ಏಷ್ಯಾದ ಶ್ರೀಮಂತ ಕುಟುಂಬಕ್ಕೆ ಹೊಸ ಸದಸ್ಯನ ಎಂಟ್ರಿ: ಗಂಡು ಮಗುವಿನ ತಂದೆಯಾದ ಆಕಾಶ್ ಅಂಬಾನಿ
ವಿಶ್ವದ ಟಾಪ್ 10 ಶ್ರೀಮಂತರಲ್ಲಿ ಒಬ್ಬಾತ ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಕೇಶ್ ಅಂಬಾನಿ ಮೊಮ್ಮಗನ ಎಂಟ್ರಿಯಿಂದ ಫುಲ್ ಖುಷಿಯಾಗಿದ್ದಾರೆ. ಮುಕೇಶ್ ಅಂಬಾನಿಯ ಹಿರಿಯ ಮಗ ಆಕಾಶ್ ಅಂಬಾನಿ ಪತ್ನಿ ಶ್ಲೋಕಾ ಅಂಬಾನಿ ಇಂದು ಗಂಡು ಮಗುವಿಗೆ ಜನ್ಮನೀಡಿದ್ದಾರೆ.
''ನೀತಾ ಅಂಬಾನಿ ಮತ್ತು ಮುಕೇಶ್ ಅಂಬಾನಿ ಮೊದಲ ಬಾರಿಗೆ ಅಜ್ಜ-ಅಜ್ಜಿಯಾಗಲು ಸಂತೋಷಪಟ್ಟಿದ್ದಾರೆ. ಶ್ಲೋಕಾ ಮತ್ತು ಆಕಾಶ್ ಅಂಬಾನಿ ಇಂದು ಮುಂಬೈನಲ್ಲಿ ಗಂಡು ಮಗುವಿನ ಹೆಮ್ಮೆಯ ಪೋಷಕರಾದರು. ತಾಯಿ ಮತ್ತು ಮಗ ಇಬ್ಬರೂ ಉತ್ತಮವಾಗಿದ್ದಾರೆ. ಹೊಸ ಆಗಮನವು ಮೆಹ್ತಾ ಮತ್ತು ಅಂಬಾನಿ ಕುಟುಂಬಗಳಿಗೆ ಅಪಾರ ಸಂತೋಷವನ್ನು ತಂದಿದೆ "ಎಂದು ಅಂಬಾನಿ ವಕ್ತಾರರು ತಿಳಿಸಿದ್ದಾರೆ.
ಶ್ಲೋಕಾ ರೋಸಿ ಬ್ಲೂ ಎಂಡಿ ಅರುಣ್ ರಸ್ಸೆಲ್ ಮೆಹ್ತಾ ಅವರ ಪುತ್ರಿ. ಆಕಾಶ್ ಅಂಬಾನಿ ಅವರೊಂದಿಗಿನ ದಿಢೀರ್ ನಿಶ್ಚಿತಾರ್ಥ ಆದ ಬಳಿಕ 2019 ರಲ್ಲಿ ಅವರ ವಿವಾಹವು ಬಹು ಅದ್ಧೂರಿಯಾಗಿ ಮುಂಬೈನಲ್ಲಿ ನಡೆಯಿತು.
ದೊಡ್ಡ ಉದ್ಯಮಿಗಳ ಕುಟುಂಬದಲ್ಲಿ ಹುಟ್ಟಿ ಬೆಳೆದ ಶ್ಲೋಕ ಕೂಡ ಅಪಾರ ವ್ಯಾಪಾರ ಜ್ಞಾನ ಹೊಂದಿದ್ದಾರೆ. ಅವರು ಪ್ರಿನ್ಸ್ಟನ್ ವಿಶ್ವವಿದ್ಯಾಲಯದಲ್ಲಿ ಮಾನವಶಾಸ್ತ್ರದ ವಿದ್ಯಾರ್ಥಿಯಾಗಿದ್ದರು ಮತ್ತು ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್ನಿಂದ ಸ್ನಾತಕೋತ್ತರ ಪದವಿಯನ್ನು ಪಡೆದರು ಮತ್ತು ನಂತರ 2014ರಲ್ಲಿ ಭಾರತಕ್ಕೆ ಮರಳಿದರು.