ ಮೌಲ್ಯ ಸಂಪಾದಿಸಿವೆ. ಜೊತೆಗೆ ಬಜಾಜ್ ಫಿನ್ಸರ್ವ್, ಹೆಚ್‌ಯುಎಲ್, ರಿಲಯನ್ಸ್‌, ಮಾರುತಿ ಸುಜುಕಿ, ಹೆಚ್‌ಸಿಎಲ್ ಟೆಕ್, ಕೋಟಕ್ ಮಹೀಂದ್ರಾ ಷೇರುಗಳು ಏರಿಕೆ ದಾಖಲಿಸಿವೆ.

ನಷ್ಟ ಅನುಭವಿಸಿದ ಷೇರುಗಳು:

ಯೆಸ್ ಬ್ಯಾಂಕ್, ಎಂ ಅಂಡ್ ಎಂ, ಗ್ರಾಸಿಮ್ ಇಂಡಸ್‌ಲ್ಯಾಂಡ್ ಬ್ಯಾಂಕ್, ಪವರ್‌ಗ್ರಿಡ್ ಕಾರ್ಪ್, ಐಟಿಸಿ, ಬಜಾಜ್ ಫಿನ್ಸರ್ವ್, ಬಿಪಿಸಿಎಲ್, ಜೀ ಎಂಟರ್‌ಟೈನ್‌ಮೆಂಟ್ ಷೇರುಗಳು ಲಾಭ ದಾಖಲಿಸಿವೆ.